الموضوع: مشكله كده ارجو المساعده

هو حضرتك تقصد أنك لما بتيجي تزود بنزين العربيه مش بتستجيب وتعلي علي طول.....لأ دا في نتشه في النص....صح كده؟؟؟؟؟
بص هو لو علي فهمي ده أبدأ بالبسيط الأول فممكن الكهربه تكون مأخره فحاول تقدمها شويه في عكس أتجاه دوران عمود الاسبراتير وأطلع جرب........بس لو العربيه عتلت منك بعد ماقدمت الكهربه....أعرف كويس أنك كده قدمت الكهربه أوي....وأرجع سنه صغيره واحده واحده لحد مالتعتيله تختفي......وأول ماتختفي أربط مسمار الاسبراتير علي كده
الأحتمال التاني هو خرطوم البنزين اللي جاي من الطلمبه تغيره وكمان غير الفلتر...وشوف كده لو فضل العيب ماتزعلش وتدعي عليا ماهي كده كده صيانه للعربيه ومش مكلفه........
الأحتمال التالت أنه يكون بك السرعه عاوز يتنضف أو يتغير......وطالما هتفك بك السرعة يبقي هتفك الكاربيراتير كله.....فبالمره أغسله كويس بالفرشة والبنزين وروح عند أي حد بتاع كاوتي وأديله هوا في مكان البكات