عندى صوت ونة جامدة من الكارونة لادا 2013

**magoor22** · 02-06-2016 04:28 AM

السلام عليكم
انا معايا عربية لادا 2107 موديل 2013
عندى صوت ونة جامدة من الكارونة ..سألت كذا عفشجى قالولى ملهاش حل غير ان الاورمة تتغير ..
انا عايز نصيحة منكم اشتريها منين فى المنصورة او اى حتة ..وسعرها كام استعمال خارج ...وبعدين اعرف ازاى ان كانت كويسة ولا لا عشان ميضحكش عليا ..رجاء اللى عنده معلومة يفيدنى لانى عايز اغيرها بسرعة بس مش عارف اجيبها منين ..انا من المنصورة ..ويا ريت لو اسم عفشجى كويس
تحياتى ..وشكرا لاعضاء المنتدى الكرام

تم تعديل العنوان ليتناسب مع المحتوى
م.ع 7

**ahmdmagdy** · 05-06-2016 04:13 AM

العربيه ٢٠١٣ و فيها ونه كرونه ازاي

**magoor22** · 08-06-2016 05:11 AM

المشاركة الأصلية كتبت بواسطة ahmdmagdy

العربيه ٢٠١٣ و فيها ونه كرونه ازاي

التقفيل المصرى بأة ..هنعمل ايه بس

**Samir_Adel** · 08-06-2016 04:53 PM

الكورونة ولا الكردان؟ عمتا لو فعلا الكورونة يبقي تجيب واحدة استيراد علي طول و صدقني العفشجي مش هيفيدك و كل اللي هيعملة كلام فاضي و مسكنات.

**Mohamed Desoky** · 08-06-2016 05:42 PM

العفشجى ملهوش علاقه ده شغل ميكانيكى والكرونه بتجبها استيراد على التجربه ؟بس انتى متاكد ان الكرونه فيها ونه هل انتى جربت تحط زيت فالفلين اتقل درجه المفرود تعمل محاولات لحد ما الكرونه تجيب اخرها ؟ من 13 سنه كانت الادا عندى وغيرت الكرونه كامله بلتعديل ل 132 200cc خلصت الموضوع لحد مابعتها اسئل كام ميكانيكى كويس واشترى كلام منهم لحد ماتوصل لقرار وربنا يوفقك

**windofchange** · 08-06-2016 06:06 PM

حط زيت للكارونة جديد نفس اللزوجة الموجودة بالكتالوج ونفس الكمية المذكورة فيه و حط معاه مانع الونة من ليكوي مولي liqui moly هتلاقي صفحات عالنت بتبيع اضافات ليكوي مولي

**magoor22** · 09-06-2016 06:07 AM

جربت كل الحاجات دى ..غيرت زيت الكرونة وحطيت مانع الونة ..مفيش فايدة ..نفس الصوت المزعج ..وديتها لعفشجى واتنين وتلاتة وكلهم قالولى لازم تغير الكرونة ...سألت على الكرونة الجديدة عاملة 1500 جنيه واستعمال خارج عاملة تقريبا 700 جنيه ..انا مش عارف اجيب دى ولادى ....واحد يقولى استعمال حارج احسن وواحد تانى يقولى الاستعمال زة البطيخة انت ونصيبك وواحد يقولى الجديد كله تعبان خليك فى استعمال احسن
انا بجد جبت اخرى 100 رأى ..فقلت اخد رأيكم لانى بثق فى رأيكم افضل من الصنايعية لان كل واحد بيقول راى بناء على تجربة انما الصنايعى له حسابات اخرى
اتمنى تنصحونى ايه الصح ..لانى عايز اغيرها بسرعة
وشكرا لكل اعضاء المنتدى الكرام