وعليكم السلام ورحمة الله وبركاته،
ممكن حضرتك تروح لميكانيكي محترم ينظف لك الكاربرتير كويس، يفك كل جزء فيه وينظفه كويس، فيه منظف كاربرتير عبوة بتشتريها من اي حد عنده كماليات، بتكون بـ ٣٠ جنيه تقريباً.
ممكن كمان تغير فلتر، طقم سيور، فلتر هواء.
كمان تغير بوجيهات طبعاً اكتر حاجة تحسسك بالكتمة في العربية، حسب معرفتي المحدودة.
انصحك تجيب بوجيهات ngk، اغلى شوية لكن ممتازة عن تجربة.
ممكن كمان تفول مرة بنزين ٩٥، حسب تجربة ناس هنا في المنتدى انه بينظف الدنيا كتير.
برضه عن تجربة شخصية، بنزين ٩٢ بيفرق كتير عن ٨٠، لكن اكيد اغلى.
طبعاً كل كلامي مش يغني عن الكشف على الموتور نفسه، لانه ممكن يكون خفيف محتاج عمرة،
وممكن يكون الصوت العالي كرونة مش موتور، وده موضوع مختلف تماماً. بس انت المفروض تميز بين الصوتين، الكرونة بتكون ونة كأنها من تحتك وانت ماشي، والمفروض تبدأ على السرعات العالية، يعني غالبا وانتي على الـ ٤ او على الـ ٣ لكن دايس جامد.
اتمنى اكون افدتك ولو بشئ بسيط.
المفضلات