الموضوع: ايه القاعدة ف الملفات الجامدة على السرعات العالية

القاعده العامه لدخول الملفات عموما هو انك تكون كاشف اكبر زاويه رؤيه
الخلاصه خلى عينك على أخر نقطه فى الملف
ونصيحه ركز بصرك على خطوط الارض
وتحذير من تركيز البصر على الرصيف لأن ايدك هاتتبع عينك
ولو عينك ركزت ع الرصيف ايدك هاتروح بالدريكسيون للرصيف.
اخر نصيحه بأه لو اكتشفت ان سرعتك زياده عن اللزوم بعد ما دخلت ملف جرب انك ترجرج الدركسيون بدل ما تثبت ايدك
وربنا يكفيك شر الطريق

المشاركة الأصلية كتبت بواسطة borio1704

وبشكل عام.. فأفضل طريقة لدخول ملف بالحد الأدنى من تهدئة السرعة هي محاولة اتباع خط سير يقلل من حدة الدوران.. زي ما بيعملوا في سباقات السيارات..

حاجة زي كده..



الكلام ده باعتبار إن الطريق فاضي ومفيش عربيات جنبك على الطريق.. وإنك تكون شايف الملف بكامله زي ما قاللك أستاذ ahmed_nabil77 ...

المشكلة إن الوضع ده غير مضمون.. خصوصا لو كان فيه عربية نقل مثلا أو عربية راكنة على جنب.

نصيحة.. الالتزام بالسرعة القانونية أءمن للجميع.


...

ده اللى بيسموه عدم الالتزام بالحارة المرورية تلاقى الواحد داخل الملف بسرعة عالية وفجأة يلاقى نفسة مش مسيطر وقوة الطرد المركزى بتحدفه لبره فيقوم كاسر الدركسيون لجوة علشان يسيطر على الوضع فيتقل من حارة لحارة
وده مشكلة زى ما الباشمهندس احمد البرعى ذكر
نصيحة حاول تدخل الملفات باقل سرعة ممكنة وبلاش التعافى على السيارة حتى علشان العافشة مش تتبهدل لأن السيارة نعمة وربنا امرنا انها نحافظ على النعمة
وأخيرا عمرك اغلى من ثوانى بسيطة زيادة
ربنا يسلم طريقكم