الموضوع: هيونداى اكسل واكسنت

الاكسيل اول ما نزلت زيرو سنه 95 .. كان سعرها 51 الى 52 الف جم

بعدها بثلاث سنوات .. نزلت الاكسنت و كان سعرها 41 الف جم برغم انها احدث بثلاث سنوات

الخلاصه الاكسيل افضل من الاكسنت .. و مكوناتها مختلفه للافضل ( اقرب لليابانى ) و قطع غيارها كانت افضل و اغلى .. و كمان الاوبشن فيها اعلى من الاكسنت

و العربيتين بصفه عامه حلوين .. بس الاكسيل افضل لو بحاله ممتازه .. و افضل الموديلات للاكسيل 95 و 96 لانه كان اول انتاجها هنا و كان فيه رقابه و مكوناتها كانت المستورده

انا جبت ال اكسيل 95 زيرو .. قعدت معى 13 سنه .. لم تعطل و لا مره واحده نهائى .. فقط صيانات توكيل اول 7 سنين و بعد كده ميكانيكى واحد فقط فى المده الباقيه ..

لم اغير فيها اى شيى جوهرى نهائى لا للموتور او الجيربوكس او التكييف ( استعمال يومى ) او الدينامو او المارش او اى شيى نهائى ..

فقط غيرت مساعدين بعد 7 سنين و كاوتشات العفشه ( موش العفشه نفسها ) و البطاريه بعد 6 سنين ( و كانت لسه بتدور العربيه و لكن لو نسيت النور ساعتين مثلا تضعف شويه ) و بوجيهات بعد 6 سنين ( و كانت لسه شغاله كويس جدا ) .. الكبالن الاصليه بعتها و هى لسه سليمه بعد 180 الف كم

استهلاكها على الطوالى كان و مازال حتى البيع 315 كم فى الصفيحه .. بنزين 92

الشيى الوحيد اللى انصحك بيه .. هو انك تشترى لها كاوتش محترم .. انا غيرت الكاوتش من الزيرو الى ميشلان .. الفرق كبير جدا جدا و لازم تعمل كده و الا موش حتستريح مع الاكسيل