الموضوع: الورق الخاص باتمام التعاقد في المستعمل ؟

السلام عليكم
لو سمحتوا ايه الورق اللي بيتعمل من بدايه الاتفاق وحتي نقل الملكيه ؟
الاول بدفع عربون وبنكتب عقد ابتدائي ؟ (هل له صيغه معينه )؟
وبعدين البائع بيعمل للمشتري توكيل ف الشهر العقاري بعد اتمام الفلوس ؟(طيب لو في كذا شخص في نفس التوكيل هل لازم كلهم يعملوا التوكيل للمشتري ولا واحد منهم كافي )؟
وبعدين امتي المشتري يطلع شهاده المخلفات ؟ وهل ينفع اسئل علي الرخصه في المرور لو ملهاش ورق او المشتري يتحقق من الورق ازاي ؟
هل في ورق تاني بيتعمل او اجراءات بالنسبه للبائع او المشتري ؟

عربون و عقد ابتدائي و بعدين توكبل مع باقي المبلغ و استلام السيارة و ان كنت افضل تدفع فلوسك و تاخد العربية و التوكيل و شهادة المخالفات في يوم واحد. لو كذا واحد في التوكيل. لو مكتوب البيع منفردين يبقي اي واحد منهم ينفع يبيع و لو مكتوب البيع مجتمعين يبقي لازم كلهم مع بعض و عامة ما تقلقش لان موظف الشهر العقاري مش هيعملك توكيل الا لو كل حاجه مظبوطه. حكاية السؤال علي ملف العربية في المرور كويس جدا لو تاخد ضورة الرخصة و تطلع علي المرور بتاع العربية و تشوف حد معرفة او واحد تديله اللي فيه النصيب يجيبلك الملف تتفرج عليه.