زيت فتيس نيسان صنى 2014 الشكل القديم

**the9ranger** · 12-06-2016 12:53 PM

شكرا جدا لكل واحد ساعدنى فعلا استفت منكم كثير جدا الحمد الله مخصوصا انى لسه جديد فى نسيان واقولكم عملت ايه برضو قلت اطمن على العربيه ولو مره واحد وخصوصا صاحبها كان مهمل جدا رحت حجزت صيانه ال40 الف فى مودرن موتورز وغيرت زيت 10000 وفلتر وزيت فتيس وبوجيهات وسيور ومياه الريداتير وتربيط عفشه والكشف العام على العربيه كهرباء وموتور ومراجعه العربيه على الجهاز واتكلف بالظبط 1420 ج وديتها الساعه 10 ختها الساعه 12 بالظبط بس فى حاجه صغيره بقى انا ملاحظ ان العربيه بتاكل بنزين لوى الموضوع ده ملوش حل وعايو فعلا افصل الايرباج علشان مش اى خبطه يطلع فى وشى ويبوظ ااتابلوه ولو الحزام مش محطوط الايرباج فعلا مبيفتحش

**tasaka** · 12-06-2016 10:00 PM

المشاركة الأصلية كتبت بواسطة the9ranger

شكرا جدا لكل واحد ساعدنى فعلا استفت منكم كثير جدا الحمد الله مخصوصا انى لسه جديد فى نسيان واقولكم عملت ايه برضو قلت اطمن على العربيه ولو مره واحد وخصوصا صاحبها كان مهمل جدا رحت حجزت صيانه ال40 الف فى مودرن موتورز وغيرت زيت 10000 وفلتر وزيت فتيس وبوجيهات وسيور ومياه الريداتير وتربيط عفشه والكشف العام على العربيه كهرباء وموتور ومراجعه العربيه على الجهاز واتكلف بالظبط 1420 ج وديتها الساعه 10 ختها الساعه 12 بالظبط بس فى حاجه صغيره بقى انا ملاحظ ان العربيه بتاكل بنزين لوى الموضوع ده ملوش حل و

+1 عين العقل

صفحه جديده و من اول السطر على نظافه .. و اتأكدت من حالتها و عرفت اعطالها ( لو موجوده )

عايو فعلا افصل الايرباج علشان مش اى خبطه يطلع فى وشى ويبوظ ااتابلوه ولو الحزام مش محطوط الايرباج فعلا مبيفتحش

استعيذ بالله من الوسواس الخناس .. و شيل الفكره دى نهائى من تفكيرك

الايرباج ما بيفتحش مع اى خبطه .. لازم يكون لها قوه معينه .. عربيات بتمشى 10 و 15 سنه بدون فتح الايرباج و بيحصل خلالها خبطات

و ساعه ما تحصل الخبطه دى اللى تفتح الايرباج .. حتكون محتاج الايرباج علشان يحميك ( موش فلوسه ) .. و كمان خبطه زى دى معناها ان العربيه بقت متدمره .. يعنى فى الحاله دى مصاريف جامده و بجمله مصاريف التصليح حيتعمل الايرباج

لا قدر الله يحصل ضرر فى جسمك اللى هو اغلى مليون مره من الايرباج .. و اقل علاج وقتها حيكون اضعاف ثمن الايرباج و برضه جسمك برغم المصاريف موش حيرجع طبيعى

حزام الامان .. لازم تربطه موش علشان القانون ملزم .. لكن علشان ده مفيد ليك

و لاحظ ان نقاط تثبيت الحزام دى و مسند الرأس موش معموله عشوائى كده .. دول لحمايه اضعف نقطتين فى العمود الفقرى سواء من تحت او فقرات الرقبه ( دول مشاكلهم بتحدث شلل لا قدر الله ) .. و ابقى اظبط مسند الراس على ارتفاعك و متسيبوش تحت علشان ده معمول اصلا لحمايه فقرات الرقبه

و نقطه التثبيت العلويه تضبط ارتفاعها لحمايه منطقه الصدر ( بالاضافه للايرباج )

**tasaka** · 12-06-2016 11:06 PM

حزام الامان .. لازم تربطه موش علشان القانون ملزم .. لكن علشان ده مفيد ليك

و لاحظ ان نقاط تثبيت الحزام دى و مسند الرأس موش معموله عشوائى كده .. دول لحمايه اضعف نقطتين فى العمود الفقرى سواء من تحت او فقرات الرقبه ( دول مشاكلهم بتحدث شلل لا قدر الله ) .. و ابقى اظبط مسند الراس على ارتفاعك و متسيبوش تحت علشان ده معمول اصلا لحمايه فقرات الرقبه

و نقطه التثبيت العلويه تضبط ارتفاعها لحمايه منطقه الصدر ( بالاضافه للايرباج )

توضيح

نقطه التثبيت السفليه هى لحمايه عظام تجويف الحوض

المنطقه دى ضعيفه جدا .. و مينفعشى فيها مثلا تركيب مسمار زى كسور الساق