كنت عملت من فتره موضوع عن تغيير عداد السرعه لتيريوس ٢٠٠٠ واني روحت مركز الفيروز قالولي لازم نفك التابلوه كله علشان نغير الواير لانه معدي من بين التلاجه والكلام ده
مشيت وانا دمعتي على خدي وقلت مش هصلحه بس المشكله انه عملي مشكله في موضوع تغيير الزيت وماكنتش عارف المواعيد ايه؟
روحت الحرفيين امبارح واشتريت واير السرعه بعد لف ب ٩٠ج من الاشراف وكان عند اوشين ب ١٢٠ج.
ورجعت العاشر وروحت لكهربائي ابن حلال وقلتلوا غيرلي واير السرعه بس خلي بالك بتاع قطع الغيار قالي حرص لانه بيعدي جوا التلاجه(ما انا لازم انبهه).قالي سبيها لله.
فك لوحة العدادات و درج التابلوه والصندوق الاسود اللي ورا الدرج وركب الواير وجربنا والدنيا زي الفل. وخد مني ٢٥ج عن طيب خاطر.
الموضوع كله لم يتجاوز ١٠ دقائق.
وقالي كمان ده نفس الواير بتاع الدبابه بالضبط كان ممكن اجيبه من العاشر بدل ما انزل الحرفيين وب ٥٠ج ياللا راحت عليا ال ٤٠ج فرق سعر الواير.
ايه ما حدش عايز نفكله التابلوه علشان نغيرله واير عداد السرعه.
معلش طولت عليكم.