رقم العضوية : 149422
تاريخ التسجيل : 01Oct2013
المشاركات : 1
النوع : ذكر
الاقامة : السعودية
السيارة: اوبل
السيارة[2]: اوبل
الحالة :
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
من اغلس الاعطال اللى ممكن تصادفها وممكن يتحل فى ثانية وممكن يتحل فى وقت كبير جدا بس حاحاول ارشدك على بعض الحاجات البسيطة اللى ممكن تحصر المشكلة فين :
- اول حاجه الكشف النظرى على كل الخراطيم والكوليهات ممكن يكون خرطوم مشروخ او متنى او كوليه عاوز يتربط .
- تشترى غطاء جديد للرادياتير وبعدين والعربية باردة خالص تكمل المية فى الرادياتير وماتحطش الغطا وتدور العربية وتسيبها حوالى ربع ساعة دايرة وحتلاقى الهوا بيخرج من الرادياتير والمية بتنقص - كل ٥ دقايق حاتدوس بنزين لغاية الار بى ام مايبقى حوالى ٣٠٠٠ لفة/ دقيقة لمده ١٥ ثانية وبعدين تشيل رجلك من على البنزين وتكمل المية اللى نقصت تانى وبعد الربع ساعة ماتخلص ركب الغطا الجديد وجرب العربية وشوف ايه الاخبار .
- لو الموضوع ماتحلش حاتكشف على الرادياتير لو كان مسدود تسلكه وتشوف .
- حاتكشف على طلمبة المية وده ببقى عن طريق انك تبص عليها من تحت لو بايظة حتلاقيها بتسرب وحتلاقى املاح كتير تحتها وحواليها يبقى تتغير وانت بتغيرها اكشف على بكرة شداد السير جايز تكون بايظة .
- فك الثرموستات والكشف علية عن طريق وضعه فى حلة ميه وتسخنها وتشوفه بيفتح ولا لا - لو بايظ يبقى تغيره .
- لو المروحة عندك ميكانيكا بتلف مع الموتور يبقى تغير الكلتش بتاعها لانه بيبوظ كل فترة ( يوجد بداخله سائل بيفقد لزوجته مع الزمن )
كل اللى فات ده على اساس ان مافيش لمبة تشيك انجن منورة لانها لو منورة حانخش فى سكة تانية
amadios سابقا
المفضلات