الموضوع: عشاق و ملاك البيتلز بالمنتدى

السلام عليكم ورحمة الله وبركاته

الأخ tejani

ممكن حضرتك تاخد العربيه و تروح لعاطف عبده فرج الميكانيكى يكشفلك عليها كويس و يقولك تسوى كام و لو لقيت نفسك خسران 1000 جنيه مثلاً مش مشكله لكن لو قالك العربيه حالتها مش كويسه و مش سليمه يبقى لازم تضغط على اللى إنت شارى منه العربيه و يرجعهالك بأى طريقه و خساره قريبه أفضل من خساره بعيده.
و روح لعاطف الميكانيكى قبل ما تروح معاه عند الميكانيكى بتاعه لأنه أكيد هايلملك العربيه أى كلام .
و ربنا يسترها معاك و معانا.

قدر الله و ما شاء فعل

خلاص توكل على الله و إرضى بنصيبك
فعلاً الكربراتير الإستيراد فى حدود من 350 إلى 450 جنيه حسب الحاله.
و مسئله الجوانات أو أولسيه الكرانك بسيطه ماتقلقش

و لما تستلمها قولنا إيه الأخبار
و ربنا يباركلك فيها و يكفيك شرها

احنا في انتظار الاخبار يا باشا عشان نطمن عليك يا بتلزاوي يا جديد

السلام عليكم أخواني عشان ومالكي البيتلز
أولاً:- أنا لا أملك سيارة بيتلز لكن أنا أعشق هذه السيارة وأعشق وأتابع الحديث عنها علشان كده أنا متابع مواضيعها أول بأول والمقابلات إللي اتعملت بين الأصدقاء، وكثر إعجابي حينما قرأت بأن هناك أخ لديه مشكلة في موتور عربيته البيتلز، وعرض هذه المشكلة، وبعض الأصدقاء مالكي البيتلز رد عليه بأنه يمكن أن يساعده وأن يذهب معه لأي مكان لو أحتاج أي شيء حينما كان يقوم بعمل عمرة لعربيته.
ثانياً:- هذه ليست أول مشاركة لي في الحديث بهذا المنتدى لأني كنت أملك سيارة توب ألماني 127 وكنت أريد المساعدة في اختيار سيارة بيتلز وكنت قد سألت الأخ Ahmed Hassan، والأخ هاشم وكانوا كاتبين قصتهم مع البيتلز من ساعة ما اشتروها، المهم ما طولش عليكم ربنا كرمني بعربية 128 موديل 1980 بس قعدت معايا شهر وبعتها برغم أن حالتها كانت كويسة بعد ما ظبط فيها شوية حاجات بس للأسف مش هي دي العربية إللي الواحد يركبها برغم أنها بياعة بطريقة فوق الوصف (وقت ما تقول يا بيع في 1000 زبون) وأنا والله مكنتش شايف نفسي فيها خاااااااالص خصوصاً وأن المنطقة إللي أنا فيها كانت كلها مطبات فحسيت إن العربية ضعيفة جداً في ظل المطبات الصعبة إللي عندي، وبعد كده لما فكرت في البيتلز تاني لاقيت أن الموضوع صعب خصوصاً أني اتعودت على عربية 4 باب، وأخييييراً ثم أخيراً قررت شراء سيارة بولونيز بحكم أنها 4 باب وموديل حديث 1987 وعربية عظمها جامد جداً وعفشتها جامدة وواسعة جداً من جوة وتكفي عيلة كبيرة وأنا والله مقتنع بيها جداً والحمد لله، بس طبعاً لو شفت عربية بيتلز معدية من جانبي باحس أن هذه العربية ليها كل الإحترام لدرجة أني دوشت مراتي وحفظتها المقرر لتاريخ هذه السيارة، طبعاً آخر ما زهقت من كلامي عنها، قالت لي أنت مش جبت العربية البولونيز إللي نفسك فيها،
طبعاً بعدها سكت خلاص وقلت الحمد لله على ما رزقني به
لكن إحساس جميل جداً لما سقت العربية البيتلز غير أي عربية تانية
معلش طولت عليكم وسامحوني
وتقديري واحترامي لكل مالكي البيتلز معشوقتي

المشاركة الأصلية كتبت بواسطة tejani

اتصلت بالميكانيكي امبارح قالي ان العربيه فيها حاجه اسمها بي ال
وانا صراحه تحفه كبيرة جدا في العربيات وقالي ان ده ممكن يكسر الكرنك وان احتمال يبقى في طقم شنبر وسبيكه والموضوع باين عليه كبير قوي
كلمت صاحب العربية وقلتلة وقالي اللي فيها يتعمل ونتحمله احنا الاتنين
قلتله يا سيدي خد الفين من الفلوس ورجع العربية لاني صراحه اتعقدت
مرضيش وقالي انه هيروح للميكانيكي
صراحه انا مش عارف لما الواحد يتعامل مع الناس بحسن نيه بيعاملوه كده ليه الواحد محبط احباط فظيع

