عرض للطباعة
السلام عليكم ورحمة الله وبركاته
انا اشتريت عربيه سيريون ٢٠٠٩ ، والحقيقه حبيت أنى اضبط كل حاجه فى ألعربيه وباقي تغيير الزيت
المشكلة انه اللزوجه المذكوره في الكتالوج هي 50w30 والحقيقه انا عمري ما شفت الدرجه دي ، وعلى فكره انا متاكد من الرقم ومكتوب فى كتالوج العربيه
وبالنسبه الدرجه فهي api sj او اعلى
انا محتار اجيب زيت ايه ومش عارف اختار
فيا ريت حد يفيدني ضروري قوي
سيبك من الكتالوج خالص
لو عربيتك اقل من ال 100 ألف كيلو
استعمل زيت 5w30
لو عربيتك عدادها معدي ال 100 ألف كيلو
استعمل زيت 10w30
بس كده وبلاش تحير نفسك
مفيش حاجة اسمها زيت لزوجته 50w30
فيه 5w30
عموما عمر ما كان عدد الكيلومترات محدد لنوع الزيت
حالة المحرك اولا واخيرا هي اللى بتحدد
وحاجة كمان هل انت بتستخدم زيت معدني ولا تخليقي
لانك لو حطيت لها زيت معدني يبقى متحطش تخليقي تاني وكمل في المعدني
عموما امشي بزيت 20w50 ده الافضل
لاني مستبعد ان عربية بقالها 7 سنين وماشيه بتخليقي بس معتقدش
هتلاقيه في موبيل وتوتال وشل وغيرهم كتير لانها درجه ستاندرد وموجودة
شوف انت بترتاح لمين فيهم
اولا شكرًا ليكم على الاهتمام والرد
ثانيا الكتالوج مكتوب فيه فعلا 50w30 وانا أرفقت صوره منه بموضوعي
بالنسبه للزيت فهو ومن ٢٠٠٩ موبيل ٥٠٠٠
وانا عاوز أغير حاليا ل ١٠٠٠٠ والعربيه ماشبه ٩٠٠٠٠ كم
أرجو ان حضراتكم تفيدوني
الالتزام بالكتالوج هو سر العمر الطويل للعربية.. وأي شيء مخالف للكتالوج هو أحد مسامير نعش العربية.
ده مبدأ رئيسي ما ينفعش نخالفه.. ﻹننا مش إحنا اللي صممنا العربية ولا نعرف الأنسب ليها بدون شك..
بالنسبة للزوجة الزيت.. فهي فعلا المفروض تكون 5W-30.. والمكتوب في الكتالوج ده غلطة مطبعية .. وتقدر تتأكد لو عندك نسخة تانية الإنجليزي.
أما بالنسبة للزيوت المناسبة بالدرجة دي (API SG). فأي زيت في السوق بلزوجة 5W-30 هيكون مناسب جدا..
وأنا شخصيا أرشح لك زيت موبيل1 -X1
أما بالنسبة لموضوع استخدام الزيت المعدني.. فدي واحدة من ضمن المفاهيم المغلوطة اللي ماشية في السوق للأسف
الموضوع ده فيه تفاصيل أكتر..
http://www.nilemotors.net/Nile/477071-100.html
...
انا ممنون جدا لاهتمامك
بس انا لما سالت حضرتك عن موضوع زيت ال ١٠٠٠٠ كان سببه أنى بقيت بمشي ال ١٠٠٠٠ فى ٣ شهور والموضوع بالنسبالي اقتصادي
فببساطة ايه رأيك أغير ل ١٠٠٠٠ ولا افضل زي ما انا ؟
لا منصحكش تحط زيت 10000 بعد ما كانت العربية بتمشي بزيت 5000
ده تخليقي وده معدني
طالما حطيت فيها معدني يبقى منصحكش تكمل بتخليقي
لان المعدني بيرسب على الشنبر وبيكون لسه موجود
مش زي التخليقي خالص
خاصة ان لزوجة المعدني اكبر من لزوجة التخليقي وبالتالى لما ينزل المعدني كله هتلاقي فيه خلوص بين الشنبر والشميرز قد يكون زيادة عن الطبيعي مليمتر او اقل كمان بس ده هيسبب ان الزيت التخليقي يبخر ويقل منك قبل 10000
والله اعلم
I was identically in your same situation
the previous owner was suing 20w50 for 60k km
i used 5w30 it was ok but in summer i was not happy with engine sound however i ran for 12k with it
then i tried 5w40 and it was also ok
finally i found in the car catalog that i can use 10w40
so i tried it from amsoil and it is the best for me till
i have been using it for about 4k now
sryfor typing in English as i have no arabic keyboard
بالنسبه لزيت 5w30اقتباس:
المشاركة الأصلية كتبت بواسطة Ramy_2R
هل تسبب فى حدوث ضرر دائم ؟؟ ..
