قياس شد السيور

**sama_Sama** · 27-11-2008 06:19 PM

عربيتى كيا برايد وكل ما يتعمل فيها حاجه تحتاج فك سيور الدينامو والتكييف كل ميكانيكى بيركبهم تانى بيكون شد السيور مختلف، عايز أعرف الأداة اللى بيتقاس بيها شد السيور ممكن الواحد يجيبها منين، انا عندى السيرفيس مانويل وعارف الأرقام بس مش عارف اجيب الأداة دى منين

**samirayad** · 28-11-2008 08:30 PM

المشاركة الأصلية كتبت بواسطة sama_Sama

عربيتى كيا برايد وكل ما يتعمل فيها حاجه تحتاج فك سيور الدينامو والتكييف كل ميكانيكى بيركبهم تانى بيكون شد السيور مختلف، عايز أعرف الأداة اللى بيتقاس بيها شد السيور ممكن الواحد يجيبها منين، انا عندى السيرفيس مانويل وعارف الأرقام بس مش عارف اجيب الأداة دى منين

تقريبا مفيش جهاز يمكن بواسطتة قياس قوة شد السيور........ولاكن يمكن تنفيذ ذلك كالاّتى..............يتم وضع مسطرة بطول مناسب على السير بين الطنبورتين المراد قياس قوة شد السير الواصل بينهما......بعد تثبيت المسطرة....يتم الضغط على السير لداخل الطنبورين......وعند هذة اللحظة يتم قياس المسافة الرأسية بين أقصى نقطة لانضغاط السير وبين المسطرة الموجودة ومماسة للطنبورين.....المفروض المسافة فى حدود 1سم......

**eldeplomasy** · 28-11-2008 10:18 PM

مشكلة السير في حاجتين

اولا لو اتشد جامد بيبوظ رولمان بلي حاجات كتير انا مش عارف ايه هي

ثانيا لو كان مرخي زي عندي في الشاهين كل ما اجي اشغل العربيه وهي بارده يصفر جدا ويخلي الموتور يترعش وبعد الصفاره ما تروح الرعشه تروح هي كمان وده شئ بيضايقني انا شخصيا

**l0new0lf** · 28-11-2008 11:52 PM

على ما افتكر ان المسافه المضبوطه ربع بوصه

**samirayad** · 29-11-2008 07:07 PM

المشاركة الأصلية كتبت بواسطة l0new0lf

على ما افتكر ان المسافه المضبوطه ربع بوصه

لا .....علميا فى حدود 1 سم

**l0new0lf** · 30-11-2008 01:08 AM

المشاركة الأصلية كتبت بواسطة samirayad

لا .....علميا فى حدود 1 سم

ادام الكلام دخل فى موضوع علمياً يبقى سيادتك مينفعش تحط معاه كلمة (فى حدود) لازم تحط رقم محدد
هى ربع بوصه او 6 ميللى

**samirayad** · 30-11-2008 08:01 PM

المشاركة الأصلية كتبت بواسطة l0new0lf

ادام الكلام دخل فى موضوع علمياً يبقى سيادتك مينفعش تحط معاه كلمة (فى حدود) لازم تحط رقم محدد
هى ربع بوصه او 6 ميللى

ليس المقصود من علميا هنا رقم محدد وانما ذكر المتخصصين هنا فى كتاباتهم بأن الرقم فى حدود1سم(أى أن القيمة تكون مقبولة لو كانت9مم مثلا أو 11مم مثلا).........وتصديقا للسرد فانة كما ذكرت لحضراتكم بأنة لايوجد أجهزة قياس محددة وانما يتم الاطمئنان على قوة الشد بالطريقة المنوة عنها فى تعليقى.....وبلاش موضوع علميا هذا.....ويمكن أن نقول ..من واقع الخبرات والتجارب السابقة

**l0new0lf** · 30-11-2008 08:35 PM

لا فيه اجهزه لقياش شد السيور. و مش معنى عدم معرفتك بوجودها انها مش موجوده
و بص على اللنك دة www.morbark.com/Service/belttension.pdf
و اقراه و شوف المسافه دى بتتحسب ازاى
مع مراعاة ان ال belt span فى مواتير معظم سيارات الركوب هتلاقيه 14- 16 بوصه. و ده هيديلك deflection ربع بوصه بالحسابات المشروحه

**samirayad** · 30-11-2008 09:51 PM

أولا ياعزيزى ماتستبعدش أى حاجة عن الخواجات........وياسيدى أنا معرفتى على قدى وأشكرك.......بس عايز أسأل سيادتك سؤال.....أولا الجهاز واضح انة انجليزى الصنع......وياترى موجود منة فى مصر.......ولو لقيتة.....أزاى أحدد......مقطع السيروأى كود مطابق لة فى الشرح الموضح باللنك......علشان أعرف قوة الشد المطلوبة للضبط............أنا بقولك على طريقة مبسطة مذكورة فى كتالوجات علمية ........يعنى علشان أضبط الشد لسير دينامو بعشرة جنية ...أشترى جهاز زى دة بالشى الفلانى.......عموما حبقى أسأل الواد بلية ...يمكن يكون عندة الجهاز دة.......دا التوكيلات المختلفة بأنواعها فى مصر أعتقد معندهاش الجهاز دة(على حسب علمى) علشان مفتيش فى حق التوكيل

**sama_Sama** · 01-12-2008 02:48 PM

يا جماعة على حد علمى وزى السرفيس مانوال بيقول الجهاز حاجه يدوية تماما بتحط شد على السير وبتدى deflection وأنا عندى القيم المطلوبة للعربية بتاعتى، من غير خناق بس وعلى فكرة بلية ما بيعرفش يظبط السيور ابداااا