الموضوع: استفسارات مبتدئ بسيطة

المشاركة الأصلية كتبت بواسطة mostafa09

السلام عليكم

عندي بعض الاستفسارات حول تعلم وقيادة السيارة وهي:

1 - اذا انا طلعت بالاول وبعدين نقلت للتاني وبعدها التالت وظهر قدامي مطب او عربية بتهدي .. اعمل ايه ادوس عالفرامل علي نفس الغيار التالت ولا ادوس عالفرامل ونزل للتاني ولا امورها .. ايه الي مفروض اعمله بترتيب مناسب ؟

2- وانا بطلع الاول في البداية هل ادوس دبرياج الاول وبعدها سنة بنزين ولا الاثنين في نفس الوقت .. ولا ادوس سنة بنزين وانا برفع رجلي من علي الدبريج ؟ ياريت اعرف بالترتيب المناسب

3 - الملفات بتتاخد على التاني ولا الاول ولا وانا ممور ..

4 - المفروض اخد وقت قد ايه علشان تسخن العربية قبل ما طلع؟


مشكلتي كلها مع الغيارات وترتيبها المنطقي فياريت حد يفيدني ..

وشكراً

1. لما تهدي تدوس فرامل على الغيار اللي انت فيه عادي لغاية ما العربية تهدى خالص وبعدين تنقل للأول أو التاني وتاخد المطب.
2. تدوس سنة بنزين وانت بتشيل رجلك أفضل
3. اوعى في حياتك تاخد ملف أو تنزل منزل كوبري وانت ممور..متعرفش ايه ممكن يحصل في الطريق فجأة مش هتلاقي العربية واخدة غيار وممكن تعمل مشكلة.
4. بالنسبة للعربيات الإنجكشن دقيقة أو دقيقتين بالكتير.

اضبط الغيارات على عداد ال rpm... أول أما يعدي 2.5 تنقل للغيار الأعلى..وانت بتنزل بقى من الغيار الأعلى للأقل، امسح الرابع والأول من دماغك وركز في الثالث والتاني..يعني انت مثلا ماشي 80-90 على الخامس..وضربت فرامل نزلت السرعة 30-40 انقل للتالت ودوس.. نزلت السرعة 10-20 يبقى انقل التاني.. امشي كده لغاية ما تتعود على الغيارات وهتلاقيك حفظتها لوحدك