رجة فى الموتور على السلانسيه لانوس 2

**dardshaa** · 14-06-2016 03:29 PM

عندى اهتزاز فى الموتور على السلانسية ملحوظ اوى رحت لميكانيكى قالى رشاشات وتم تغير الرشاشات
وفضل العيب رحت اعمل اسكان بالجهاز قالى كل الحساسات سليمه وساعتها شك ان فى سلك كهرباء فى الموتور مهرب رحت لكهربائى كشف وقالى الضفيرة سليمه ومفيهاش حاجة . انا احترت سبب الرجة او الرعشة اللى فى الموتور ديه سبها ايه نرجوا من الاعضاء والقائمين على المنتدى الافادة (جبت اخرى )

**dbabis8** · 15-06-2016 02:19 AM

قواعد موتور

**Mohamed Desoky** · 15-06-2016 03:24 AM

يعنى العربيه شغاله 3 سلندر والميكانيكى مش عارف والعربيه دايره قدام عينه غير الميكانيكى الاول روح لاكتر من واحد لان دى لانوس الدنيا كلها فاهمه فيها ؟

**dardshaa** · 15-06-2016 09:31 AM

المشكلة الكبيرة اللى انا نسيت اوضحها وهى ان ساعات بتتظبط وساعات الرجة بترجع تانى وتم تغير قطع الغيار الاتية (فلتر بنزين- رشاشات-بوجيهات)

**salam100100** · 15-06-2016 10:31 AM

هل الرجه دى على السلانسيه فقط ؟ وبتروح لما بتكبس بنزين؟
الrpm على السلانسيه تقريبا كام؟
هل فى اى اعراض تانيه مع الرجه- هل مثلا ظهرت بعد مفولت بنزين؟...................

الاحتمالات:
* حساس ايديال
* حساس TPS
* بنزين
* خرطوم فاكيوم مفكوك
* وحاجات تانيه

**dardshaa** · 15-06-2016 11:32 AM

بص يا باشا اولا ال rbm اوقات بيعلا لحد 2 او 2.5 لما اطفى التكيف وبعض الاحيان لما اكون ماشى بالعربية بهدى على مطب على على دوران بلاقى ال rbm بينزل اوى قريب من الصفر كأن العربية هتبطل ولازم امور وادوس بنزين اوى عشان تتظبط
ثالثا لما ابقى ماشى مشوار مذود فيه بنزين يعنى قارص على العربية واركن المشكلة بتبقى مش موجودة لحد ما العربية تهدى شوية وبعدين تيجى تانى الرجة وفعلا لما ازود بنزين الرجة بتروح

**salam100100** · 15-06-2016 12:33 PM

المشاركة الأصلية كتبت بواسطة dardshaa

بص يا باشا اولا ال rbm اوقات بيعلا لحد 2 او 2.5 لما اطفى التكيف وبعض الاحيان لما اكون ماشى بالعربية بهدى على مطب على على دوران بلاقى ال rbm بينزل اوى قريب من الصفر كأن العربية هتبطل ولازم امور وادوس بنزين اوى عشان تتظبط
ثالثا لما ابقى ماشى مشوار مذود فيه بنزين يعنى قارص على العربية واركن المشكلة بتبقى مش موجودة لحد ما العربية تهدى شوية وبعدين تيجى تانى الرجة وفعلا لما ازود بنزين الرجة بتروح

دى اعراض حساس ايديال محتاج تنظيف
تقدر تنظفه بنفسك- هات اسبراى من محطه البنزين تنظيف كاربيراتير- هتلاقى الحساس راكب فى اول البوابه (نهايه خرطوم الهواء وداخل على المانيفولد)
فك الفيشه بتاعته- هو راكب بمسمارين غالبا مسمارين نجمه مش صليبه- بعد متفكه خلى بالك من الجوان الكاوتش اللى راكب
نظفه بالسبراى ونظف مكانه برده- استنى 10دقائق- ركب ودور وادعيلى

**dardshaa** · 15-06-2016 12:45 PM

طيب هو انا كنت نضفته ب wd40 ده عادى ولا لازم منظف الكاربراتير

**salam100100** · 15-06-2016 12:59 PM

المشاركة الأصلية كتبت بواسطة dardshaa

طيب هو انا كنت نضفته ب wd40 ده عادى ولا لازم منظف الكاربراتير

لازم منظف كاربيراتير عشان بيزيل بخار الزيت اللى لازق على الحساس وهو متطاير زى البنزين

الwd40 عامل زى الزيت- بيزيت وبيفضل لازق بيستخدم للمفصلات و كوالين.... الخ