لا تشترى سيارة بأوفر برايس وأليكم الحل

**kkarkaba** · 03-07-2016 05:08 AM

ظهرت فى الفترة الاخيرة ظاهرة عند التجار اسمها اوفر برايس لموديلات بعض السيارات عليها اقبال ولكن هذة لعبة قذرة يديرها الشركات و التجار معا و يشترك معهم العميل اغلبنا يعرف نيسان قشقاى جيدا هذه السيارة ليست موجودة بكثرة فى المعارض منذ اكثر من ٦ اشهر و لكن هذه السيارة موجودة و بكثرة فى مخازن الشركة معلومة مؤكدة من احد العاملين فى نيسان و لكن الشركة تريد ان تبيع هذه السيارة بسعر اعلى من سعرها العالمى فلذلك تقوم الشركة بما يسمى تعطيش السوق و تشترك مع باقى العصابة وهى الموزعين المعتمدين لتبيع لهم السيارة بسعر اعلى من السعر المعلن وهم يقومون ايضا بذلك برفع السعر على العميل و يقول لك اوفر برايس يا فندم مع العلم ان شركة نيسان عندها علم بكل ذلك لانها شريك رسمى فى هذ السوق السوداء والعميل عليه مسؤلية انه يقوم بشراء منهم بهذه الاسعار خوفا من ارتفاع سعر السيارة فى المستقبل لذلك الحل الوحيد هو مقاطعة السيارات المرتفعة عن سعرها الرسمى و سعر السوق و البحث عن بدائل مثل هيونداى توسان و كيا سبورتاج و رينو كارداج حتى و لو ان هذة السيارات مثلا اقل فى امكانيات او اى اشياء اخرى و لكن افضل من ان تكون شريك فى هذة اللعبة القذرة ارجوكم نحن من نفعل ذللك فى انفسنا فلا تستسلم للاوفر برايس

**juba8** · 03-07-2016 10:05 AM

كله بيستغل بعض

**تامر.محمد** · 03-07-2016 10:31 AM

يا ريت و الله

**salam100100** · 03-07-2016 03:12 PM

الموضوع دا محتاج تعاون من المشترى ورقابه من الدوله
المشترى لوحده مش كفايه
بدون رقابه وبدون تنفيز للقوانين, السوق هيستمر فالمبالغه والجشع فالاسعار

من ناحيه تانيه الدوله محتاجه تحافظ على اداءها الاقتصادى وتتفادى التذبذب الكبير فالعمله عشان تحافظ على حق التاجر

من ناحيه اخيره الشعب المصرى محتاج يكون اكثر انتاجا للسلع والخدمات وميكنش شعب استهلاكى من الدرجه الاولى

يكون شعب امين عشان الامانه هى اللى بتوقف اقتصاد اى بلد على رجليها
بدون امانه فالعمل مفيش تقدم
انا لو امين فى شغلى فال8 ساعات اللى بقضيها فالشغل هنتج اكتر
لو سيبت اللى بينجح ينجح واساعده انه ينجح اكتر دى اسمها امانه بدل ماخزوقه بسبب الغيره

كخطوه انى اقاطع انى اشترى حاجه- خطوه كويسه لكن هل هتنجح
سمعنا كتير عن مقاطعه اللحمه- هل فى حد قاطعها
مقاطهه شركات الاتصالات
مقاطعه "سيبها تصدى" من اكثر من سنه

المقاطعه فقط مش هتجيب نتيجه
الامانه هى الحل الوحيد فى رائ- كون امين وابتدى بنفسك

**mummy_47** · 03-07-2016 09:23 PM

اضافة الى كل ما سبق ..القاشقاي والجوك فيها مشاكل في الفتيس والتوكيل رافض يغيره....وممكن تشوفوا البوستات
يعني الي هيشتري بسعر كبير وفاهم انه كده ناصح....يبقى...البس يا معلم

**AHMEDJUDDY** · 05-07-2016 10:18 AM

فين رقااابه الحكومه و الدوله ، فين رئيس مجلس الوزراء ... كله في الكنافه

**S O P H O S** · 20-07-2016 07:42 PM

اي شئ بيتحل بالتنظيم ثم الرقابة
غير كده بنضيع وقت ومجهود

**mbx4e** · 21-07-2016 01:11 PM

كله في الكنافة
والكوسه هي الحل في البلد بنت التييييييت

**alizahran5** · 21-07-2016 02:16 PM

لعبة قذرة وحسبى الله ونعم الوكيل

-

الموضوع: لا تشترى سيارة بأوفر برايس وأليكم الحل

LinkBack

أدوات الموضوع

عرض

-

المواضيع المتشابهه

نصائح قبل ان تشترى سيارة مستعملة؟؟

كيف تشترى سيارة مستعملة كالجديدة؟ بحث مفصل

كيف تشترى سيارة مستعملة كالجديدة؟ (منقول)

كيف تشترى سيارة قسط بدون ( ربا ) يعنى حلال

عاوز تشترى سيارة مستعملة و انت مطمئن

الكلمات الدلالية لهذا الموضوع

المفضلات

المفضلات

ضوابط المشاركة