الموضوع: صوت زنة كهرباء والعربية مغلقة

السلام عليكم ورحمة الله وبركاته

أنا عندي مشكلة غربية شوية

أولا أنا كنت جاي أشغل العربية أمس بعد ما وضعت الكارت وضغطت start العربية طلعت صوت غريب شبه زنة الكهرباء الساكنة أو صوت الكهرباء تحت كابلات الضغط العالي جدا ولما أضغط علي زر الstop الصوت يروح المهم ضغطت علي علبة الفيوز إلي في الكبود وجربت تاني أدور إشتغلت

أمس بالليل شيكت علي كل الفيوز وكان في واحد محروق غيرته وخلاص والعربية ماشية

المشكلة الغريبة بقي اليوم نازل من البيت لقيت نفس الصوت خارج من العربية رغم إنها مركونه ومتغطيه كمان جربت أحط الكارت وأضغط stop لكن مفيش إستجابه الصوت متوقفش غير لما رفعت كابل البطارية

وفي ملحوظة كمان إن الشاشة كان مكتوب عليه power steering locked

أرجوكم لو حد يعرف عن الحوار ده حاجة يقول لي

أنا يا رجالة جربت أدور العربية سمعت صوت فرقعة جاي من علبة وراء البطارية طبعا معرفتش ده سببه أيه

المهم فحصت علبة الفيوزات الموجودة في الكبود وجربت أشغل العربية الحمد لله مشكلة ال power steering إختفت والعربية دارت دقيقة وبطلتها وجبت أشغلها تاني تدور المارش فقط والعربية مش بتدور