السلام عليكم ورحمة الله
كلام حلو كتير إتقال مش هازود عليه.
لكن ازاي تشوف نفسك رايحة لشخص هجرك تماما بدون إبداء احترام لشخصك !؟
أنت إنسان ولك كيان ولو كنت نفسك تكون مسلم صالح يبقى القرآن الكريم والسنة الشريفة بيرفعوا من مستوى التوقع لمكانتك جدا كمان لأنك بتنتقل من مرحلة ''ولقد كرمنا بني آدم '' إلى مرحلة ''ولا تهنوا ولا تحزنوا وأنتم الأعلون إن كنتم مؤمنين'' وسورة التين موضحة أيضا للفروق اللي بتحصل للي عاوز يكون من الفئة الرابحة في الآخرة...و
من البدهي أن ارتفاع التوقع بيليه ويلزمه ارتفاع الجهد والصبر ومكارم الأخلاق.
سواء كنت بتتعامل مع نفسك كإنسان كرمه ربه ويستحق الكرامة من الناس ما لم يهين نفسه بخطأ أو سفه أو موضع شبهة
أو كنت بتتعامل مع نفسك كواحد من ضمن ''وكذلك جعلناكم أمة وسطا لتكونوا شهداء على الناس ويكون الرسول عليكم شهيدا ''
هي عاملتك كأنك سلعة نزلت المول في مصر شافتها وسابتها منغير ما تقول مش عاوزاها حتى ... مشيت من باب المول !!
أنت من تفرض كرامتك على من حولك ومن يقرر الارتباط بك.
وأما فرح يوم المقابلة اللي بتحلم بيه فأنت محتاج شوية وقت فالدنيا وانت هاتعرف أن مفيش فرحة مطلقة غير لما تستوفي كل شروط السعادة وتلغي كل شروط الحزن ودا ماحصلش لحد قبلنا عشان يحصل لحد مننا .
والدليل أن مفيش فرحة مطلقة قصتك انت شخصيا !!
فاضل تعريفات بسيطة تشق بها الحياة بنجاح ...
الهوى ... سماه العرب هوى لأنه يهوي بصاحبه للأسفل.
العقل ... سماه العرب عقلا مثل عقال الدابة ولجامها... لأنه يلجم صاحبه عن الوقوع والزلل.. فالعقل يعقل صاحبه عن الوقوع والسقوط.
الحلم سيد الأخلاق لأنه يجمع بين الكرم والصبر والشجاعة، فإن الحلم لا يقال إلا عند المقدرة والشجاعة ...وإلا كان جبنا...والحلم لا ينال إلا بالصبر والا كان سخطا...والحلم لا يكون إلا بالكرم... وإلا كان صبرا
المفضلات