الموضوع: انا حجزت بيرسونا يا جماعة ياريت تشاركوني استلمها ازاي (توت و مزاجنجى محتاجين مساعدتكو

lo 3aiz el 3rbya twkilha ndiiiif yb2a el seratoo

lo 3aiz mator kawi el serato

bs sabat el persona akwa

wel 3afsha an3am fl serato

ana mn ra2ii el serato a7san yakfi twkilha eli el nas kolha btshkor feh 3aks 3ez el 3arab el za7ma w kman msh by3ml el mshakl eeli fl 3arbya kolaha

bs el etnen kwisin ya3ni :D

kia esm ashhar w ma3rof aktar w adman

bs lo bt7b el tagroba w 3agbak el persona etkl 3ala alah el etnen tmam

منــــــــور النــــادى البـــرتـونــى والله

بخصوص انهى افضل ..اسبيه لأهل الخبره...

وبخصوص وانت بتستلم...هقولك على انا عملته وانا بستلم الجين2...خليت واحد من اصحاب الجين 2 هو اللى يكشفلى عليها...عشان مافيش حد هيعرف فيها اكتر من اللى جربها...فحضرتك ممكن لو تعرف حد استلم بيرسونا يقدر يجى معاك يشوفهالك كويس يبقى حلو ...لو مافيش يبقى حضرتك وانت بتستلم ان شاء الله تجرب كل حاجه من جوا (كل الزراير ) ان الحاجه اللى ممكن تلاقى فيها مشكله هى ازرار بتعلق...انما الحمد لله مافيش فى بروتون مشاكل موتور والكلام ده...

وحضرتك ممكن تشوف الموضوع ده هو بخصوص الجين2 ...بس البيرسونا هى نفسها الجين2..


http://www.nilemotors.net/Nile/showthread.php?t=15251


وبخصوص حيرة حضرتك...صدقنى اوعى تسمع لكلام الناس...حضرتك تشوف الاتنين وحضرتك اللى تشوف انهى اللى هترتحالها وممكن تتغاضى عن عيوبها..لان مافيش حاجه كامله.. انما كل واحد فى عيوب ممكن يتغاضى عنها... وبخصوص مشاكل التوكيل...الحمد لله بدا فى توسعه مراكز الخدمه وهيفتح مركز جديد....ودا ان شاء الله هيحل مشكله الزحمه والضغط اللى كان الواحد بيسمع عنها...وفى مهندس من التوكيل.. م /أمر..سايب رقم تليفونه لو اى حد واجهته مشكله مع البروتون يتصل بيه...وصدقنى فى متابعه من عز العرب للسايت دا دلوقتى...

واكيد كبـــار بروتون هيفيدوك اكتـــر منــــى



وربنا يوفقك للخير يارب

الف مبرووك مقــدماً و ربنا يكتب لك اللي فية الخــــير :

1 - استلم العربية في فترة النهار ، و ياسلام لو تحطها في مكان الشمس ملعله فية : و دة عشان تكشف لو فى خدوش / فروق فى الرفرف / خبطة / تطبيقة / نقرة .....

2 - عـــــــــداد العربية في حدود 50 ك ...

3 - مراجعه كافة وصلات الكهرباء : فوانيس / فوجات / لمبة الصالون / تابلو / لمض التابلوة / الانتظار / المساحات / .............

3 - راجع الفرش و حط ايديك علية و مشيها عشان لو فى فروق و اقعد على كل الكراسي و الكنبة و اطنط كمان .... محدش لة حاجة عندك ( مش فاضل غير اقولك بلطج ) .

4 - قزاز الكهرباء جربة مرة فردي ، مرة زوجي .

5 - المرايات الكهرباء ( ان شاء الله تلعب بلاي استيش .... شوفهم كويس)

6 - التكييف ( شوف سرعاتة + صوتة )

7 - السي دي ( خد معاك CD Mp3) و جرب السماعات .

8 - جرب المالتي فانكشن اللى في الدركسيون كوووووووويس .

9 - شوف جنط العربية كويس .

10 - مرفقات السيارة ( اريال الراديو + كاتلوج السي دي + مانيوال العربية + دوسات العربية + عدة تغير الاستبن )

11 - و العب بالكلاكس شوية ( بس ما تفتكرش نفسك في زفــة .... بلاش فضايح ) .

----- أعتقد دة المــوجز ، لكن عايزين الاعضــاء اللي استلموا يدونا تجربتهم في الاستلام ----

* ملاحظـــــة قريباً لي موضوع أسمــــة ( الخــــونة ) في المنتـــدي ، بـــعد ما تستلم انت معزوم علية .

والله يا mazagnge انت راجل زي العسل.انا بدخل قسم بروتون مخصوص علشان اقرا تعليقاتك.
bemo,ire

السلام عليكم
مزجنجي قال خلاصة الكشف على العربية
بالنسبة للسيراتو بدون شك هي سيارة ممتازة و انا احترمها جدا
بس الكلام اللي صاحبك بيقول عليه كلام غلط
لان لو الناس مشيت بالكلام ده مكنتش هاتشوف السيراتو أصلا و لا هيونداي و لا تويوتا و لا هوندا

أقصد أدام بتقارن عربيتين كويسين يبقى كدا نظريته غلط

البيرسونا عربية حلوة جدا و الاثنين ممتازين ( السيراتو و البيرسونا )
شوف أنت مرتاح لأيه نفسيا ( بس متسمعش كلام حد )
خلي قرارك يطلع من حبك للحاجة
البيرسونا هي هي الجين 2 مع اختلافات بسيطة خالص

العربية ممتازة و أدائها هايعجبك و ثابتة جدا على الارض زي الجين 2

اتكل على الله و هات البيرسونا لو عاجباك اكتر من السيراتو
لو السيراتو عاجباك اكتر ..... هات السيراتو

بس واضح من كلامك انك ميال للبيرسونا و أصحابك لعبوا في دماغك
و علشان كدا ....لازم تستريح نفسيا للعربية اللي ناوي تشتريها
و ابقى صلي صلاة استخارة و ربنا يرشدك للي فيه الخير
و السلام عليكم

كلام توت مظبوط و اللى انت مرتحاله نفسيا فعلا هاته

+100000000000000000
اهم شىء الراحة النفسية انا كنت مرتاححححححححححححح جداااااااااا :k1:
ربنا يوفق