الموضوع: استفسارات لأمور بسيطة فى الميجان

أنا عندى شوية استفسارات للوحوش
التكييف عندى ( تاتش ) بيطلع هواء سخن دايما و هو مقفول (المراوح و ال AC )....و دى حاجة مزعجة جدا خصوصا فى الصيف....
فى صيانة ال 20 ألف قالوا الحل فى تغيير فلتر التكييف و هما غيروه فعلا و بقى التكييف أقوى لكن المشكلة ظلت قائمة
فى صيانة ال 25 ألف النهاردة قالوا إن الحل هو إنى أدوس على الزرار بتاع ال Recycle و أقفل المراوح....و إنه هو ده الحل الوحيد...
هل الوحوش اللى عندهم التكييف ده بيطلع عليهم هوا سخن و بيقفلو الفتحات سواء عن طريق الزرار بتاع ال recycle أو العجلة اللى بتقفل كل فتحة على حدة ؟؟؟؟

الموضوع التانى...العربية من يومها و هى زيرو بتحدف شمال....فى الأول قلت متهيألى...لكن على صيانة ال 20 ألف بقى الموضوع خطير...المهم ظبطت زوايا عندهم....لكن لسه المشكلة قائمة و لكن مش بنفس الحدة زى قبل الظبط .....النهاردة جربوها 2 مهندسين كل واحد لواحده و النتيجة إن ضغط الهوا فى العجل لم يكن متساوى و بس....
لكن أنا لازلت حاسس إن العربية بتحدف شمال و لو كان عيب طريق فمش معقول مصر كلها نايمة على الشمال....مش عارف أنأكد إزاى أو أعمل إيه

الموضوع التالت.....على الباب و تحت الأكرة فى طبة لونها أسود......لما غيرت الباب كله الظاهر إنهم نسيو يحطوا الطبة دى....للأسف هى مش موجودة فى قطع الغيار....مش عارف أعمل إيه...أنا اللى قالقنى إن ممكن مياه الغسيل و لا التراب يبوظوا ماكينة الزجاج ...
هل ممكن أجيبها استيراد مثلا و لا إيه رأيكم ؟؟

الموضوع الرابع المساحة الخلفية مربوطة بصامولة على محور الموتور بتاعها و فى حتة بلاستيك cover بتغطى المنظر ده كله....فوجئت بيها اتفكت و الصامولة وقعت و لما قولتلهم على الموضوع ده النهاردة أفتكر كل اللى تم إنهم ربطو الصامولة كويس لكن مافيش ال cover ....مش عارف أجيبه منين....

أتمنى إنى ما أكونش مزعج

السلام عليكم .......... ازيك يا هاني باشا يا رب تكون بخير والوحوش كلهم باحسن حال ان شاء الله .

شوف يا سيدي موضوع الهوا السخن مرتبط دايما با Recycle يعني طول ما انت عامل الموضوع ده هايدخلك هوا من بره ....على فكره انا تكيفي مش تاتش بكر عادي ...الهوا السخن بيكون موجود اول ما باركب العربيه لو مركونه في الشمس بيفضل فتره وبيبرد لوحده طبعاً ده بيرجع لدرجة حرارة الهواء الخارجي ......انا مش متصور ان الهوا اللي داخللي الكابينه بيمر على الموتور وإلا هايكون على طول سخن وريحته شياط وشغلانه ........اعتقد الهوا اللي بيدخل من ال Recycle ليه هوايه تانيه حتى وان كانت في الكابوت لكن بعيده قدر الامكان عن الموتور وحرارته .......اللي عاوز اقوله يا هاني باشا ان لو طول ما انت فاتح ال Recycle داخلك هوا سخن يبقى في مشكله عندك غالباً السخن شغال على طول .......لازم يصحوا ويكشفوا على الموضوع ده كويس.......

ملخص الكلام يا هاني باشا الهوا اللي بيدخل من ال Recycle سخن في الاول وبيبرد بعد دقائق او ثواني لو ماشي على 100 مثلاً تباعاً لدرجة حرارة الهواء الخارجي طبعاً يعني لو بره شمس الهوا هايفضل زي ما هو سخن لكن ازاي دلوقتي واحنا في عز التلج كده الهوا داخل سخن !!! ده اللي محتاج نركز عليه شويه.

موضوع البلاستيكه بتاعة الباب انا فضلت كام اسبوع عندي نفس المشكله وللأسف ما لقيتهاش غير في التوكيل بس للأمانه كانت عربيه من العربيات اللي متكهنه والفني اللي هناك قام مركبهالي....عموماً انا عشان برضه موضوع المياه ده كنت لازق عليها Tabe وعن تجربه عشان ماتدوخش نفسك مش هايمسك في الباب غير لزق ورق كده ده بيمسك كويس ومهما فضل على العربيه مش بيسيب اثر ......لغاية ما تلاقي واحده في عربيه كده ولا كده ..........

موضوع الحدفه الشمال خلليك مع ايمن باشا وان شاء الله هايظبطلك الدنيا وربنا يكرم .