استفسار عن E38 735i موديل 2000 في غاية الضرورة

**Ahmed.Sayed85** · 27-05-2016 05:18 AM

إخواني المحترمين الذين أحبهم والذين تعلمت منهم الكثير

السلام عليكم ورحمة الله وبركاته

أكرمني الله بالسيارة الرائعة فولكس فاجن باسات 2002 والتي لا أستطيع أن أحصي مميزاتها ومتانتها المبالغ فيها ولكن للأسف الشديد هي مانوال

لذا قررت أني هشتري اوتوماتيك وبما أني ركبت ألماني فأكيد مش هعرف اركب غيره فقررت أني أطلع مش أنزل وقولت أشوف معشوقتي الأولي والأخيرة بي إم دبليو

وجدت أمامي سيارة 735i موديل 2000 بصراحة اتوهمت من شكلها وامكانيتها وموتورها الغريب

ولكن كالعادة سمعت أقاويل كثيرة منها ندرة قطع الغيار ولو موجودة هتبقي أغلي من الذهب وهكذا

وكمان قالوا حتي ميكانيكية البي ام مش شطار في الفئة السابعة ( كلام غريب)

فقولت استشير اهل الخبرة والتجربة وأصحاب الفضل

فأتمني منكم كما تعودت منكم أن تفيدوني وتعطوني من الكلام ما يروي ظمأي ويجعلني أتخذ قرار الشراء او عدم الشراء

السيارة 735i موديل 2000 ، عداد 130000 ، راشه بره ، 3500 سي سي ، بيقول مش محتاجه مصاريف وطالب 130 ألف جنيه

أتمني تفيدوني في أسعار هذا الموديل من كام لكام ، وقطع غياره متوفرة ولا لأ ولا هتتعبني عشان ألاقيها ولا نص ونص ولا ايه ، وهل قطع الغيار زي الباسات ولا أرخص ، واكسسواراتها موجودة ولا بيتوفقلها

في انتظار ردكم الكريم

**leed** · 27-05-2016 08:34 AM

سعرها مبالغ فيه اوي شوف الشبح احسن s320 قطع غيارها اسهل من البي ام

**aymanabdelwhab** · 27-05-2016 09:45 AM

نصيحه من اخ .. انا كنت راكب باسات 2000 اتوماتيك
نزلت منها مفيش عربيه رضيتني زيها .. كان نفسي اجيب ال 2002 اتوماتيك ودورت كتير بس ملقيتش ... الحمد لله انا جبت توليدو زيرو بس طبعا الباسات مستحيل تتنسي
مشكله اللي بيركب الباسات مش بيعرف ينزل منها الا علي حاجه في نفس المستوي عشان ميزعلش ويضايق
ال بي ام طبعا مفيش جدال كاتوجري مختلف ومعني تاني

النصيحه بقي

دور علي باسات موديل 2006 لحد 2008 .. الفتيس القديم تكون حالتها كويسه وعلي الااقل موديل عالي شويه

دي العربيه الوحيده اللي مش هتزعل علي عربيتك القديمه اما تركبها

صدقني انا نزلت من الباسات ركبت a4 اسكودا 2008 حسيت بفرق رهيب

ال e38 عربيه ممتازه بس فعلا هتتعبك في قطع الغيار شويه

**Ahmed.Sayed85** · 28-05-2016 07:58 AM

المشاركة الأصلية كتبت بواسطة aymanabdelwhab

نصيحه من اخ .. انا كنت راكب باسات 2000 اتوماتيك
نزلت منها مفيش عربيه رضيتني زيها .. كان نفسي اجيب ال 2002 اتوماتيك ودورت كتير بس ملقيتش ... الحمد لله انا جبت توليدو زيرو بس طبعا الباسات مستحيل تتنسي
مشكله اللي بيركب الباسات مش بيعرف ينزل منها الا علي حاجه في نفس المستوي عشان ميزعلش ويضايق
ال بي ام طبعا مفيش جدال كاتوجري مختلف ومعني تاني

النصيحه بقي

دور علي باسات موديل 2006 لحد 2008 .. الفتيس القديم تكون حالتها كويسه وعلي الااقل موديل عالي شويه

دي العربيه الوحيده اللي مش هتزعل علي عربيتك القديمه اما تركبها

صدقني انا نزلت من الباسات ركبت a4 اسكودا 2008 حسيت بفرق رهيب

ال e38 عربيه ممتازه بس فعلا هتتعبك في قطع الغيار شويه

أشكرك يا أخي العزيز علي اهتمامك وردك ونصيحتك الغالية
و أحب اني اهديك معلومة أنا عرفتها وهي أن الباسات B5.5 بتبدأ من 2001 حتي 2005 ( اللي هي الشكل اللي معايا واللي هو يعتبر فيس ليفت لباسات 2000 ) مفيش منها أوتوماتيك الا سنة 2001 بس وكانت 2000 سي سي ، أما من أول 2002 كله مانوال 1600 سي سي

وانا مقتنع بكلامك ونصيحتك اني اشوف الباسات 2006 فعلا سيارة قيمة واعتمادية ولا يختلف عليها أحد