أخي الفاضل

انت ليه مكبر الموضوع

لو المشكلة في الموتور فقط وباقي العربية تمام و100 100 يبقى بسيطة جداً، وعمر ما كان الموتور بيعيب عربية، وبعدين ليه تخسر 2000 جنيه ثمن رجوعها!!!، طيب ما تظبط الموتور وحاول تضغط على صاحب العربية الأصلي أنه يتحمل تكلفة عمرة الموتور كلها بما أنه قال لك أن الموتور لا يوجد به شغل، ولو مارضيش تفاوض معاه على أساس انه يتحمل هو المبلغ الأكبر وأنت أولى بأي مبلغ تأخذه منه. وبعدين ما تزعلش كل ده تعليم ليك في حياتك المستقبلية وبعدين خلي بالك (الله عز وجل له حكمة في هذه البيعة) يمكن تكون هذه السيارة خيراً فيما بعد وتكون فتحة خير عليك إذا كنت مظلوم في البيعة وسيعوضك الله فيها خيراً بإذن الله، وإن لم تكن خيراً لك فمن الممكن أن يكون ده ذنب انت اقترفته في الدنيا والله عز وجل أراد أن يجزيك به ويحاسبك عليه في الدنيا

يقول الله عز وجل في صورة البقرة الآية 216 {وَعَسى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ }
فصبراً أخي الحبيب على الابتلاء فهو خير بإذن الله

عمرو السقا

السلام عليكم أخواني عشان ومالكي البيتلز
أولاً:- أنا لا أملك سيارة بيتلز لكن أنا أعشق هذه السيارة وأعشق وأتابع الحديث عنها علشان كده أنا متابع مواضيعها أول بأول والمقابلات إللي اتعملت بين الأصدقاء، وكثر إعجابي حينما قرأت بأن هناك أخ لديه مشكلة في موتور عربيته البيتلز، وعرض هذه المشكلة، وبعض الأصدقاء مالكي البيتلز رد عليه بأنه يمكن أن يساعده وأن يذهب معه لأي مكان لو أحتاج أي شيء حينما كان يقوم بعمل عمرة لعربيته.
ثانياً:- هذه ليست أول مشاركة لي في الحديث بهذا المنتدى لأني كنت أملك سيارة توب ألماني 127 وكنت أريد المساعدة في اختيار سيارة بيتلز وكنت قد سألت الأخ ahmed hassan، والأخ هاشم وكانوا كاتبين قصتهم مع البيتلز من ساعة ما اشتروها، المهم ما طولش عليكم ربنا كرمني بعربية 128 موديل 1980 بس قعدت معايا شهر وبعتها برغم أن حالتها كانت كويسة بعد ما ظبط فيها شوية حاجات بس للأسف مش هي دي العربية إللي الواحد يركبها برغم أنها بياعة بطريقة فوق الوصف (وقت ما تقول يا بيع في 1000 زبون) وأنا والله مكنتش شايف نفسي فيها خاااااااالص خصوصاً وأن المنطقة إللي أنا فيها كانت كلها مطبات فحسيت إن العربية ضعيفة جداً في ظل المطبات الصعبة إللي عندي، وبعد كده لما فكرت في البيتلز تاني لاقيت أن الموضوع صعب خصوصاً أني اتعودت على عربية 4 باب، وأخييييراً ثم أخيراً قررت شراء سيارة بولونيز بحكم أنها 4 باب وموديل حديث 1987 وعربية عظمها جامد جداً وعفشتها جامدة وواسعة جداً من جوة وتكفي عيلة كبيرة وأنا والله مقتنع بيها جداً والحمد لله، بس طبعاً لو شفت عربية بيتلز معدية من جانبي باحس أن هذه العربية ليها كل الإحترام لدرجة أني دوشت مراتي وحفظتها المقرر لتاريخ هذه السيارة، طبعاً آخر ما زهقت من كلامي عنها، قالت لي أنت مش جبت العربية البولونيز إللي نفسك فيها،
طبعاً بعدها سكت خلاص وقلت الحمد لله على ما رزقني به
لكن إحساس جميل جداً لما سقت العربية البيتلز غير أي عربية تانية
معلش طولت عليكم وسامحوني
وتقديري واحترامي لكل مالكي البيتلز معشوقتي

وعليكم السلام ورحمة الله وبركاته

الأخ العزيز عمرو سقا
مرحباً بيك أخ و صديق معانا فى الفولكس و سعداء بتواجدك بيننا بمشاركاتك
و فعلاً البيتل ليها جاذبيه غريبه جداً
و ربنا يباركلك فى البولونيز و يكفيك شرها