الموضوع: بخصوص شكمان بولونيز

فين الردود يا شباب

السلام عليكم ورحمة الله وبركاته البلونيز كانت معايه وهقوللك لو الشكمان مخروم قريب من الفرن اول حاجه السخونه واستهلاك بنزين والسحب يقل وكل ما تكون الاخرام فى الديل بعيده عن العلبه اللى فى النص هتحس يسخونه فى الصالون وريحت الشكمان هتخش جوه العربيه ريح دماغك خالص غير الشكمان كله بلعلبه لانى تعبت زمان كل شويه علبه وماسوره شويه قدام وشويه فى الديل الشكمان فى القديم لازم الخط كله يتجدد كامل وشكرا

الف شكر على الافاده والمعلومه
متشكر جدا جدا
طب هو تمنه كام تقريبا دلوقتى

من 10 سنين كان الشكمان كله 180 ج شوف انتى دلوقتى يعمل كام المهم صنيعى يكون كويس ومعروف عندك والشكمان ده مش كل شهر هتغيره دى حاجه بتعود سنين وتنسها مش المهم الفلوس الاهم العربيه ترتاح وتريحك فى الشغل مش كل شويه سخونه واستهلاك بنزين اعمل شغلك مظبوط وخليها على الله وهتبقى كويسه وربنا يوفقك

الف شكر يا باشا على المتابعه و الاهتمام
طب بما ان حضرتك كان معاك بولونيز
انا محتار اشد العربيه شده نضيفه من كله عفشه و سمكره و سروجى و فينيش ولا ابيع و اجيب حاجه اعلى
هى مش مزعلانى بصراحه و موتورها كويس بس عايزه تظبيط عفشه و فرش و غويشه ترس الرابع
راى حضرتك اشد ولا ابيع

السلام عليكم ورحمة الله وبركاته بيع احسن لاسباب البلونيز مهما صرفت مش بيبان عليها وفى حاجه سمعتها من معرفه فى المرور ان عربيات القديمه 20 فاته هتتعدم ده من ضمن قانون المرور الجديد بس لسه الحكومه بتدرس الموضوع زى التاكسى كده ده كلام يمكن حقيقى ويمكن لا لان احنا فى بلد كل يوم قرار ومحدش فاهم حاجه انا اشترية اول عربيه لى عام 99 لادا ولحد دلوقتى مغير 16 عربيه مستعمل سدقنى مفيش احلى من الزيرو تحافظ على فلوسك 5 سنين طول مانتى محافظ عليها انا عندى دلوقتى صينى من الزيرو مشاء الله تكييف وبور زى الفل وربنا يبارك فيها ودى نصيحه طول مانتى عايش اركب موديلات احدث هل العجوز قوته زى قوة الشباب وربنا يوفقك

متشكﻻ جدا يا باشا على الاهتمام و ربنا يباركلك ف عربيتك و يكفيك شرها يا رب هو فعلا الزيرو راحة بال بي المشكله فى الكاش و بصراحه خايف من القسط

السلام عليكم ورحمة الله وبركاته موضوع القسط ده انا معاك هو حلو فى الاول وبعد سنه واحده بيبقى تقيل على القلب انا لما جبت زيرو جبتها لانى بلمعاش من بنك ناصر اخت قرض 25 الف وكملت وكان بيتخصم من المعاش حوالى 500 ج وبيرجعلى الباقى من المعاش انا مش عجوز قوى عندى 45 سنه بسبب العمود الفقرى عمليه مسامير وبلاوى والحمد لله من 7 سنين ودلوقتى عايش كويس وبشتغل برضه مش نايم فى البيت المهم لو انتى موظف الموضوع سهل اما لو تقدر تزود فلوس وتشوف حاجه موديل عالى اواخرالتسعينات وابعد عن الادا جديد او قديم لانها اخت البلونيز شوف الاكسنت او الاكسيل كيا برايد عصفوره كانت معايه وجميله جميله جميله لحد بكره وبعتها 25 من مده عشان صغيره وكملت وجبت لانوس 6شهور وبعتها وجبت زيرو لان كل المستعمل لو هتشترى مثلا25الف اعمل حسابك فى 5 مصاريف واوعى تسدق عربيه مستعمله مش عايزه مصاريف او مرفوعه كام سنه كل ده كدب وشغل اونطه انتى اشترى من المالك اوعى تشترى بتوكيل من اى تاجر اشترى عربيه بيتى من الشخص اللى فى الرخصه بنفسه والله انا شوفت لعب كتير اوى ولف ودوران فى المستعمل مش بقولك 16 مره شوفت كتير واتعملت مع اشكال والوان من الناس وسماسره ووجع قلب كل ده والقسط ارحم من هم كبير ربنا يكفيك من نصب وكدب المصريين عربيه مغيره نص امامى او خلفى عربيه موتورها مسروق وملهاش ملف فى المرور عربيه فيها ورثه دوامه كبيره كل ده انا شوفته ومش عارف انا بحظرك ليه بس كله عند ربنا سدقنى الزيرو ارحم من الدوامه دى او زى ماقولتلك هات عربيه من صاحبها ويكون معرفه كويسه قوى اللهم مابلغت وشكرا لحضرتك