سرطان الزجاج

**Badrowi** · 28-11-2008 07:47 PM

جالى سرطان فى الزجاج الاماى نوبيرا
واصحابى نصحونى لو مش هغيره اروح لبتاع زجاج يحدد لى حولين السرطان علشان مينتشرش
فعايز اعرف ده صح ولا غلط ولو صح ينفع اسيبه مدة شهر او اتنين على ما اروح التوكيل فى صيانة ال 15000 كيلو
ولو هاغيرة البرابريز التربلكس الامامى للونبيرا بكام
وهل اللى جاى معاها سيكوريت ولا تربلكس
وهل تغيرة برة التوكيل يطلع من الضمان لو لازم اغيرة

**Akram** · 28-11-2008 08:55 PM

بالتأكيد ده مش سرطان ,
لو سرطان يبقى هيصيب كل الازاز لدرجة مش هتقدر تشوف من خلاله , دا غير انه هيبقى مش آمن ,
و كمان اللي اعرفه ان السرطان بييجي للإزاز السيكوريت و الازاز الامامي بيكون تريبلكس ,
و اعتقد ان قصدك ان ده شرخ أو كسر , على العموم فيه ناس بتعالج الشروخ ممكن تعمل بحث على الموضوع ده ,
تمن الازاز الأمامي للانوس ماركة دكتور جريش في حدود 230ج و اعتقد ان النوبيرا مش هيختلف كتير.

**lakany** · 28-11-2008 09:02 PM

الزجاج الامامى للنوبيرا تريبلكس فقط و ليس سيكوريت و بالتالى لا يصاب بالصرطان لان السيكوريت فقط هو الى بيتكسر بالصوره الى احنا بنسميها صرطان و تغيير الزجاج لا يخرجك من الضمان و الى موجود فى السوق هو هو الى فى التوكيل د.جريش و سعر تغيره من 350 الى 400 و فى التوكيل حوالى 550 جنيه و اذا كان شرخ كبير حدده او احقنه عند د.خالد لاكن انا افضل تغييره

**Badrowi** · 28-11-2008 09:47 PM

طيب الشرخ ده عبارة عن دايرة قطرها 5 سم فيها تشعب
دى جت منين
انا خرجت من البيت الصبح وكان سليم ولما جيت اروح من الشغل لقيته مع العلم ان اللعربية بتبقى راكنة فى حته امان يعنى احتمال حد حدف عليها حاجة شبه مستحيل

**shanodaa** · 28-11-2008 11:24 PM

عموما غيره علشان بتوع المرور ممكن يدخلوك فحص ومشاكل وتضييع وقت

**Sherif Khalifa** · 29-11-2008 01:30 AM

المشاركة الأصلية كتبت بواسطة Badrowi

طيب الشرخ ده عبارة عن دايرة قطرها 5 سم فيها تشعب
دى جت منين
انا خرجت من البيت الصبح وكان سليم ولما جيت اروح من الشغل لقيته مع العلم ان اللعربية بتبقى راكنة فى حته امان يعنى احتمال حد حدف عليها حاجة شبه مستحيل

ممكن طوبة جت من عجل عربية تانية
و هيا بتبقا عاملة زى الرصاصة
الموضوع بصيت و بيتحل بى 50 جم
بيتفرغ الهواء من الشرخ و يتحقن بعد كدة بمادة شبة السليكون
و بيتحط تحت تحت اشعة فوق البنفسجية لمدة نصف ساعة
الشرخ بيختفى بنسبة 75%

**alymoussaly** · 30-11-2008 10:34 AM

السلام عليكم

انا مريت بالتجربة دى
كان الزجاج الامامى فى شرخ وكان بيكبر
رحت لمركز اصلاح الشروخ
وعملتها
والازاز اتصلح بس كان فيه خط واضح مكان الشرخ
ولما سألت عليه
قالى المتخصص
عشان انا سبته فترة فالتراب دخل فى الشرخ