الغيار الخامس فى الفتيس !!!!!!!

**a raafat** · 25-06-2016 02:00 AM

السلام عليكم
كل سنه وانتوا طيبين
ورمضان كريم

انا معايا جيب شيروكى 93 مانيوال 2500 سى سى

نظرا لطبيعه سواقتى والاماكن اللى بسوق فيها على طول جوه البلد وعمرى ما سافرت بيها فتقريبا مش بجيب الغيار الخامس خالص اخرى الرابعه بجيب بيه لحد سرعه 100 مثلا

بس مره او مرتين يكون الطريق فاضى وبجرى وعايز ازود عن 100 لان الطريق يسمح فأجرب اجيب الغيار الخامس بلاقى العربيه زى ما تكون بتكلبش كده وصوت الموتور بيعلى جامد بروح راجع للرابع تانى

هل ده عادى وانا اللى مش متعود على الغيار الخامس ده ولا انا عندى مشكله فى العربيه ؟

**Mohamed Desoky** · 25-06-2016 02:07 AM

انتى راكب عندك الكردان الامامى والعربيه شيروكى 4 سلندر ؟

**a raafat** · 25-06-2016 03:04 AM

المشاركة الأصلية كتبت بواسطة mohamed desoky

انتى راكب عندك الكردان الامامى والعربيه شيروكى 4 سلندر ؟

ايوه يا ستاذ محمد العربيه شيروكى 4 سلندر
فيه الكردان بتاع فتيس الغرز ده متشال الميكانيكى قالى كده افضل مدام مش بتستخدمه نشيله لانه بيتقل العربيه

**Mohamed Desoky** · 25-06-2016 03:21 AM

المشاركة الأصلية كتبت بواسطة a raafat

ايوه يا ستاذ محمد العربيه شيروكى 4 سلندر
فيه الكردان بتاع فتيس الغرز ده متشال الميكانيكى قالى كده افضل مدام مش بتستخدمه نشيله لانه بيتقل العربيه

غير زيت الفيتيس وظبط زيت الكارونه الخلفيه والاماميه خدبالك زود الكارونات خلفى وامامى وغيرزيت الفيتيس وامشى او سافر وشغل الخامس وشوف وانشاء الله خير بس ظبط الزيوت ومشيها سفر شغل الخامس شويه ؟

**Colin Chapman** · 25-06-2016 07:37 AM

المشاركة الأصلية كتبت بواسطة a raafat

السلام عليكم
كل سنه وانتوا طيبين
ورمضان كريم

انا معايا جيب شيروكى 93 مانيوال 2500 سى سى

نظرا لطبيعه سواقتى والاماكن اللى بسوق فيها على طول جوه البلد وعمرى ما سافرت بيها فتقريبا مش بجيب الغيار الخامس خالص اخرى الرابعه بجيب بيه لحد سرعه 100 مثلا

بس مره او مرتين يكون الطريق فاضى وبجرى وعايز ازود عن 100 لان الطريق يسمح فأجرب اجيب الغيار الخامس بلاقى العربيه زى ما تكون بتكلبش كده وصوت الموتور بيعلى جامد بروح راجع للرابع تانى

هل ده عادى وانا اللى مش متعود على الغيار الخامس ده ولا انا عندى مشكله فى العربيه ؟

غير زيت الفيتيس وغير زيت الكارونه الخلفيه والاماميه خدبالك بلاش تزود زيت غير !!زيت!
موبيل فالفالينا 140 !!

**ahmed_eng2001** · 25-06-2016 01:19 PM

مش طبيعى ان الغيار الخامس يعلى صوت الموتور و يكلبش العربية ... كدة و كأنك بتنقل للغيار الثالث ... مش الخامس

الحاجة الى فى ايدك ... تغير الزيت زى ما افاد الاخوة الكرام .... لو المشكلة متحلتش .. ندور على حاجة تانية

نقطة مهمة .. الواحد بيدور على اوبشنز يزودها للعربية .... مش يشيل اوبشن من العربي ... ياريت ترجع كردان الغرز مرة تانية ... و الميكانيكية بيفتوا كتير اوى فى الحاجات الى مش بيفهموا فيها ..... و كمان تشغل الغرز على فترات متباعدة علشان ميقفش
ربنا يوفقك

**Colin Chapman** · 25-06-2016 11:56 PM

ahmed_eng2001

**a raafat** · 06-07-2016 11:09 AM

شكرا يا جماعه على الردود والافاده وان شاء الله هعمل بنصايحكم

بس فيه مشكله جديده ظهرت ببقى ماشى عالغيار التالت مره واحده الاقى العربيه بطلت وانا دايس بنزين ! بس الكونتاك مش بيقفل بيفضل واخد وضع الدوران لكن العربيه كأنها مبطله تماما تدوس بنزين مفيش اى حاجه اروح قافل الكونتاك ومدور من جديد تدور عادى
حد عنده فكره ايه ده ؟