الموضوع: الأجهزة الى من غير ضمان كويسه ولا لأ ؟

مبدئيا رمضان كريم
ندخل فى الموضوع الغريب ده على طول من فترة كدة كنت بدور على اجهزة عشان اشتريها فدورت على غساله ال جى كانت ب4300 و بأسم موديل معين لقيت لينك و دخلت عشان اشوف سعره زاد اد ايه فلقيتها على القاهره للمبيعات ب5300 دورت تانى عشان يمكن عليها عرض فى حته تانيه لقيتها ب3200 و جديده برضه بالسلوفانه و نفس بلد المنشأ كوريا و كل حاجه واحدة بس الاختلاف فى الضمان قصه الضمان دى انا عمرى ما استخدمته يمكن حد تانى استخدمه دى مش قصتنا دلوقتى السؤال اللولبى بيقول ليه كدة ؟
ده لو الغساله بالضمان ب5300 لو مستعمله هتتباع ب4800 مثلا مش هتبقى بالسعر ده دى ب3200 يعنى فرق 2100 جنيه عارفين يعنى ايه 2100 جنيه !!! قيس على كدة ان موجود فعلا ماركات بأسماء كبيرة زى سامسونج و ال جى و بوتاجازات اى كوك و اى كوك برو و اى شيف و الحاجات الحديثه دى


استمر البحث على النت برضه و لقيت موضوع على منتدانا نايل موتورز لواحد اسمه أ/رضا الجوهرى و أشاد بشخصيته و بمنتجاته أ/كريم منير كبير زعماء المنتدى هنا


فتجدد سؤالى مرة تانيه ليه برضه كدة ؟


هل الاجهزة دى فيها عيب يمنع الشركة المنتجه من تحمل الضمان ؟ طيب لو كدة اكيد هيبان فرق فى التشغيل طيب ماهى الناس فى المنتدى كانت بتشكر فى المنتجات دى و بتقول اصليه بس مالهاش ضمان . طيب السؤال التانى الحاجات دى كانت بايظه و اتصلحت يعنى الماتور كان محروق و الشركه طلعتها تالف و اتغير ماتورها ؟ طيب ماهى شركة زى ال جى عارفه انها لو عملت كدة هتتباع كدة و هتخسر سمعتها . طيب ماهو سواء كان الجهاز فى الضمان او برة الضمان لو حاجه باظت بنصلحها برة عشان بيبقى السعر اقل يعنى انا فاكر اننا عندنا غساله ايديال زانوسى اول ماقالوا يا فول اوتوماتيك و هيا عندنا مباظتش الا مرة بالرغم من اننا بنشغلها 3 مرات ورا بعض كل مرة ساعتين و نص و على درجه حرارة عاليه و يوم ماصلحناها دفعنا حوالى 200 جنيه كان تغيير حاجه زى فلتر كدة طبعا الجديده بيقولوا عليها اضعف


و لنفترض حتى ان لو انا اشتريت الال جى دى و هيا فى الضمان كلنا عارفين انها لو باظ فيها مسمار هدفع تكلفته بالكامل و هيتحسب كالعاده عيب استخدام
طيب لو جيبت الى بره الضمان هل التوكيل هيرفض تصليحها حتى لو هدفع كل المبلغ ؟ اهو على الاقل نضمن ان قطع الغيار تكون اصليه و السؤال ده مهم جدا جدا جدا



انا حاليا متحير و بشد فى شعرى بصراحه لان لو القصه ضمان بس فليذهب الضمان الى الجحيم الواحد ساعتها هيوفر كتير و وقتها هحط الفلوس فى اى حاجه تانيه زى التشطيب او العفش

ايه يا رجاله انا لو بسئل فى صحرا كان رد عليا صدى صوتى