الموضوع: الصيانه ما بعد ال 100 ألف كيلو

سلام عليكم يا شباب

دلوقتى أنا عملت بعربيتى أكتر من 100 ألف كيلو وكل صيانتها كانت بالتوكيل - العربيه النترا 2011 ..
سؤال بخصوص الصيانه بعد ال 100 ألف هل هى نفسها اللى كانت بتم قبل كده بنفس المعدل يعنى اللى كان بيحصل على 20 او 40 أو 80 هيحصل هنا برده على 120 أو 140 أو 180 مثلا يعنى وهكذا ولا فيه كلام تانى

وبخصوص الزيت متعود على شل الترا 10 ألاف هل أكمل عليه ولا لا ؟.. فيه ناس يتقولى زيت 5000 لازم بعد ال 100 الف كيلو بس مش مقتنع صراحه :)


كل سنه وانتم طيبين

المشاركة الأصلية كتبت بواسطة eisa

شكرا لرد حضرتك .. غالبا الصيانه هتكون بره الا فى الحاجات الكبيره زى زيت الفتيس وتغيير السير .. انما الدورى زى الفلترات والزيت هيكون بره ..
طيب بخصوص ال 10000 تخلقيقى لازم فعلا يتغير بعد ال 100 لمعدنى 5000

العفو يا فندم ....

موضوع التوكيل و الصيانة برة التوكيل ده موضوع كبير ..... باختصار ... لو معندكش دماغ و لا الصيانات دى تهمك ..
خليك مع التوكيل ... غالى شوية ... بس بتريح دماغك على الاخر ..

لو عندك استعداد تتعب شوية و تضيع جزء من وقتك على العربية ... خليك فى صيانة كل حاجة برة التوكيل ... حتتعلم و تستفيد و توفر فلوس كمان

خليك يا فندم على ال 10000 التخليقى زى ما انت شغال .... عربيتى ماشية 240 الف و انا لسة بحطلها زيت 10000 زى ما كتالوج العربية بيقول