الموضوع: اريد شرا سيارة.

السلام عليكم.
محدش بيرد ليه يا جماعة .
أريد النصيحة لوجه الله.

المشاركة الأصلية كتبت بواسطة شريف الطوخي

سيارة في حدود 70 إلى 80 الف جنية .اتوماتيك، مش فارق الشكل المهم تكون حالتها كويسة .
أنا كان معي اكسارا وبصراحة كانت باشا. بس بعتها لزوم السفر وبعدين لم يتم السفر وأنا الآن مش عارف اجيب ايه ولا أركب ايه .
أرجو النصيحة اجيب مستعمل بالسعر ده.
ولا ادفع مقدمه وأجيب جديد ممكن ادفع قسط من 1500 إلى 2000ج والمقدم ميعديش 70000ج.
أرجو النصيحة وكمان اجيب ايه???مش فارق معايا النوع بس المهم متوجعش قلبي.خ.

يااستاز شريف السيتروين دى مش هتتعوض تانى عربيه جميله رغم ان قطع الغيار نادره وغاليه بس عربيه احسن من الزيرو المهم بصراحه الاحسن تسافر من البلد الكئيبه دى وتشوف العربيات الحقيقيه انا مش هقولك على اى عربيه فى السوق حاليا كله غالى وزفت الجديد ياعم شريف جاى مصر وهو بايظ شوف حاجه تمشى نفسك لحد ما تسافر او سافر وانتى صغير اوعى تغلط زى جيل السبعينات العبيط انا منهم 45 سنه مسير مش مخير سافرررررررررررررررر اطلع بره البلد دى هتلاقى ناس نضيفه تعيش معاها ابعد عن الكدب والغش واكيد هتركب عربيات ارخص من الموبيل فى الخليج نصيحه بلاش زيرو دلوقتى يمكن تسافر فى اقرب فرصه وربنا يكرمك بنظرة الوداع من شباك الطائره وتقول وداع ياارض النفاق شكرا

لسلام عليكم ..

وجهه نظري المتواضعه .. حضرتك تدور علي عربيه اتوماتيك ف رنج اللى معاك ( ارشح لانسر اتوماتيك ) موديل مناسب للفلوس

وخلال كام سنه تقدر تقلبها وتكون كسبان فيها بأذن الله


انما الزيرو المربوط ب اقساط .. اولا حظر بيع وكده كده هاتخسر فيها خروجها من المعرض عشان هاتبقى كسر زيرو
ف خلينا نكون نقدر نشتري كاش ونظبط مره واحده وانت اولي ب فرق الفلوس

وربنا يبارك و ييسرر ف الخير

صنى قديم او لانسر قديم او رينو سكالا

المشاركة الأصلية كتبت بواسطة tasaka

صنى قديم او لانسر قديم او رينو سكالا

مع حضرتك في الصني واللانسر
بلاش سكالا
فيه كمان:
اوبترا
لو عايز سكة الرينو وغيره اللي قطع غيارها غاليه شويه يبأى خليك في اسكودا a4 ٢٠٠١-٢٠٠٢ قطع غيارها غاليه شويه بس منتشره اكتر وعربيه حلوه.
بس النصيحه خليك بالترتيب في
لانسر
اوبترا
نيسان ش قديم
مجرد اجتهادي وياريت الاخوه يفيدونا اكتر
بالتوفيق

مع حضرتك في الصني واللانسر
بلاش سكالا

السكالا هى صنى خليجى الشكل 2007 الكورى

مفيش فيها اى حاجه رينو ( تقريبا ) .. يعنى موش زى الميجان بتكنولوجيا رينو

بدون اعطال .. عربيه حلوه بسعر مريح

شكرا جزيلا للأعضاء الكرام.أستاذنا الكريم محمد دسوقي .جزاك الله خيرا .ولكن السفر خلاص اتلغى وانا الحمد لله ربنا كارمني هنا في شغلي وكمان جنب والدتي.والحمد لله.
ارجو رأى حضراتكم ضروري أنا معروض على ستروين اكسارا 2002 اتوماتيك ماشيه 185الف كم سعرها من الاخر 44000.وصاحبها راجل محترم جدا .و بيقول أنها مش محتاجة جنيه واحد إلا طاسات للطارات.
بس بصراحة أنا خايف من المستعمل عموما.أنا اتصلت بصاحبها إمبارح واعتذرت له لأني بفكر اشتري جديد الراجل زوق جدا وقالي طالما جديد خليك فى اكسنت ار بي أو لوجان وأبعد عن الأفيون .
بصراحة أنا مش عارف اخد قرار .خايف ادفع 70 أو 80 الف مقدم غير الاقساط والبس في الحيط .وفي المقابل اتلسعت قبل كده جامد من المستعمل .ارجو النصيحة التوكل على الله في الستروين مع العلم اني في منطقة مفيهاش النوع ده وكمان مفيهاش ميكانيكية أو كهربائية بيفهمو فيها.ودي مشكله كبيرة .
اسف للإطالة . وارجو النصيحة لأني لازم اشتري بأمر الله لأني شغلي معتمد على الله ثم العربيه.وجزاكم الله خيرا.

شكرا جزيلا للأعضاء الكرام.أستاذنا الكريم محمد دسوقي .جزاك الله خيرا .ولكن السفر خلاص اتلغى وانا الحمد لله ربنا كارمني هنا في شغلي وكمان جنب والدتي.والحمد لله.
ارجو رأى حضراتكم ضروري أنا معروض على ستروين اكسارا 2002 اتوماتيك ماشيه 185الف كم سعرها من الاخر 44000.وصاحبها راجل محترم جدا .و بيقول أنها مش محتاجة جنيه واحد إلا طاسات للطارات.
بس بصراحة أنا خايف من المستعمل عموما.أنا اتصلت بصاحبها إمبارح واعتذرت له لأني بفكر اشتري جديد الراجل زوق جدا وقالي طالما جديد خليك فى اكسنت ار بي أو لوجان وأبعد عن الأفيون .
بصراحة أنا مش عارف اخد قرار .خايف ادفع 70 أو 80 الف مقدم غير الاقساط والبس في الحيط .وفي المقابل اتلسعت قبل كده جامد من المستعمل .ارجو النصيحة التوكل على الله في الستروين مع العلم اني في منطقة مفيهاش النوع ده وكمان مفيهاش ميكانيكية أو كهربائية بيفهمو فيها.ودي مشكله كبيرة .
اسف للإطالة . وارجو النصيحة لأني لازم اشتري بأمر الله لأني شغلي معتمد على الله ثم العربيه.وجزاكم الله خيرا.