الموضوع: مشكله عدم ثبات ارجو المساعده

صباح الخير علي احسن جروب في الدنيا nile motors ندخل علي طول في الموضوع
اشتريت بي ام دبليو 328 موديل 2013 من سته شهور والعربيه بسم الله ما شاء الله أول ما ركبتها حسيت اني راكب صاروخ أرض جو سريعه جدا جدا جدا ومفيش عربيه في الشارع بتاكل معايا ايا كانت هي ايه ولا مين ولا اذاي طلقه اربيجي بجد بس فيه حاجة منغصة عليا حياتي وهي أن العربيه غير ثابته خاااااالص وخصوصا في طرقنا الجميله ومش عارف أوصل لحل في المشكله دي خالص مع اني مش بحري في مطبات والعربيه حالتها سليمه جدا بس الغريب أني كان معايا سكودا a7 موديل 2015 بس فعلا وبدون مبالغة أثبت من البي أم 328 !!!!! لأ وبألف مره طبعا ممكن تقولوا غليا مجنون او مش بعرف في العربيات بس ده اللي بيحصل معايا فعلا وخصوصا في الطرق السريعه العربيه بترقص بمعني الكلمه حاجه فعلا تغييييييظ هههههههه وده طبعا مخليني بفكر ابيع عشأن العمر مش بعزقه وخصوصا انا معايا زوجتي وأبني ومش مضطر للقلق اللي معيشاني فيه العربيه لاني ديما مضطر اكون سايق بأديا الاتنين وماسك كويس في التاره عشان بتهرب جامد في المطبات بس لو حد يقدر يساعدني في اني الاقي حل المشكلة دي وخصوصا اني أهم حاجه بتفرق معايا هو موضوع الثبات ده ولو حد يعرف حد كويس يبعتني ليه يبصلي علي العربية قبل ما أتهور وابيعها وأرجع تاني للسكودا a7 وللعلم أنا كنت ظبطت زوايا العربيه عند علاء بتاع الزوايا اللي في المطار وفعلا العربيه اتظبطت شويه بس بردة نفس العيب موجود وواضح جدا وخصوصا كا اللي جرب الأسكودا اللي كانت معايا a7 موديل 2015 كلهم حسين بفرق في الثبات
ارجوكم ساعدوني يا رجاله ولا ابيع وخلص

إكشف على الكاوتش و العافشة لأن كده فيه حاجة مش مظبوطة فيها - و يفضل فى التوكيل

المشاركة الأصلية كتبت بواسطة pepo2011

ياباشا كلام حضرتك غريب bmw بتعوم ازاي يعني
اكيد عندك مشكلة شوف الكاوتش او المساعدين لازم مركز خدمة او فني محترم يكشف عليها
واطمن حضرتك وربنا يباركلك فيها ويستر طريقك

والله فعلا بتعوم جدا جدا لدرجه اني بخاف أجري بيها بس هشوف الكاوتش فعلا لأنه كمان فيه صوت ونه جمدا لتظهر معايا في السريع والونه دي انا عارف انها من الكاوتش وغالبا كنت مستني الصيف واغيره ربنا يسهل ويطلع كاوتش بس فعلا
تسلم يا بوب

المشاركة الأصلية كتبت بواسطة bmw f30

والله فعلا بتعوم جدا جدا لدرجه اني بخاف أجري بيها بس هشوف الكاوتش فعلا لأنه كمان فيه صوت ونه جمدا لتظهر معايا في السريع والونه دي انا عارف انها من الكاوتش وغالبا كنت مستني الصيف واغيره ربنا يسهل ويطلع كاوتش بس فعلا
تسلم يا بوب

ومش مضطر للقلق اللي معيشاني فيه العربيه لاني ديما مضطر اكون سايق بأديا الاتنين وماسك كويس في التاره عشان بتهرب جامد في المطبات

