صوت تصفير من الفتيس فليشيا 96

**Ali Hassan2230** · 21-05-2016 07:16 AM

بعد اذنكم .. عندى مشكلة كبيرة فى الفليشيا وهى ان فى صوت تصفير شديد من الفتيس على الاول والتانى عند بداية الحركة فقط .. من فترة كانت مع التانى بس فبدأت استعمل النقلة الاولى دايما فى عبور المطبات واختفى الصوت شوية لكن حاليا بتصفر كده فى الاول والتانى وخصوصا لما احاول اطلع مكان عالى مثلا زى مطلع الجراج اثناء الطلوع الصوت بيكون شديد جدا وكذلك اى مرتفعات .. روحت للميكانيكية وكل واحد بيقول حاجة اللى يقول بلى ديبرياج واللى يقول ديسك او اسطوانة واللى يقول زيت رغم انى بكشف على الزيت وبزوده دايما لان الفتيس بينقط زيت بسيط مش كتير من الاسفل نتيجة خبطة جامدة فى مطب ..ياريت حد يقولى اعمل ايه خايف البهوات يضحكو عليا ويلبسونى تغيير طقم ديبرياج على الفاضى خصوصا انى كل اللى اعرفهم ما بيفهموش فى الفليشيا اصلا .. هل تغيير الزيت ممكن يحل المشكلة ؟؟

**mosaad mohsen** · 21-05-2016 12:23 PM

السلام عليكم
بليه الفتيس هي الي ممكن تعمل سفاره كده سؤال بيحصل رجرجه في التحرك من الثبات؟

**mosaad mohsen** · 21-05-2016 12:26 PM

ومعتقدش تغير الزيت هيفرق كتير المشكله فعلا هو طقم الدبرياج بس جوبني ع السؤال وهنتاكد

**Ali Hassan2230** · 22-05-2016 12:19 AM

المشاركة الأصلية كتبت بواسطة mosaad mohsen

السلام عليكم
بليه الفتيس هي الي ممكن تعمل سفاره كده سؤال بيحصل رجرجه في التحرك من الثبات؟

فعلا بتكون فيه رجرجة جامدة جدا خصوصا فى التحرك من الثبات على التانى .. والاول فيه رجرجة بردو لكن اقل من التانى وحاليا صعب جدا انى اطلع مطب على التانى العزم بيضعف وصوت تصفير جامد

**مدحت سمير** · 22-05-2016 01:38 PM

اعتقد ألمشكله في فتيس طالما في بعض غيارات مش كلها
حضرتك لازم تفك وتكشف علي الاسطوانه والديسك والبليه حسب افاده الساده الافاضل
لو طلعو كويسين يبقي مشكله جوه فتيس

**Ali Hassan2230** · 22-05-2016 08:46 PM

شكرا لكل الافاضل اللى ردو لكن عندى سؤال اتمنى حد يجاوبنى عليه .. هل لو سبتها كده فترة من غير ما اغير حاجة هل ممكن تسبب ضرر لحاجة تانية فى الفتيس او المحرك ؟؟ غير الاسطوانة والديسك يعنى

**mosaad mohsen** · 23-05-2016 10:00 PM

المشاركة الأصلية كتبت بواسطة ali hassan2230

فعلا بتكون فيه رجرجة جامدة جدا خصوصا فى التحرك من الثبات على التانى .. والاول فيه رجرجة بردو لكن اقل من التانى وحاليا صعب جدا انى اطلع مطب على التانى العزم بيضعف وصوت تصفير جامد

السلام عليكم
كده خلاص اكيد طقم الدبرياج ولازم تغيره

**Sherif Mandoor** · 23-05-2016 10:11 PM

اكشف علي طقم الدبرياج

**mosaad mohsen** · 24-05-2016 09:14 AM

المشاركة الأصلية كتبت بواسطة ali hassan2230

شكرا لكل الافاضل اللى ردو لكن عندى سؤال اتمنى حد يجاوبنى عليه .. هل لو سبتها كده فترة من غير ما اغير حاجة هل ممكن تسبب ضرر لحاجة تانية فى الفتيس او المحرك ؟؟ غير الاسطوانة والديسك يعنى

ا/علي
اولا بتاثر بنسبة85% علي العفشه
ثانيا وهطول عليك فيها اسف هنفترض ان فيه 3 اشخاص هيحولو ولو يكن كرتين من الارض علي عربيه نقل في واحد واقف عند الكرتين وواحد واقف عند العربيه وواحد واقف فوق العربيه وبينولو بعض الكراين لو واحد فيهم مشتغلش بالكفاءه بتعتهم هيتعب التنيين كذلك العفشه والفتيس والمتور
واسف علي الاطاله وانا في الخدمه في اي وقت

**aw2100** · 24-05-2016 02:53 PM

طقم دبرياج وممكن يكون الفلام باظ كمان والرجرجة الشديدة دى بتبوظ كورونة الفتيس نفسة والكبالن سواء داخلى او خارجى وبتقطع قواعد الموتور مانصحكش تصبر على العيب ده وتوكل على الله وغير مجموعة الدبرياج واكشف على الفلام ممكن يكون مريج غيرة والعربية محلولة وربنا يقويك