معايا عربيتين لادا 2107 اى واحدة المفروض ابيعها

**mohsal** · 23-05-2016 10:10 AM

العربيه الاولى هى عربيتى روسى 2009 عداد 41000 انجكشن - لسه مغير طقم دبرياج كامل وعمرة عفشة بيض ومناول ومساعدين خلفى وحاجات تانيه - فرش جلد للكراسى صالون بحاله الزيرو - تحتاج 4 فرد كاوتش لان الكاوتش هو الروسى الاصلى الفابريكة - رخصة وفحص حتى شهر 10 سنه 2017 الرخصة باسمى مرور ابيس بالاسكندرية -باور راكب فى التوكيل - كنت عملت سمكرة كامله للعربيه وتحتاج لدهان العربيه بالكامل من الخارج لاول مرة لايوجد بارومة- تم تعديل تبريد المروحة على سير الدينامو.

اتعرضت عليا واحدة تانيه واشترتيها الحمد لله بس محتار اى عربيه افضل من حيث الخسارة الاقل

العربيه التانيه روسى انجكشن موديل 2008 عداد 10000 كم فقط رشة جانبين العربيه زيرو بمعنى الكلمة -صالون الفابريكة زيرو والكراسى بدون اى تقطيع او اتساخ - متفكش مسمار من العربيه - نظام التبريد مروحة كهرباء بثرموستات الكوعه الفابريكة- عفشة الفابريكة -رخصة حتى شهر 1 سنه 2017 مرور القاهرة- الكاوتش الاصلى الفابريكة الروسى والاستبن لم يلمس الارض.

العربيه التانيه 2008 محتاجه سروجى كامل للكراسى والارضية للحفاظ على صالون الفابريكة - التسجيل فى الشهر العقارى وتجديد الرخصة ونقل الملف للاسكندرية حوالى 3000 الى 3500 جنية وممكن اجدد الرخصة بدون نقل الملف لتقليل النفقات- لو حبيت اركب باور يتكلف 4000 جنية فى التوكيل - الدركسيون على وضعه الفابريكة ومش تقيل-الكاوتش يمشى بدون اى مشاكل ممكن 15 او 20 الف كمان طبقا لتجربتى فى عربيتى الاولى. يعنى بعد سنة باذن الله

نرجع لعربيتى ال 2009 محتاجه زجاج امامى 200 جنيه ورش العربيه بالكامل من الخارج وده امر محير لان لو الشغل تجارى تتكلف 1500 تقريبا انما لو بويه ايطالى وشغل نظيف ممكن فى حدود 3000 جنيه فبفكر لو ابيعها على وضعها واللى يشترى يعملها زى مايحب. بس فيه ناس مش فاهمه وبتشترى على المنظر الخارجى وممكن اصبر على بيعها لو حبيع كده.
فرق الرخصه بين العربيتين 9 شهور لصالح ال 2009

الصراحه انا دماغى سااااااااااااحت

العربيه الاولى2009 حالتها كويسه 3000 جنيه وتبقى اتشدت
العربيه التانيه اعتبر راكبها زيرو بس محتاجه المصاريف اللى انا ذكرتها . واتحمل الخسارة المادية فى مقابل ركوب التانيه.

الرجاااااااااء مساااااااعدتى فى التفكييير

**ahmed.biso13** · 23-05-2016 06:13 PM

بيع عربيتك القديمة
واركب الثانية ساعتها هتحس براحة نفسية كبيرة
خصوصا وانت بتقول ان العربية الثانية بفبركيتها والاستبن مالمسش الارض
وبينى وبينك طالما العربيةفتحت بقهابتبقى بين حيرتين
الاولى اناك زهقت وعاوزتخلص منها بسبب المصاريف الكتير حتى لو غيرت فيها كل حاجة
الثانية هى انها بقت عشرة
فبيع القديمة وخلى الجديدة وحافظ عليها وعلى الفبريكة بتاعتها وايدك فيها على طول وعينك على الصنايعية اللى بتفتحها وترمى مساميرها وتقولك هات غيرها ومع الايام هتنسى القديمة وتحس بعشرة الجديدة
لان ده نفس الىى حصلى لما بعت الشاهين واشتريت التمبرا الافضل حال

**mohsal** · 25-05-2016 11:28 AM

ايه يجماعه مفيش ردود ونصائح تانية

SS · 25-05-2016 04:20 PM

طبقاً لكلامك المصاريف اللى محتاجها لاى عربية منهم تقريباً 3500
و بافتراض ان سعر العربيتين واحد تقريباً
لو فارق معاك الباور ...بيع الجديدة
لو مش فارق بيع القديمة

و ممكن تنقل الباور من القديمة للجديدة.. ...بس انا لا افضل ان حد يمد ايده فيها طالما ماشية 10000 بس
بالتوفيق