الموضوع: نصيحه فى شراء ٢١٠٧ مصرى زيرو

[QUOTE=eprom;3875924139]معروض عليا عربيه لادا ٢١٠٧ مصرى موديل ٢٠٠٨ عدادها ٣٣٥٥ كيلو يعنى العربيه زيرو فابريكه بره وجوه (محتاجه شويه سمكره وحكات بسيطه مش كتير ممكن تعمل حوالى 1000 جنيه مع رش ربع الرفرف ومن جوه الصالون زيرو) العربيه كانت مرفوعه من ٢٠٠٨ على فكره العربيه بتاعت اخو واحد صاحبى وكان لسه بيتعلم السواقه عليها وده سبب الحكات اللى فيها وبعدها سافر ومن وقتها العربيه فى الجراج السؤال المهم وياريت اللى يقدر يفيدنى او عنده فكره يرد عليا
العربيه دى بكام تبقى كويسه مع العلم ان الزيرو بتاعها بحوالى ٦٥ الف وشكرا[/QUO
مبدئيا مفيش اى لادا زيرو دلوقتى لانها اتوقفت من حوالى سنتين،الادا اللى هتنزل هى الجرانتا ودى الله اعلم هتنزل امتى بيقولوا فى خلال شهرين بس مش باين،الصراحه الادا المصرى من تجارب الاعضاء مش وحشه بس فرق كبير بينها وبين الروسى،وخصوصا متانة الشاسيه وقلة الاعطال والثبات على الطريق والتقفيل لكن فى الكماليات والتكيف المصرى تكسب،المصرى هتمشيك كويس بس اعمل حسابك انها مش هتعمر معاك كتير يعنى هتبيعها فى وقت قصير وكون ان العربيه مرفوعه الفترة الكبيره دى فدى ميزه وعيب فى نفس الوقت لانك هتلاقى معظم الجوانات والاويل سيل والسيور والكاوتشات وجلب المقصات وكل ماهو مصنوع من الكاوتش باظ من الركنة وقلة الحركة والرطوبة فهتضطر تغيرهم ويستحسن تغيرهم مرة واحده لكن هتلاقى الموتور والشاسيه بخيرهم
انا رايى الصراحه سعرها فى حدود 50 الف تزيد او تقل حاجات بسيطه

اشكرك جدا على الرد الصراحه يهمنى جدا اعرف راى الناس هنا فى المنتدى لان انا لسه مش عارف تمن العربيه كام لان صاحبى لسه حيكلم اخوه صاحب العربيه عن فكره بيعها طالما مركونه شكراوفى انتظار باقى الردود

الموديل عليه عامل كبير جداااا و التقفيل المصرى كمان يفرق فى السعر كتير..العربيه دى ممكن تعمل 35 الف.

2008 مصري تبقي 35000 وطالع وفقا للحالة اللي بتقول عليها