الموضوع: مشكله فى e36 1994 .. رائحة داخل السيارة .. عاجل قبل الترخيص

ما تكشف اعطال بالجهاز الاول .. علشان تعرف ايه المشكله بالظبط و تغير المطلوب فقط ..

و اعتقد ممكن يكون فيه كمان كشف عادم يبين لك هل العربيه كده حتعدى الفحص ام لا ؟؟

و بعدين العربيه لو حالتها سيئه جدا زى ما بتوصف .. يبقى اكيد مسجله كود عطل اكيد

و بعدين كمعلومه عامه ( ما اعرفشى حتكون فى البلد اللى انت فيه ام لا ) .. فى بعض الدول لو انت مسحت اكواد الاعطال قبل الفحص مباشره .. بيمشوا على العربيه 2 دوره Cycle ( طريقه قياده محدده و مدروسه لمسافات معينه و سرعات معينه ) علشان يتأكد ان كان فيه اعطال ام لا ( العطل بيظهر تانى بطريقه القياده دى فى ثانى دوره قياده )

و لو العربيه من اولها كده .. اخلص منها .. علبه البيئه غاليه

بالنسبة لموضوع الدخنة البيضاء ممكن يكون العربية عايزة طقم شمبر
وغير طقم البوجيهات وفلتر البنزين وفلتر الهواء وروح لميكانيكى واغسل علبة الهواء بمياه او سفنجة لانها ممكن تكون اكثر حاجة تسبب رائحة العادم ودخنة سوداء
بالنسبة لتكييف اغسلة باسبراى فوم ب15 ج ف التوفيقية وممكن تحط برفان تقيل على فتحات التكييف عشان ماتبنش قبل ماتفحص ب5 دقائق ومتركنهاش فى الشمس كتير عشان الريحة ماتروحش
ممكن تكون الريحة من الشكمان تتطلع سنسور علبة الشكمان عشان كده المكنة ماتحرقش البنزين كله وتلاقى ريحة بنزين فى الشكممان
وماتغيرش اى سنسور غير لما تتاكد انه بايظ
وغير زيت العربية بموبيل اكس اتش ب وفلتر الزيت

متشكر يا رجاله عالمساعده

انا مبدأياً اتقفلت اصلا :)

المشاركة الأصلية كتبت بواسطة m.ayman

لا تتقفل ولا حاجه و تعالي نراجع المشاكل بالراحه كده

اولا موضوع الدخان الاسود -الهباب الاسود- و ريحه البنزين الني ، في كذا احتمال زي البوجيهات ، الموبينات ، حساس الاوكسجين ... الخ ، فالطبيعي انك اول ما تشتري العربيه من المالك القديم بتعمل full service يعني هتغير بوجيهات ، فلاتر ( بنزين و زيت و هوا ) و زيت الموتور -5w40 is recommended- و تعمل check كده علي زيت الفتيس و الكارونه في رأيي الشخصي بعد كل السرفيس ده لو لسه عندك نفس المشكله حط العربيه علي الجهاز و علشان تشوف هي قاريه ان ال fault طالع منين ، و الموضوع بسيط ان شاء الله متقلقش و بخصوص ال catalytic converter خليها ااااخر حل علشان سعرها غالي في كل مكان مش عندك بس :d

ثانيا موضوع التكييف بالنسبه للريحه ممكن تغير الفلتر و بالمره رش عليه اي perfume تكون بتحبه مثلا ، بالنسبه لمشكله التبريد لازم تكشف عند فني مختص تكييفات هو هيقولك اذا كنت محتاج تشحن فريون مثلا او لا قدر الله كباس تكييف و في رأيي الشخصي حاول تلف خراطيم التكييف بعازل حراري -انا مش عارف انت عايش فين بس هو موجود في مصر سهل و ان شاء الله تلاقيه عندك عادي - هيفرق معاك في التبريد علشان الحوض بيبقي في صهد جامد خصوصا في السته سلندر

ثالثا بالنسبه لريحه العادم جوه الصالون ممكن جدا يكون اثار ريحه الشكمان اللي شميتها بقوه في الاول ، بس لو موجوده لسه بعد كده برضه بسيطه اكشف علي الشكمان ممكن يبقي في جزء مخروم بيعملك تسريب في الصالون و سهل جدا بيتلحم مفيهوش اي مشاكل

الف مبروك علي العربيه و متحاولش تقفل نفسك او تضايق نفسك منها و انت لسه شاريها

شكراً على الرد يا ريس ،
بص هو انا بالظبط عملت التالى .. جبت زيت جديد بس فضلت اروح للـ 0w40 لانى تجاربى معاه كويسه اوى فى المرسيدس و ناس كتير بتستخدمه فى الـbm e36 ... فا قولت اخلينى معاه المرادى ، و امبارح خلاص سقط الزيت القديم و غيرته و غيرت فلتر .
جبت بوجيهات . Ngk bkr6ek ودى عن تجربه سابقه 100-100 ، و هغيرها بكره بليل لما الاقى مفتاح البوجيهات .

