الموضوع: مجانين البرفانات

بص ياباشا انا ليا باع طويل في موضوع التركيبات ده
بس انا من القاهرة كنت بتعامل مع محلات في الغورية زي كرامة او وردة 2 كويسين باشتري الزيوت بالجرام وطبعا هاتجيب الغالي في حدود 1.25 حتي 6 جنيه للجرام
ولتر كحول بس مش شعبي طبعا في حدود 40 جنيه للتر
وحاجة اسمها مثبت ده جاهز عندهم بتحط منه نقطتين فعلا يعني تقريبا 2 سم في السرنجة
اعتقد انك تشتريهم من القاهرة افضل او لو اي حد نازل يجيبهوملك

بتفكرني بنفسي زمان كنت مدمن بشتري كتييير وجربت أنواع بالعبيط

دلوقتي بقيت أقل شوية لكن مازلت مُحب للعطور وبجرب أي حاجة جديدة وجربت الأورجينال وتستر الأورجينال والتركيب

التركيب زمان كنت بجيبة من محل جمبي وركبت بنفسي في وقت ما زمان من عند كرامة إلي في الأزهر وحالياً لما بجيب تركيب بجيب من محلات ماء الذهب للعطور

طبعاً لو معجب ببرفيوم جداً بجيب تستر الأورجينال بتبقا هي هي الأورجينال بس مع فرق ان مفيش علبه وكدا كدا انا مش هعمل بيها حاجة فمش فارقة

نصيحة لو فكرت تركب هو مجرد تجيب الكحول والزيت دول اهم حاجة تجيب خامة كويسة لكن سيبك من المثبت ولا ليه لازمة غير إنوا بيثبت الزبون مش أكتر :)

المشاركة الأصلية كتبت بواسطة EgyArmy

سيلفر سنت
فيه منها العاديه او الديب او الانتنس
العاديه دى تركيزها مقبول جدا
الديب متوسطة التركيز
الانتنس مركزة جدا
مع نوع زى السيلفر سنت ده و قوته و ثباته و فوحانه
الانتنس ممكن تخنق ناس كتيرة و فيه بعض الناس بتشك ان بوجارت معملتش الا السيلفر سنت العاديه و العلم عند الله

ريحته برتقان هيحسسك بفوقان اوى و الاجمل انك لما هتحطه هتنزل مشوارك و ترجع كأنك لسه راشة

فيه حاجه مهمه اوى فى البرفانات لازم الناس تفهمها ان البرفان زيه زى الاكل و بعيد عن انه اذواق ده كمان بيأثر على المعدة يعنى ممكن يوجع بطن واحد و التانى لأ و فيه حاجه اسمها تذوق البرفان كأنك بتدوقه بس بمناخيرك و بيأثر على مخك و بطنك كمان و بالرغم ان سيلفر سنت تقيل جدا الا ان محدش اشتكى منه فى تذوقه نهائيا الا بعض الاشخاص الى ممكن يكون عندها حساسيه من الروائح النفاذه


سعره و ده الاهم
من شهرين كان بحوالى 200 جنيه
اليومين دول مشوفتوش فى محلات لكن على سوق دوت كوم سعره 255 طبعا ممكن تنزل تدور عليه بنفسك فى محلات موثوقه هتلاقيه ارخص


و احذر جدا لان بسبب انتشارة و نجاحه السريع بقى يتقلد و فيه منه نسخ بتنزل فى فتح الله ب25 جنيه بس طبعا مالهاش علاقه بالاوريجنال نهائيا

هو ده الى حضرتك قصدك عليه

سلفر سينت من جاكوس بوغارت او دي تواليت للرجال 100 مل للبيع في السعودية, جدة, الرياض. افضل سعر، مراجعة و تقييم | سوق

معاكو فى الموضوع ده
انا بردو بحب البرفانات وجربت حاجات كتير ان مش خبره اوى فيهم
و مش بشترى جاهز انا بجيب الزيت وبخليه يحطلى مثبت واركبه انا مع الكحول بس اكيد المضروب
لان بشتريه من هناك بردو

فيه حاجات مميزه مش قادر انساهم
ليكسز دى لسه من جربها من حوالى 5 شهور واحد صاحبى قاللى عليها كن بيشتغل فى البرفانات وبصراحه بجيب منها لحد دلوقتى
جربت قبل كده ماربرت مان
برفان تانى كده اسمه Givenchy دى كانت هديه وكانت اوريجينال ولما خلصت وجبت الخام بتاعها مكانش زىيها اوى ونستها بس كانت جميله جداااا

مبدئيا لو عايز كيماويات مضمونة و مش مغشوشة يبقي شركة الجمهورية للادوية. المركز الرئيسي -الاميرية ت 26014532 ،(نمرة عندي ان شاء الله متكونش اتغيرت)
ده فيه كل حاجة ، ممكن تتصل بهم و تسأل علي الكيماويات اللي عايزها و تسأل عن اي فروع اخري تكون بتبيع كيماوات تكون قريبة منك
الكحول الايثيلي (Ethyl alcohol) او (Ethanol) هو المستعمل في العطور و هو اما الكحول الميثيلي فهو مضر و لا يستعمل ابدا في العطوراو غيرها علي الجلد .
Benzyl Benzoate يستخدم كfixative or stabilizer او مثبت يحافظ علي الرائحة .
Propylene glycol (نوع من الكحول) و الافضل استخدام Dipropylene glycol لانه ليس من الكحوليات فليس له تأثير علي الجلد . الاثنان لهم نفس الفائدة , و قوامهم مثل الجلسرين في انهم يعطوا القوام و كمذيب لمكونات العطر
الماء المقطر يختلف عن الماء العادي لانه يتم تحضيره عن طريق تبخير الماء ثم تكثيف البخارفهو ماء نقي ليس به الminerals و لا اي مواد تؤثر علي رائحة او ثبات العطر.
انا لا اعرف النسب او التركيبة كاملة لكن ممكن تبحث علي النت ستجد معلومات اكيد عن التركيب