سؤال فى مروحة تبريد لا نسر بوما 2009 اسبورت 1600 سي سي

**ABOU YARA** · 13-06-2016 03:31 AM

ارجو معرفة كيف تعمل مروحتي التبريد للسيارة
حيث اننى لا اراها تعمل الا عند تشغيل التكييف فقط المروحتين تعملان معا
كيف اختبر ذلك وكيف احدد ان كان هناك عطل مع العلم ان مؤشر الحرارة لا يجاوز المنتصف في حال من الاحوال وارجو معرفة ماهو الطبيعي فى عمل المروحتين او احداهما بالتحديد
ارجو الافادة ولكم الشكر

**svneleven** · 13-06-2016 08:32 AM

حضرتك دور العربية و ام مؤشر الحرارة يرتفع عند النص تقريبا المفروض المروحة تبتدي تشتغل. يعني حضرتك تقف ادام العربية وتراقب المروحة. المروحة التانية بتشتغل مع المكيف علي طول او لو الحرارة زادت عن المفروض.

**ABOU YARA** · 13-06-2016 10:05 AM

راقبت ذلك ولكن لا تعمل المروحة إلا عند تشغيل التكييف وماهي المروحة التى من المفروض أن تعمل يمين الريداتير أو اليسار وانا موجه للسيارة وارجو معرفة سبب العطل وطرق العلاج وشكرا

**tasaka** · 13-06-2016 03:22 PM

المشاركة الأصلية كتبت بواسطة abou yara

راقبت ذلك ولكن لا تعمل المروحة إلا عند تشغيل التكييف وماهي المروحة التى من المفروض أن تعمل يمين الريداتير أو اليسار وانا موجه للسيارة وارجو معرفة سبب العطل وطرق العلاج وشكرا

لازم طبعا تشتغل عاجلا ام اجلا .. لانها لو ما اشتغلتش العربيه المفروض تسخن و تعدى النصف

هل انت لاغى ثرموستات الكوع ؟؟ .. لو لاغيه حتتأخر شويه لغايه ما تشتغل

انت مقيم فى مكان حار .. امشى لغايه مالعربيه يبقى المؤشر فى النصف .. قف و سيب العربيه دايره و راقب المروحه لغايه ما تشتغل

**ABOU YARA** · 13-06-2016 03:56 PM

متابع

**ABOU YARA** · 13-06-2016 06:28 PM

تمام حضرتك تم مراقبه المروحة وتعمل لفترة أقل من الدقيقة وتفضل ولكن بعد قطع مشوار حوالي 60 كم

**ABOU YARA** · 13-06-2016 07:20 PM

هل يمكن تنظيف ثرموستات الكوعة وثرموستات المروحة أم ﻻ

**tasaka** · 13-06-2016 07:41 PM

المشاركة الأصلية كتبت بواسطة ABOU YARA

تمام حضرتك تم مراقبه المروحة وتعمل لفترة أقل من الدقيقة وتفضل ولكن بعد قطع مشوار حوالي 60 كم

- لو انت كنت مشيت طريق سريع و على سرعه هاديه 70 مثلا .. العربيه موش حتسخن و المروحه حتشتغل فتره بسيطه جدا و تفصل
- انا قصدت انك تمشى فى زحمه مشى بطئ و تشوف المروحه حتشتغل و تفصل كل فتره كام ؟
- عموما المروحه دارت .. و الحراره عندك كويسه .. يعنى ما تلعبش فى اى حاجه بدون لازمه

المشاركة الأصلية كتبت بواسطة ABOU YARA

هل يمكن تنظيف ثرموستات الكوعة وثرموستات المروحة أم ﻻ

اقرا الموضوع ده .. ضرورى
ثرموستات الكوعة... المفترى عليه ‏

- هل مؤشر الحراره عندك بتكون فى النصف دائما و انت ماشى فى زحمه متوسطه .. ام انه بتكون قريب من الصفر ؟ .. لو المؤشر دايما تحت قريب من الصفر او فى الثلث القريب من الصفر .. يبقى تروح لميكانيكى يتأكد هل ثرموستات الكوع راكب ام لا .. و ثرموستات الحراره هل هو الاصلى بتاعها و لا لا ( يعنى عليه درجه الحراره بتاع الثرموستات الاصلى )

- لو ثرموستات الكوع موش راكب يبقى تركبه .. بالنوع الاصلى ( علشان لو نوع مضروب .. يبقى ممكن يجيب معاك وش سلندر فى العربيه )

**tasaka** · 13-06-2016 07:54 PM

اقرا الموضوع ده .. ضرورى
ثرموستات الكوعة... المفترى عليه ‏

فى الرابط طرق لاختبار الثرموستات بدون الذهاب للميكانيكى .. لو كان راكب يبقى كل حاجه عندك ممتازه
و رقم الثرموستات .. اعتقد ممكن تقرأ الرقم و هو راكب

يعنى بلاش فك و تركيب بدون لازمه