عرض للطباعة
السلام عليكم ورحمه الله وبركاته
من فترة انا عملت موضوع اني اسقط موتور ابيزا كوبرا ف الابيزا بتاعتي 2001
والاعضاء مشكورين افادوني جدا
دلوقتي انا خلاص اتفقت علي السعر بتاع النصف كامل عفشه وموتور وكهربا وصاج وتابلوه
الي عايز استفسر عليه .
هل فعلا لو اي حاجه خربت ف السيارة مش هلاقيلها قطع غيار . عفشه موتور كهربا ولا ليها حاجات ف الجولف?
ارجوا الافاده لاني المفروض اشترية ف خلال يومين
اسف علي الاطاله
ياريت يا جماعه الى عنده خبرة يفيدنا لاني على وشك اني اشتري النصف ده
يا جماعه مفيش حد عنده اي افاده؟
المشكله الى ظهرت معايا اني لازم اغير العفشه ورا كامله 5 مسمار وطرمبة البنزين والشكمان ده غير المصنعية
وهل هقدر الاقي بيعه لقطع الغيار القديمة؟
وهل بعد كل ده الموضوع يستحق
النص الامامي ابيزا كوبرا كامل 1.8t 20v بكل شي كهرباء وعفشه وصاج وتابلوة ودفيرة مش ناقص مسمار ب 12 هل السعر مناسب وياتري المصاريف هتوصل بي لكام
ياريت لو حد عنده معلومات يفيدني
بص يا باشا
انت اهم حاجة في قطع الغيار البارت نامبر بتاعها Part Number
وبالتالي احتمال كبير انك تجيب حاجتها من علي النت
وبصراحة دة هيكون اغلي كتير من ثمنها الحقيقي بسبب الضرايب والشحن وخلافه
التجربة بكل تأكيد تجربة جميلة وهتحس احساس مختلف تماماً بعد لما تنقل النص في عربيتك
لكن المهم فيما بعد
انت فعلا محتاج تغير عفشة وفرامل وطرمبة بنزين وشكمان
شوف الموضوع دة
تجربة تفريغ نص بولو كلاسيك فى ابيزا 98
هيفيدك كتير اوي في البروجيكت بتاعك
بس لازم تحسبها صح اوي قبل ما تفكر انك تنقل مسمار في عربيتك
المكنة ال1800 الV20 نزلت في التوليدو 2002 ونزلت في الأودي A3
لو لقيت حاجتهم هناا في مصر يبقي مش هتشيل هم الميكانيكا
عفشة الجولف 3 تركب عندك في عربيتك
شوف لو حاجتها موجودة ولا لاء
الشكمان هتفصله لأنك مش هتلاقيه استيراد
طرمبة البنزين مش قضية
هتجيب الطلمبة ال3 بار هتشغلك كويس
بس لازم تتأكد المكنة دي بيركبلها انهي طلمبة (اقصد كقوة ضخ بالبار)
نزل كتالوج VDO من علي موقعهم وابحث فيه عن طلمبة الأبيزا الV20
وهتجيبها من الشهابي في دمشق جديدة بحوالي 750 جنيه
شوف كمان الموضوع دة
الطريقة الصحيحة لتسقيط الماكينات
وربنا يكرمك ان شاء الله
تحياتي
مشكور جدا جدا على الرد الوافي استاذ / سيد
انا سالت علي قطع الغيار لقيتها موجوده بس مش كلها مثال ( سير كاتينة + عفشه )
الموضوع هيتكلف حسبة 20 او زياده عشان العربية تمشي لاني هغير عفشه ورا كامله + جنط 5 مسمار مش 4
والله انا بدرس الاحتمالات خصوصا ان الموتور ال 1.8t 20v مشوفتش حد نزله على ابيزا
فكرت اني اسقط 1600 عادي بس فعلا التكلفه هتبقي قريبة بالترخيص والسمكرة والرش وتكويد الموتور وفي الاخر هيبقي مش كامل
لاكن لو اشتريت النصف كامل هغير فى السيارة ( تابلوة كامل عدادات و تلاجه + ضفيرة + فتيس + طقم تبريد وتكييف كامل + صاج السيارة كامل الامامي + عفشه كامله امامية ) كل ده 12 الف
ف انا شايف ان شاء الله الموضوع يستحق المجازفه
وان شاء الله بسوي تقرير كامل اول اما اخلص وربنا يكتب الى فيه الخير
مشكور جدا مرة تانية استاذ / سيد . جزاك الله كل خير
ربنا يوفقك