بداية مبروك عليك العربية، يا رب تكون خير عليك.
بخصوص الزيت، انا غيرت زيت الكرونة بـ موبيل ٩٠ والفتيس بـ موبيل ١٤٠، فيه ناس بتغير الاتنين بـ ٩٠، الموضوع حسب حالة العربية على حد علمي.
بخصوص البوجيهات، المفروض تتغير كل فترة اكيد، واعراض انها تحتاج تتغير بيكون انك تحس بكتمة في السحب، عندي غيرتها بـ NGK، ممتازة ماشاء الله، وحسب علمي احسن نوع حالياً.
رأيي ممكن تفك البوجيهات وتشوف حالتها وعلى اساس ده تحدد اذا كنت تغيرها او لا، وديه صورة بتوضح حالة البوجيهات الطبيعية، وحالتها وهي عليها ترسيبات كربون او زيت ومحتاجة تتغير.
برضه لو العربية كاربرتير، انصحك تنضفه عند ميكانيكي شاطر، بحيث يفك كل جزء منه وينضفه كويس، وبتشتري ليه سبراي تنظيف كاربرتير قبل ما تروحله.
المفضلات