لأ وبألف مره طبعا ممكن تقولوا غليا مجنون او مش بعرف في العربيات بس ده اللي بيحصل معايا فعلا وخصوصا في الطرق السريعه العربيه بترقص بمعني الكلمه

اه ممكن يحصل .. حصلت معايا .. و الكاوتش كان طبيعى

اللى كان بيحصل معى ان العربيه على طريق مستوى سريع ( بدون مطبات ) .. العربيه فجأه تحدف بشده يمين او شمال ( تقريبا نفس احساس علبه دريكسيون فيها بوش كبير جدا جدا ) .. و لازم اكون ماسك الدريكسيون بقوه بايدى الاثنين و متحفز علشان اصلح الحدفه بسرعه .. و بعدين تمشى طبيعى خط مستقيم .. و فجأه تكرر نفس الحدفه الشديده تانى

الكلام ده ممكن احسه اوى من سرعه 80 مثلا .. يعنى الواحد بيكون فى حاله تحفز و رعب لو زود لسرعه 100 مثلا

العربيه كانت بى ام 735 موديل اواخر التسعينات بحاله ممتازه ( وقتها كانت اقدم من موديل السنه 4 او 5 سنين )

العربيه دى بعتها فى نفس الاسبوع بدون حتى ما احاول اعرف ايه المشكله .. و جبت بعدها 525 و 735 موديل اواخر التسعينات ( وقتها كانت اقدم من موديل السنه 3 او 4 سنين ) .. و الاثنين كانوا مظبوطين على الشعره و ثبات ممتاز

انا معنديش فكره عن الموديلات الحديثه .. بس انا اعتقد لازم تبص على الاسكاتره و تربيطها فى صدر العربيه .. و ربط عفشه وان كان فيها حاجه اساسيه عايزه تغيير اعملها ( تكون مرتبطه باحتماليه العيب ده .. موش العفشه ككل )

ان لم يحدث تحسن جرب تغير الكاوتش .. ان لم يحدث تحسن .. اكشف توكيل و بعد كده قرر انت عايز ايه

مشكلة غريبه فعلاً
يعني أحنا بنعاني أحياناً من عدم الثبات في X3 وطبعا كل العربيه ما أرتفعت عن الأرض بيقل الثبات لكن في عربيات bm السيدان متهيألي عدم الثبات بيكون من المستحيلات ، أكيد فيه حاجه غلط ، ممكن يكون الكاوتش ، ربنا يوفقك

المشاركة الأصلية كتبت بواسطة ayman_saad

مشكلة غريبه فعلاً
يعني أحنا بنعاني أحياناً من عدم الثبات في x3 وطبعا كل العربيه ما أرتفعت عن الأرض بيقل الثبات لكن في عربيات bm السيدان متهيألي عدم الثبات بيكون من المستحيلات ، أكيد فيه حاجه غلط ، ممكن يكون الكاوتش ، ربنا يوفقك

انا كمان مستغرب جدا جدا لان ده مش طبيعي بس انا فعلا الكاوتش عندي شبه بايظ بس تفتكر حضرتك الكاوتش يعمل كل ده في حاله انو تعبان ؟؟

يا رب يطلع بس كاوتش بس انا نفسي أي حد معاه نفس العربيه يرد عليا في القصة دي هل ده في كل ال 328 موديل 2013 ولا ده بسبب عطب كاوتش أو عفشة ذي ما الاخوه الأفاضل خمنوا

العربيه عندك تصنيفها عالى جوه الفئه التالته .. يعنى المفروض تكون كامله ( الاجهزه اليكترونيه المساعده )

ما اعرفشى لو كان الكاوتش عندك ممسوح على الاخر .. هل ده ممكن يؤثر على احساس العربيه بالتماسك لكل عجله و بالتالى تقوم السياره بمحاوله تصحيح الوضع تلقائيا .. و يكون ده اللى انت بتحسه ؟

ابقى برضه اتأكد ان كان الاحتمال ده وارد ام لا !!