بمعنى ان علو صوت الموتور ده كان بس مع 5w30 ؟؟ .. ام استمر الصوت العالى مع 5w40
و هل صوت الموتور على 5w40 هو نفس صوت الموتور قبل ما تستعمل ال 5w30 ام اصبح اعلى
شكرا
فيه مواضيع لاستشارى الزيوت فى المنتدى المهندس بوريو بتناقش كل المفاهيم دى .. و بتصحح بعض المفاهيم السائدهاقتباس:
المشاركة الأصلية كتبت بواسطة tameem2010
انصحك تقرأها .. انا قرأتها عده مرات موش مره واحده
القواعد الذهبية لاختيار زيت العربية.... موسوعة مبسطة لأساسيات زيوت المحركات
الزيوت التخليقية ... هل هي تخليقية فعلا؟؟
تبخر الزيت... هل هو حقيقة أم خرافة؟؟
http://www.nilemotors.net/Nile/477071-100.html
تقبل تحياتى
اقتباس:
المشاركة الأصلية كتبت بواسطة tameem2010
يا فندم لو الخلوص وصل لفرق 1 مليمتر زي ما حضرتك بتقول يبقى يترمي أحسن .. وحتى العمرة الكاملة مش هتنفع معاه.
الكلام بتاع المعدني والتخليقي ده لا أصل له من الصحة بتاتا.. وأصل الأسطورة اللي بتقول الزيوت التخليقية ما تنفعش مع المواتير القديمة ماكانتش مدخلة خلوص المواتير في حسبتها نهائي..
المسألة اقتصادية أولا وأخيرا.
والحالة الوحيدة اللي تخلينا نروح على زيت تقيل شوية (مش شرط معدني أو تخليقي) هي إن الزيت يكون بينقص بمعدل كبير
فقط لا غير..
وللعلم...
لزوجة الزيت مالهاش دعوة بكون الزيت معدني أو تخليقي..
فيه زيوت معدنية بلزوجة 5w-30
وفيه زيوت تخليقية بلزوجة 20w-60... أيوة.. 60 مش 50
فرجاء حار من الجميع عدم إبداء الرأي بدون سابق علم.
والخبرة في الموضوع ده بالذات لا قيمة لها... ﻹن خبرات المصريين في الموضوع ده مبنية على فهلوة بدون أي مرجع... للأسف.
...
اقتباس:
المشاركة الأصلية كتبت بواسطة Ramy_2R
You were not happy with the 5W-30 because simply it wasn't the suitable oil for your engine.
Once you used the suitable oil you felt comfort. That's normal when you stick to your car's manual. And even you didn't use Amsoil... any oil meeting or exceeding the manual requirements will make you feel the same.
...
اقتباس:
المشاركة الأصلية كتبت بواسطة أحمد الشرباصي
غير للزيت التخليقي وإن شاء الله مفيش مشاكل..
أقصى شيء ممكن يحصل مع حضرتك إن الزيت ينقص بمعدل كبير شوية.. يعني حوالي 1 لتر كل 5000 كم تقريبا...
وحل المسألة دي إنك تشتري 1 لتر زيت من نفس نوع الزيت اللي حطيته في الموتور وتزود منه..
ده أول حل..
والحل التاني إنك تزود اللزوجة شوية وتبقى 10W-30..
والحل التالت .. إنك تدور على زيت بلزوجة 5W-30 بس يكون مخصص للعربيات اللي ماشية مسافات طويلة.. عادة بيبقى مكتوب عليها جملة (Long Life) من ضمن الاسم التجاري بتاعها..
للأسف الزيوت دي مش موجودة في مصر غير نوع واحد من موبيل 1.. وللأسف ما ينفعش مع عربيتك لإن لزوجته 5W-50
وطمنا عملت إيه.
...
اولا أحب اشكر كل شخص اهتم ورد على استفساري
وجزيل الشكر والتقدير للاستاذ borio بجد انا عملت زى ما قلت بالضبط،والزيت غير من اداء العربيه تماماً
صوت المحرك بقى اهدى ، والسحب بقى افضل بكتير مع تشغيل التكييف
بجد تسلم على إفادتك ومساعدتك