تزييقه!!!!

**mirra** · 01-06-2016 11:10 PM

اخوانى الاعزاء ارجو الافاده فى صوت تزييقه بسيطه بشعر بيها فى الجانب الامامى يمين و ده محصلشى الا بعد ما العفشجى ربطلى العفشه!!! رجعتلوا تانى قالى غير كاوتشيتين الميزان غيرتهم و برضه الصوت موجود .. قالى يمكن الصاجه بتخبط فى العربيه زحزحها بعيد و برضه الصوت موجود.. الصوت مش بيظهر و العربيه واقفه مهما هزتها بس بيظهر عند النزول فى مطب و مش اى مطب... حاجه تحير .. رحت لعفشجى تانى قالى مافيهاش حاجه و مش حقدر افك حاجه و انا مش عارف الصوت منين

**Mohamed Desoky** · 02-06-2016 01:00 AM

بسيط هات شوية زيت وسخ ورشه على المقصات وكاوتش الميزان هو المفروض العفشجى عمل كده بس البيه مش عاوز يوسخ نفسه اعملها انتى بنفك الموضوع سهل واتعود كل ما تغير زيت غرق العفشه هتبقى حلوه وربنا يوفقك

**عبدالله برعى** · 03-06-2016 12:18 AM

غير مناسب زيت قديم ووضعه على اجزاء العفشة
- يتم التشحيم شحم ابيض على جميع الاجزاء المتحركة ولة فوائدة عدة , فضلا عن منع الاصوات

**ahmed12ea** · 03-06-2016 10:05 PM

المشاركة الأصلية كتبت بواسطة عبدالله برعى

غير مناسب زيت قديم ووضعه على اجزاء العفشة
- يتم التشحيم شحم ابيض على جميع الاجزاء المتحركة ولة فوائدة عدة , فضلا عن منع الاصوات

[OVERLINE]الشحم حيبقي من بره بس الادا مختلفه عن العربيات التانيه

زجاجه wd 40 وترش علي اجزاء العفشه
هو wd 40 فيه نسبه جاز خفيفه بس مش
باثر قوي علي الكوتشات

لو استمرت المشكله بعد الرش
راجع علي جلب المقصات وخاصه
جلب المقصات الي فوق لانها لما بتتاكل
بتحك في بدي العربيه فتعمل صوت تزيبقه[/OVERLINE]

**Mohamed Desoky** · 04-06-2016 12:25 AM

كل احترامى لرائيكم لكن انا عشت مع الادا سنين من ايام ابتدائى لحد ما دخلت الجيش 12 سنه ميكانيكى فى ورشة خالى واول عربيه جبتها كانت لادا وبقول لحضرتكم لاشحم ولا رش ينفع مع عفشة الادا بكل ثقه جرب اللى الزملاء بيقوله عليه وهتلف تلف وترش زيت على العفشه ده حل الادا واللى عايز يجرب يجرب ده كلام خبرة سنين مع عربيات الروسى حتى فى الجيش كنا بنعمل كده ده اخر كلام وشكرا

**ahmed12ea** · 04-06-2016 12:38 AM

المشاركة الأصلية كتبت بواسطة Mohamed Desoky

كل احترامى لرائيكم لكن انا عشت مع الادا سنين من ايام ابتدائى لحد ما دخلت الجيش 12 سنه ميكانيكى فى ورشة خالى واول عربيه جبتها كانت لادا وبقول لحضرتكم لاشحم ولا رش ينفع مع عفشة الادا بكل ثقه جرب اللى الزملاء بيقوله عليه وهتلف تلف وترش زيت على العفشه ده حل الادا واللى عايز يجرب يجرب ده كلام خبرة سنين مع عربيات الروسى حتى فى الجيش كنا بنعمل كده ده اخر كلام وشكرا

تمام ياغالي ماهو wd 40 فيه زيت وعلي الأقل حيبقي سهل في الاستخدام وعشان هو أسبرأي حيوصل لأماكن يصعب الزيت العادي انه يوصله

**Mohamed Desoky** · 04-06-2016 01:04 AM

المشاركة الأصلية كتبت بواسطة ahmed12ea

تمام ياغالي ماهو wd 40 فيه زيت وعلي الأقل حيبقي سهل في الاستخدام وعشان هو أسبرأي حيوصل لأماكن يصعب الزيت العادي انه يوصله

wd40 ده في نسبة جاز ومع الوقت الكاوتش هينفش وكمان انتى محتاج 2 علبه منه واكيد بفلوس ويمكن يطلع مغشوش زى كل حاجه فى حياتنا جرب ده وجرب الزيت الوسخ القديم بتاع العربيه وتجيب سرنجه كبيره وتوزع على المقصات وتتمشى شويه فى مطبات خفيفه والعربيه بازن الله هتبقى كويسه جرب ده راى يمكن يسعدك ربنا يوفقك

**ahmed12ea** · 04-06-2016 01:25 AM

المشاركة الأصلية كتبت بواسطة Mohamed Desoky

wd40 ده في نسبة جاز ومع الوقت الكاوتش هينفش وكمان انتى محتاج 2 علبه منه واكيد بفلوس ويمكن يطلع مغشوش زى كل حاجه فى حياتنا جرب ده وجرب الزيت الوسخ القديم بتاع العربيه وتجيب سرنجه كبيره وتوزع على المقصات وتتمشى شويه فى مطبات خفيفه والعربيه بازن الله هتبقى كويسه جرب ده راى يمكن يسعدك ربنا يوفقك

**mirra** · 10-06-2016 06:02 PM

يا جماعه الخير انا رفعت العربيه فى البنزينه و غسلت العفشه كويس و رشيت جاز على زيت نضيف ماركه شل و ده بالكمبروسور بتاع المحطه و برضه التزييقه الخفيفه شغاله و مش مع كل المطبات و مش بتبان لو هزيت العربيه و هى واقفه.