نقص زيت الموتور شرطة عن الطبيعى بفلوانس فيس ليفت

**abdallasoliman** · 15-05-2016 05:56 PM

..ارجوا افادتى عن نقص زيت الموتور شرطة عن الطبيعى بفلوانس فيس ليفت موديل 2015علما انه بعد عمل صيانة ال10الاف كيلو كان مقاس الزيت مظبوط ولكن عندما وصل الاستهلاك الى 17الف كم بقياس الزيت بكمبيوتر السيارة والقياس اليدوى تلاحظ اربع شرط بدل خمسة.

**Mohamed Desoky** · 15-05-2016 06:59 PM

ممكن يكون الزيت نفسه بيبخر مش بيكمل 10 الاف ياريت تقول نوع الزيت اللى بتستخدمه ايه

**ahmed.biso13** · 15-05-2016 09:10 PM

ممكن يكون معدل بخر الزيت بيكون كبير فى الجو الحار او الزيت الموجود فى العربية خفيف وبيقل مع المشى
حاول تغير بزيت موبيل دلفاك للنقل التقيل عشان تحكم فى موضوع التسريب صح
وممكن يكون هناك جوان قاعدة الماتور بيسرب وعاوز تتغير او فلتر الزيت اووش السلندر
حاول تبص علي الماتور لوكان هناك تعريق زيت فى الماتور من تحت

**Mohamed Desoky** · 15-05-2016 09:17 PM

المشاركة الأصلية كتبت بواسطة ahmed.biso13

ممكن يكون معدل بخر الزيت بيكون كبير فى الجو الحار او الزيت الموجود فى العربية خفيف وبيقل مع المشى
حاول تغير بزيت موبيل دلفاك للنقل التقيل عشان تحكم فى موضوع التسريب صح
وممكن يكون هناك جوان قاعدة الماتور بيسرب وعاوز تتغير او فلتر الزيت اووش السلندر
حاول تبص علي الماتور لوكان هناك تعريق زيت فى الماتور من تحت

خلى بالك العربيه لسه جديد 2015 ولسه فى الضمان والراجل بيقول لسه يدوب 20 الف كيلو و الاحتمال الكبير يكون فى نوع الزيت لان العربيه جديده

**tasaka** · 16-05-2016 07:30 AM

حاول تغير بزيت موبيل دلفاك للنقل التقيل

كده يدمر الموتور ..

استعمال لزوجه الزيت الموجود فى الكتالوج فقط لاغير من اى ماركه تحقق مواصفه الكتالوج

**Sherif Mandoor** · 16-05-2016 10:26 AM

تغيير الزيت الموصي به فى الكتالوج فقط

**tameem2010** · 16-05-2016 05:02 PM

موبيل دلفاك ايييييييييييه ياعم
انت كده بتهزر صح
ده زيت نقل تقيل
ده انت لو حطيته يبقى عليه العوض ومنه العوض
الموتور هيبقى خردة !!

**Mohamed Desoky** · 16-05-2016 07:24 PM

يا جماعه العربيه لسه فى الضمان يعنى فى كتالوج وجدول صيانه دورى مع التوكيل يعنى لازم يغير الزيت بمعرفت التوكيل واحنا كلنا عارفين التوكيلات فى مصر بيتلكك لاى عربيه علشان يطلعها من الضمان الافضل يغير الزيت فى التوكيل ويشتكى لمهندس الصيانه على بخر الزيت

**borio1704** · 16-05-2016 09:42 PM

الموضوع ممكن يكون طبيعي أو مش طبيعي.... على حسب الموجود في الكتالوج..

عموما.. لو الزيت بين علامتين الـMin والـMax... فده هو المستوى الطبيعي للزيت في أي عربية...

الفكرة الأساسية هنا في معدل النقص.. يعني بينقص كام لتر في مسافة كام كيلومتر؟؟؟

في معظم الأحوال... نقص ربع-نص لتر كل 5000 كيلومتر يعتبر معدل طبيعي جدا... وفي كتالوجات عربيات كتير بيعتبر معدل نقص لتر كامل كل 1000 كيلومتر معدل طبيعي!!!!!

المعدل الكبير ده له ظروف خاصة علشان يحصل... منها التحميل العالي لمدة طويلة مع رفع دوران الموتور للحدود القصوى في نفس الوقت.

غالبا... الزيت المستخدم غير مناسب لمواصفات رينو للزيوت RN0700 أو RN0710.

لمعلومات أكتر... أنصحك تدخل على الموضوع ده

http://www.nilemotors.net/Nile/418186-a.html

...