بالنسبة للجهاز فا انا عربيتى زى مانت عارف obd1 مش obd11 فا خيارات تطليع الكود محدوده اوى ، فا لو تعرف ايه الجهاز اللى يقرا اكوادها تبقى خدمتنى لانى مش هروح لميكانيكى يكشفلى على اى حاجه حالياً عشان الفلوس :)

دلوقتى انا خايف يكون الـ cat بايظ ، خاصة انه بيعمل صوت فى نص العربيه لما بوطى اسمع .. فا طبعا لو بايظ كسر من جوا يبقى عليه العوض .. فانا فكرت فى حل مؤقت احاول اعدى بيه فحص العادم يجوز ينفع .. جبت sea foam و هجربه بكره لان ناس كتير اوى اوى سألتها فى الحوار دا و قالو انه ظبطلهم ارقام العادم .. فا هجرب يجوز ينضف الكات فعلا ً.. لانى مش هشترى واحد بصراحه لا جديد ولا مستعمل ولا حتى يونيفرسال لان الاخير دا مش هيعدينى الفحص بنسبة 100% .

فى اى حاجه انا ناسيها مفروض اعملها ؟

وشكراً تانى عالرد .

المشاركة الأصلية كتبت بواسطة m.ayman

تمام بالنسبه للزيت طالما انك مجربه و مستريح فيه خلاص مش مشكله و عموما برضه من الحاجات المهمه انك كل فتره قريبه تشوف مستواه خصوصا لو كنت من سكان بلد حاره الاجواء زي هنا و زي الدول العربيه علشان من الطبيعي انه بيحصل تبخير لشويه من الزيت و ده طبيعي متقلقش لو لقيته عندك ، البوجيهات انا عن نفسي جربت ال ngk bkr6ek و مدخلش دماغي و دلوقتي ثابت علي ngk bkr6eix الاريديوم و ساعات لما مبلاقيهوش بجيب ngk bkr6egp البلاتينيوم و برضه طالما انت مجرب البوجيهات و مستريح فيها تمام برضه يبقي ال ngk bkr6ek كافيه جدا

بالنسبه لموضوع الجهاز للاسف حاليا مقدرش افيدك لاني معنديش معلومات كافيه عن اسامي الاجهزه و مدي جودتها ، لان بطبيعه الحال عندنا في مصر الاسهل انك تقراها عند اي محل هنا ، بس اول واحد هقدر اوصله هعرفلك منه اسم جهاز كويس يكون مجربه و عارف مدي كفائته و لحد ما نوصل لجهاز كويس ممكن تقراها زي الفيديو ده كده من غير اي scanner او tools اصلا

https://www.youtube.com/watch?v=o7fzmso8qio

و بعد كده تستخدم ال list دي علشان تعرف code ال fault (المفروض ان كنترولك تبع m3.3.1) - و انا هكتبهم هنا ثاني دلوقتي بعد الرد ده -

bmw complete diagnostic fault code list [e36, e46, e90 and more] | realitypod

و لو حتي بعد كده مفهمتوش تكمل search عليه او تسألنا عليه ان شاء الله - و برضه هبعت لك رساله فيها اكونت الفيس بوك بتاعي علشان انا مش دايم التواجد في نايل موتورز -

بالنسبه لموضوع ال cat لو في الاخر بعد كل التظبيط و السرفيس و عدم وجود اي اعطال و كونها اخر حل في فيديوهات كتير و مواضيع عن طرق تنضيفها -ممكن احطلك لينكاتهم لو عايز- بس مش عارف هل مجرد تنضيفها كفايه ولا لأ والله جرب و ان شاء الله خير

تسلم يا برنس .. هو انا فى مكان فى الصيف حر اوى و فى الشتا تلج اوى ، فى نيويورك .. فا بستعمل الزيرو 40 عشان يمشى فى الحالتين ، انا فعلاً اول ماشتريت العربيه عملت حوار الكود بدواسة البنزين بس المشكله انه دايماً بيدينى كود الزيرو ( اللى هو كود 1444 ) عشان كدا مش نافعه معايا القصه دى للاسف ... حتى انا قولت يمكن الاكواد مترستره ... فا مشيت بيها اكتر من 250 ميل و نفس الكود ، فا واضح ان كود المشكله مش هيطلع حتى و هى موجوده . انا مراعى انها 94 :) .

بالنسبة للبوجيهات هو انا مجربها بس فى 98 .. عشان كدا قولت بينى و بين نفسى طالما اديت معايا فى 98 يبقى اكيد هتمشى نفس الاداء فى الـ 94 .. ولا انت رأيك ايه ؟ .

وشكراً يا زعيم على التواصل و على اكونت الفيس بوك ... ان شاء الله معرفة خير .