الموضوع: نايل موتورز اقنعتينا بنيسان و القشقاي لازم تساعدينا

المشاركة الأصلية كتبت بواسطة mummy_47

انا متفق مع حضرتك ان الاوربي ركوبة...لو تقدر على مصاريفه...وفعلا عايز اغير واجيب اوربي..وخصوصا ان قطع الغيار الكوري اصبحت مثل الاوربي الا في بعض القطع طبعا....
لكن لو انا اشتريت عربية ب 700 الف ...مش هفكر اوفر في البنزين ...لكن في المقابل التوكيل ميقوليش انت الغلطان والبنزين مغشوش ..والبس في الحيط..
لو عربية اوربي والماتور باظ بعد 30 الف كيلو يبقى كده فيه مشكلة كبيرة .اه طبعا في مشكلة .. طبعا بالنسبالي ان الشركة فشلت...تخيل حضرتك اشتريت فولفو ٍ S80 ب 500 الف وفاجاة الماتور باظ رغم انك بتعمل كل الصيانات في التوكيل ...والتوكيل بيقولك انت اللي مش عارف تسوق.......يا ترى ممكن يكون ايه رد فعلك...الا اذا كان ال 500 الف لا يمثلو شئ بالنسبة لحضرتك فتعتبر الموقف عادي وتشتري عربية اخرى وترمي البايظة في الزبالة
العربية الاوربي تمثل طول العمر والاعتمادية ...العربية الاوربي هي المرادف لكلمة مرسيدس ...

مين قال ان الفتيس ال dsg خلصت مشاكلة ....انا معرفش ..لكن ممكن نسال ملاك السيارة في جروب فولكس...وايضا من مشاهدتي في الشوارع ...نادرا جدا لما الاقي جيتا او باسات ...ولو رجعنا كام سنة للوراء ..اول ما طلعت الجيتا والباسات كانت مكتسحة السوق رغم غلو سعرها لان الناس عارفة انها بتدفع فلوس وهتاخذ قيمة وبريستيج وعمر وراحة وقلة اعطال ...
بالنسبة للاودي ف الفتيس هو نفس تكنولوجيا ال dsg فتيس مزدوج 7 نقلات ...بالنسبة ان مفيش منه اعطال ..انا برضه معرفش لان السيارة مش منتشرة كثير ونادرا لما تلاقي واحدة ماشية في الشارع ...ولو دخلنا جروب اودي ممكن نعرف راي الاعضاء ....ولو اني شفت بعض المشاركات على موقع اودي وكان في شخص بيشتكي انهم راكنين عربيته بحجة ان مفيش قطع غيار ومفيش دولار يشتروا قطع غيار....حاجة زي كده....امال فاتحين ليه..انا سالتهم مرة ..اذا كان بيعطوا ضمان مدى الحياة على الفتيس ...فطبعا مكنش فيه اجابة مباشرة...قالي متخفش مفيش اعطال منه حتى الان....

في النهاية ..انا لو هدفع مبلغ خزعبلي في عربية ...يبقى المفترض ان العربية تخدمني وتريحني مش انا اللي اخدمها واخاف واحط ايدي على قلبي احسن يحصل حاجة وتعطل بي وانا على الصحراوي او رايح المصيف .......يا تري ممكن اعمل ايه وقتها ....!!

العربية الاوربي الوحيدة اللي بحترمها ومستعد ادفع فيها كل قرش املكة وتستحق كل مليم فيها هي ال BMW ..مفيش اي مشاكل منها نهائي ...

أنا أقصد بتوفير البنزين ، إني لما هدفع ٧٠٠ ٨٠٠ معتقدش مش هحط ٩٥ مش هتفرق معايا ١٠٠٠ او ٢٠٠٠ في الشهر زياده ،، اللي بيجيبها و يحط ٩٢ ده معلش ربنا معاه !!!
بالنسبة للفولفو ده نصب من المصريين هنا في التوكيل !! ملوش علاقة إن الفولفو وحش إطلاقا.
بالنسبة للجيتا مثلا حد يعقل إني أشتري إلانترا هاي لاين ب ٢٥٠ الف و اسيب الجولف 7 !!!!!!!!!!!!!
مقدرش أعلق بصراحة .
الأودي مسمعناش عنها حاجه و لا في نقص في قطع غيار كل اللي اعرفهم او هنا محدش شوفته إشتكى
و آخر حاجه انا عمري مشوفت حد ركب مرسيدس مثلاً لان العائلة عندنا كلها مرسيدس من سنين لحد الزيرو مشتكى منها ابدا لان من اول ال cgi و بدأنا نحط ٩٥ ولما بقت تربو إجباري لازم ٩٥ ...
السؤال هنا مين ده اللي دفع في عربية ٧٠٠ الف و عطلت بيه في سفر يا فندم الكلام ده عاري من الصحة
إحنا شعب لذيذ بيموت في الذكاوة اللي ركب ال c الجديدة و حط ٩٢ خسارة انه يركبها لانه إستنصح بس مش أكتر و ألمانيا عاملة العربيات دي بتكنولجي عالية جدا مش عاملاها عشان نفولها ٩٢ في مصر من بنزينة مصر للبترول !! طب إشترتها ليه لما أنت مش قادر تفول ٩٥ ، الكلام ده ميزعلش !
و كل عرببات الدنيا فيها عيوب و أعطال ..
و سيبك من الفئات العالية ، إركب جيتا ولا باسات و انزل اركب كورولا ولا الانترا هتحس انك راكب عجلة بجرس ، فما بالك مرسيدس او بي ام ...
كمان الأمان عندي مهم انا بركب عربية فيها ١٠ او ١٢ ايرباج و كل وسائل الامان و ادفع فيها كتيير و الله هو الحافظ اولاً و أخيراً ..
لكن ادفع في توسان ٣٤٠ الف ١٣٠ حصان و تكنولوجي من ١٠ سنين معرفش اخد ملف على ٧٠ احط ايدي على قلبي لتقلب بال ٢ إيرباج اللي فيها !!!!!!!!
اللي بيدفع في كوري بيظلم نفسه او بيوهم نفسه ..