الموضوع: المارش مش شغال ولا أيه؟

المشاركة الأصلية كتبت بواسطة new soft

أنا جابب أكمل معاكم تدرتي المريرة دي

أنا جبت المارش إستيراد من صقر كان عامل 400 جنية المهم ركبناه وبرضو نفس الوضع العربية بتعتل ربع لفه بربع لفه الصنايعي بقي محتار طبعا أنا كنت عايز أولع فيه لأنوا ببساطة لبسني في 400 جنية أونطه وخصوصا إنو أنا قولت له إن المارش لسه معمول له صيانة في شهر 2 إلي فات من المالك السابق ومعايا الفاتورة بتاعتها لكن سيطرت علي غصبي وقولت له كده في حاجة ماسكة مجموعة الدوارة تفتكروا يقول لي أيه هتلاقي الفتيس والله العظيم أنا مش قلبي وقع في رجلي دا انا كنت عايز أقوله روح ياد يا إبن التيييييييييييييييييييييي ييييييييت هطلع تيت إلي جاب أبوك العربية أتوماتيك وعلي ال n أو ال p المهم قولت له شوف السيور سير الدينامو أو أي سير تاني هتلاقي في حاجة قافشة وفعلا فك سير الدينامو وجرب تدور راحت العربية فايقة وطلع في الأخر كباس التكييف ملقط وده مش مشكلة رغم كون زراره مطفي لكن المشكلة إنو مبيتحركش خالص وده إلي ماسك السير ومش مخلي أي حاجة تلف

تفتكروا أعمل أيه في الصنايعي ده؟

وهل في حل لكباس التكييف ده يتصلح ولا أيه؟

كلتش الكباس اكيد يتصلح بس يكون صنيعي بيفهم وحاول ترجع المرش التاني

المشاركة الأصلية كتبت بواسطة New Soft

حاولت أرجع المارش التاني والناس قالوا لي حاجة الكهرباء مبترجعش حاولت حتي إنو أبدله بحاجات تانية للعربية مرضيش

المشكلة مش في الكلاتش بس بتاع الكباس أنا فكيته لقيت البساتم بتاعته قافشة من جوة الظاهر كده والله أعلم إن الصنايعي إلي ركبه محطش فيه زيت دا يدوب رحت بيها مشوارين 2 واحد منهم 40 كيلوا مشغلتهوش غير تخاطيف كده والمرة إلي عل بعدها مشوار تافه 10 كيلوا والله كنت راجع من إمتحان الرخصة بتاعة القيادة

أنا معايا الكباس القديم هل ممكن نبدل البساتم ونشغل واحد منهم؟

الي يقولك بقي علي المعلومه ديه فني وبنسبه للمرش ممكن تعرضه للبيع علي olx اوي المنتدي الخاص بنوع عربيتك اكيد حد هيحتاجه وسعتها انت اولا بفلوسه