الموضوع: مشكله عدم ثبات ارجو المساعده

لازم تكون الجنوط الاصليه اللي محفور عليها علامة العربيه..ووصوت الونه دا بلي عجل مبوش ويأثر ع الاتزان وسكاترا عايزة تتغير

أخيرا عرفت المشكله فين بالتحديد يا جماعه
اسمع واستغرب براحتك للي جاي طبعا انا كنت قررت اغير الكاوتش علي أساس اني ابدا باسهل حاجه وخصوصا بعد ما كل اللي رد هنا خمن أن المشكله مشكله كاوتش وكمان فيه ونه جمدا في المشي رحت نازل صلاح سالم جمب دخله المطار كدة في واحد بتاع كاوتش كويس اوي المهم بصلى علي الكاوتش الأمامي قاللي ده جديد متغيروش !! قلت تمام بس ابتدي الفار يلعب في عبي خايف طبعا يكون الاحتمال التاني هو اللي يكون مسبب المشكله وان يكون المساعدين هو اللي بايظ راح الراجل يبص علي الكاوتش الخلفي راح متنح وقاللي الفرده ده من سنه 2009 يعني بقالها 7 سنين شغاله واكتر الواضح أن صاحب العربية كان مفكر نفسه راكب شاهين فجآب فرده مستعمله لسبب انا معرفوش المهم حمدت ربنا وقلت يبقى هوينه قلت فك يا معلم يلا وغير وهنا بقي كانت المصيبة والكارثة الكبري الراجل لما فك الفردتين اللي ورا ببص عليهم لقيت واحده اعرض من واحده ب 5 سم تقريبا دعكت عنيا لأكون بحلم ولا حاجه لقيت كده فعلا واحده مقاس مختلف تماما و ب 20 انش بحالهم عن باقي الفرد !!! طبعا انا كنت مش عارف اضحك ولا أعيط علي اللي معمول في ال f 30 يعني عربيه سعرها تقريبا نص مليون جنيه وصاحبها مستخسر فيها 1200 جنيه فرده كاوتش وكان ممكن جدا يسبب حادثة يفقد فيها روحه أو روح اللي سايق العربيه معلش انا طولت علي الناس بس قلت يمكن بالكلام ده افيد غيري وان كل واحد لما يشتري عربيه المفروض بكشف علي كل حاجه بعناية وربنا يحميكوا جميعا أن شاء الله