..ارجوا افادتى عن نقص زيت الموتور شرطة عن الطبيعى بفلوانس فيس ليفت موديل 2015علما انه بعد عمل صيانة ال10الاف كيلو كان مقاس الزيت مظبوط ولكن عندما وصل الاستهلاك الى 17الف كم بقياس الزيت بكمبيوتر السيارة والقياس اليدوى تلاحظ اربع شرط بدل خمسة.
عرض للطباعة
..ارجوا افادتى عن نقص زيت الموتور شرطة عن الطبيعى بفلوانس فيس ليفت موديل 2015علما انه بعد عمل صيانة ال10الاف كيلو كان مقاس الزيت مظبوط ولكن عندما وصل الاستهلاك الى 17الف كم بقياس الزيت بكمبيوتر السيارة والقياس اليدوى تلاحظ اربع شرط بدل خمسة.
ممكن يكون الزيت نفسه بيبخر مش بيكمل 10 الاف ياريت تقول نوع الزيت اللى بتستخدمه ايه
ممكن يكون معدل بخر الزيت بيكون كبير فى الجو الحار او الزيت الموجود فى العربية خفيف وبيقل مع المشى
حاول تغير بزيت موبيل دلفاك للنقل التقيل عشان تحكم فى موضوع التسريب صح
وممكن يكون هناك جوان قاعدة الماتور بيسرب وعاوز تتغير او فلتر الزيت اووش السلندر
حاول تبص علي الماتور لوكان هناك تعريق زيت فى الماتور من تحت
كده يدمر الموتور ..اقتباس:
حاول تغير بزيت موبيل دلفاك للنقل التقيل
استعمال لزوجه الزيت الموجود فى الكتالوج فقط لاغير من اى ماركه تحقق مواصفه الكتالوج
تغيير الزيت الموصي به فى الكتالوج فقط
موبيل دلفاك ايييييييييييه ياعم
انت كده بتهزر صح
ده زيت نقل تقيل
ده انت لو حطيته يبقى عليه العوض ومنه العوض
الموتور هيبقى خردة !!
يا جماعه العربيه لسه فى الضمان يعنى فى كتالوج وجدول صيانه دورى مع التوكيل يعنى لازم يغير الزيت بمعرفت التوكيل واحنا كلنا عارفين التوكيلات فى مصر بيتلكك لاى عربيه علشان يطلعها من الضمان الافضل يغير الزيت فى التوكيل ويشتكى لمهندس الصيانه على بخر الزيت
الموضوع ممكن يكون طبيعي أو مش طبيعي.... على حسب الموجود في الكتالوج..
عموما.. لو الزيت بين علامتين الـMin والـMax... فده هو المستوى الطبيعي للزيت في أي عربية...
الفكرة الأساسية هنا في معدل النقص.. يعني بينقص كام لتر في مسافة كام كيلومتر؟؟؟
في معظم الأحوال... نقص ربع-نص لتر كل 5000 كيلومتر يعتبر معدل طبيعي جدا... وفي كتالوجات عربيات كتير بيعتبر معدل نقص لتر كامل كل 1000 كيلومتر معدل طبيعي!!!!!
المعدل الكبير ده له ظروف خاصة علشان يحصل... منها التحميل العالي لمدة طويلة مع رفع دوران الموتور للحدود القصوى في نفس الوقت.
غالبا... الزيت المستخدم غير مناسب لمواصفات رينو للزيوت RN0700 أو RN0710.
لمعلومات أكتر... أنصحك تدخل على الموضوع ده
http://www.nilemotors.net/Nile/418186-a.html
...
شكرا لحسن الاهتمام.. انا مغير الزيت بالتوكيل زيت توتال.. ونقص عند 17كم ولكن قبل كدة كان طبيعى.. انا كنت بسافر مسافات طويلة