فيات لينيا 2016

**moutasem2016** · 07-04-2016 12:55 AM

السلام عليكم
يارب تكونوا بخير
انا كنت بفكر اشتري عربيه فيات لينيا الجديدة .
ومن ساعه ما فكرت ف كده وكل اللي حواليا بيقولوا طبعا لآ , كلهم بيقولوا انت شفتها من ساعه مانزلت ف الشارع ؟؟!! ده دليل انها مش كويسه وملهاش سوق

قالولي كمان قطع غياراها مش متوفره وغاليه .. ومش هاعرف ابيعها مستقبلا لو حصلي أي ظرف

بس فعلا العربيه عجباني جدا ... وكنت ناوي فعلا اتوكل ع الله واشتريها بس الناس مخوفاني منها

تنصحوني بأيه ؟؟؟؟؟؟؟؟!!!!!!!!!!!!!

**tito32** · 07-04-2016 01:27 AM

متسمعش كلام الناس الناس عمرها ما اتفئت على راى واحد انت روح التوكيل واسال على قطع الغيار واسعارها واسعار الصيانه وشوف طالما انت مرتاح للعربيه لان ايه فايدة انك راكب عربيه ونفسك تركب عربيه تانيه

**scientist9508** · 24-04-2016 06:04 PM

لو أنك أخبرتنى أنك تريد شراء بونتو (الإيطاليه) لشجعتك على ذلك . . . و لكن التيبو تركيه . . . و تاريخ فيات مع الصناعه التركيه لم يكن مشرف . . إستخير الله

**Colin Chapman** · 24-04-2016 06:55 PM

**dr_haitham79** · 09-05-2016 12:01 PM

مش معنى عدم انتشارها انها عربية مش كويسة

ولكن عدم الانتشار ده هيأثر بالتأكيد على قطع الغيار وتواجدها وانتشارها
هيبقي فى التوكيل او محلات محدودة وبس
وطبعا ده يأثر اكتر على اللى من برة القاهرة
ومش هيتوفر بدايل تجارية او مقلدة لقطع الغيار تمشي الحال لحد ماتجيب الاصلى مثلا
وده اسلوب عادى بيعمله ناس كتير

بالنسبة للصيانة :
برضو هتفرق لو فكرت فى غير التوكيل او مراكز صيانة معتمدة
لأنك مش هتلاقى اى ميكانيكي بيفهم فيها
ولو حد مش فاهم اشتغل فى حاجة فيها هيلغبطها بمعنى الكلمة.

يبقي الخلاصة:
عربية تسمع عن مستواها من ملاكها
تجيبها يبقي تراعيها فى صيانتها وقطع غيارها
وياريت ماتكونش بعيد عن القاهرة للاسباب دى.

**Flamingo** · 17-05-2016 10:16 AM

مع احترامى عفوا لكل من يفتى بغير علم... حضرتك لو واحد قالك على العربية وحشة.. رد علية بسؤال واحد.. العربية معاك؟ طبعا حيقولك لالالالالالالالالالالالال ا وبصوت جعورى متذبذب هههههه
بص يا باشا.. العربية بسم الله ما شاء الله محترمة جدا حتى العادة منها وقطع الغيار متوفرة وحتى قبل ما تنزل 2016 وبعد ما انقطع اخبارها من اوماترا كانت حاجتها موجودة .. وعلى فكرة حاجتها اصلى تركى او اسبانى او اوروبى وبتعيش مش زى كتير من المضروب اللى مالى السوق بتاع العربيات الكورى الل واكلة دماغ المصريين..
اعطالها اقل ما يمكن وسحب ممتاز تكييف رائع اوبشن ولا اروع مقارنة بسعرها ومثيلاتها من الكنب الكنتشر على اراضى المحروسة... والتقفيل التركى بكل المقاييس أكيد احسن من التقفيل المصرى وحضرتك فاهمنى طبعا .
على فكرة انا معايا العربية .
توكل على الله ويارب اكون لحقتك قبل ما تعمل جريمة فى نفسكك وتجيب كنبة بأضعاف سعرها
تحياتى

**Flamingo** · 17-05-2016 10:23 AM

.................................................. ..............

**ayman2** · 18-05-2016 11:03 PM

المشاركة الأصلية كتبت بواسطة scientist9508

لو أنك أخبرتنى أنك تريد شراء بونتو (الإيطاليه) لشجعتك على ذلك . . . و لكن التيبو تركيه . . . و تاريخ فيات مع الصناعه التركيه لم يكن مشرف . . إستخير الله

الكلام ده اتلغى من زمان والشاهين ليست فيات

**Colin Chapman** · 19-05-2016 12:48 AM

المشاركة الأصلية كتبت بواسطة Colin Chapman

اروع مقارنة بسعرها ومثيلاتها من الكنب المنتشر على اراضى المحروسة... والتقفيل التركى بكل المقاييس أكيد احسن من التقفيل المصرى
توكل على الله ويارب اكون لحقتك قبل ما تعمل جريمة فى نفسك وتجيب كنبة كورى بأضعاف سعرها

تيبو او لينيا ؟؟!!