أنا كان نفسي اخوض تجربة البي ام دبليو ، والفئة السابعة كانت حاجه مثيرة جداااااااا اني أقتنيها لكن أظن ان الوقت لم يحن لأن نركب مثل هذه السيارات أمثال الفئة السابعة

أنا في ناس نصحتني بالفئة الخامسة e39 واللي هي من 98 لـ 2003 وهي سيارة فعلا رائعة وكنت اتمني أن لو أحد من اخواني المشرفين بالقسم يجود علينا ببعض المعلومات عنهم

وأخيرا أشكرك وادعوا الله ان يرفع قدرك ويرزقك من حيث لا تحتسب

**Ahmed.Sayed85** · 28-05-2016 08:00 AM

المشاركة الأصلية كتبت بواسطة leed

سعرها مبالغ فيه اوي شوف الشبح احسن s320 قطع غيارها اسهل من البي ام

طبعا ديه سيارة الرؤساء والوزراء أخي العزيز

بس ايه اخبار قطع غيارها وسعر السيارة في السوق في حدود كام او من كام لكام وتقصد موديلات سنة كام

**aymanabdelwhab** · 28-05-2016 08:14 AM

المشاركة الأصلية كتبت بواسطة Ahmed.Sayed85

أشكرك يا أخي العزيز علي اهتمامك وردك ونصيحتك الغالية
و أحب اني اهديك معلومة أنا عرفتها وهي أن الباسات B5.5 بتبدأ من 2001 حتي 2005 ( اللي هي الشكل اللي معايا واللي هو يعتبر فيس ليفت لباسات 2000 ) مفيش منها أوتوماتيك الا سنة 2001 بس وكانت 2000 سي سي ، أما من أول 2002 كله مانوال 1600 سي سي

وانا مقتنع بكلامك ونصيحتك اني اشوف الباسات 2006 فعلا سيارة قيمة واعتمادية ولا يختلف عليها أحد

أنا كان نفسي اخوض تجربة البي ام دبليو ، والفئة السابعة كانت حاجه مثيرة جداااااااا اني أقتنيها لكن أظن ان الوقت لم يحن لأن نركب مثل هذه السيارات أمثال الفئة السابعة

أنا في ناس نصحتني بالفئة الخامسة e39 واللي هي من 98 لـ 2003 وهي سيارة فعلا رائعة وكنت اتمني أن لو أحد من اخواني المشرفين بالقسم يجود علينا ببعض المعلومات عنهم

وأخيرا أشكرك وادعوا الله ان يرفع قدرك ويرزقك من حيث لا تحتسب

ربنا ييسرلك الخير ان شاء الله
الدعواتين اللي في اخر السطر دول يستاهلوا انك تاخد الحته التوليدو بتاعتي ببلاش والله

ربنا يعزك

**lithiumion** · 28-05-2016 12:01 PM

السيارة محل السؤال في رأيي من أجمل وأفضل ما أنتجت بي إم دبليو لكن لإقتنائها في مِصر عدة محاذير

أولاً وكما تفضل أعضاء آخرون بالنصيحة فقطع غيارها غير متوفرة كما هو الحال مع الباسات كما أن أسعار قطع الغيار من الوكيل أغلى بكثير من السوق.

ثانيا ستلاحظ فارق تكلفة كبير في تشغيلها عن سيارتك الحالية. آخذاً في الإعتبار فارق السعة اللترية بين محرك سيارتك الحالية ومحرك السيارة الجديدة ومعدلات استخدامك للسيارة المقترحة ومعاملات استهلاكها، حاول أولا حساب متوسط تكلفة الوقود والزيوت. أدخل في حساباتك تكلفة القطع اللازم تغييرها بشكل دوري (المكابح كمثال). قدراتك المادية ليست بالطبع محل نقاش، هذه فقط نقطة تدخل في معادلة إقتناء أي سيارة بشكل عام.

ثالثا تكلفة الصيانة للسيارة محل السؤال أعلى بكثير من سيارتك الحالية. مما خبرته بنفسي ومن مواقف متعددة وردت لي من أصدقاء يمتلكون سيارات بي إم دبليو في مصر فإن مالك سيارة بي إم دبليو غالباً ما يدفع أكثر بكثير من مالكي الماركات الأخرى فقط لأنه يقتني بي إم. هناك مشاركات متعددة في المنتدي ورد فيها كلام مشابه. فضلا تفقد الرابط في آخر المُشاركة.

رابعاً السعر المطلوب في السيارة أعلى بكثير من قيمتها السوقية الحالية مع إعتبار النقاط الثلاث السابقة.

مع كل ماسبق ذكره أعتقد أن نصيحة العضو أيمن عبد الوهاب في محلها.

http://www.nilemotors.net/Nile/3876046059-post4.html

**Amr_650** · 29-05-2016 04:22 PM

لا انصح بيها نهائيا .. مصاريف كتير و اعطال كتيير و مش اعتمادية للاسف للاستخدام اليومى .. لو ناوى انصح بشدة بال e39 ..

و انصح بشدة اكتر بباسات موديل 2009 كومفورت لاين ..

انا كانت معايا الباسات 2003 و الe39 و الباسات ال2010هاى لاين .. ربنا يوفقك