الموضوع: أيه أفضل زيت للداستر 4*4 مع شوية إستفسارات أخرى

الباشمهندس Borio1704 رد عليا الله يكرمك

المشاركة الأصلية كتبت بواسطة م/أحمد عبد الفتاح

لغاية الباشمهندس borio يرد عليك اللى عمله الميكانيكى ده جريمة وأوعى تروح عنده تانى - محدش يعمل كده ابدا - الكتالوج هو اللى فيه كل التعليمات وبيبقى مكتوب اذا كان 5w30 ولا 5w40 ولا اى رقم تانى بالاضافة لكود المواصفة - وكده انت لازم تغير زيت الموتور زى مالباشمهندس borio حايقولك وتغير فلتر الزيت كمان بتاع الموتور - واعتقد كمان انك لازم تغيره تانى هو والفلتر بعد ١٠٠٠ كم علشان تضمن انك نزلت كل القديم معلش حاتتكلف شوية بس حاتحافظ عالموتور من الجريمة اللى حصلت فيه - وبالمرة تشوف نوع زيت الفتيس وكود المواصفة بتاعه وتغيره ضرورى جدا وهو كمان تغيره تانى بعد ١٠٠٠ كم - بالنسبة للسيور فلسه شوية عليها يعنى مش قبل ٥٠ الف كم وبعد كده كل ٣٠ الف - والبطارية تقيسها عند كهربائى كويس ولو تعبانة غيرها - وماتشتريش بطارية وتشيلها علشان الضمان مايروحش عليك .

ربنا يباركلك ياباشمهندس / أحمد
والله العربية وقفت منى فى الطريق وكنت محتاس ويوم جمعة بعد العصر فى جسر السويس عند العرب بالظبط ومفيش عربية كانت عاوزة تقطرنى للحرفيين فوقعت فى الميكانيكى ده وحصل اللى حصل وحتى ماشفتش حاجة من اللى غيرها ولا جراكن الزيت حتى ولا حسيت بأى فرق فى العربية نهائى بعد ماقاللى أنه غير طقم الدبرياج (طبعاً بعد كده فهمت أنه ممكن يكون عيب كبالن ملصت من مكانها ومكنش عيب طقم دبرياج !!!!) وخد 3000 ج ، ربنا لايباركله ولايسامحه فى أى قرش أخده منى سرقة والله بدعى عليه ليل نهار ، وبالنسبة لزيت الفتيس أعرف أزاى إذا كان غيره أصلاً ولا لأ ؟ وبالبنسبة للسيور كانوا بيقولولى لازم تغيرها عند 50 ألف أو 3 سنين أيهما أقرب ، فعلشان كده خايف يحصل حاجة ، أستنى عليها شوية وأجمد قلبى ولا أيه ؟ معلش بتعبك معايا ياباشمهندس

حط هنا
.. صفحه المواصفات لجدول اللزوجات
.. و كمان صفحه المواصفات
.. و مواصفه تزويد الزيت عند البخر ( لانه احيانا بيسمح باشياء استثنائيه لتزويد الزيت الناقص )


اكتب هنا ايه لزوجه الزيت ال 5000 اللى حطه .. و كمان لزوجه ال 10 الاف .. و هل زيت ال 5000 كان مكتوب علي العلبه مواصفه رينو ؟؟

ده حيخلى رد المهندس بوريو ادق و اشمل و واضح ليك

خلط زيت معدنى على تصنيعى موش كويس طبعا


لكن اعتقد انه ممكن للضروره بشرطين ( غير متأكد 100% )
- ان يكون له نفس مواصفه مستوى الخدمه المسموح به فى الكتالوج .. و كذلك نفس الامر بالنسبه للزوجه
- ان لا يشترط الكتالوج استعمال زيت تصنيعى فقط
- و طبعا كشرط اضافى للشرطين السابقين .. بالنسبه لعربيتك تكون له مواصفه رينو كمان


و سيؤدى مثل هذا الخلط الى انقاص مواصفه الزيت التصنيعى
و فى جميع الاحوال الافضل تغييره و عوضك على الله

المشاركة الأصلية كتبت بواسطة م/أحمد عبد الفتاح

بالنسبة لزيت الفتيس اضمنلك تغيره وخلاص خصوصا وان زيت الفتيس المانيوال مش غالى ونصيحة تغيره تانى بعد ١٠٠٠ كم علشان بس ترجع العربية لحالتها - موضوع الاسطوانة علشان تبوظ كده وتفصل خالص لازم تمر بمراحل زى ان العربية ماتسحبش وصوت الموتور والاربى ام يكون عالى ومافيش سرعة - تلاقى العربية فى المطالع مش قادرة تطلع وانت دايس بنزين جامد وكده يعنى مش بتفصل مرة واحدة وممكن جدا يكون اللى حصل معاك لما الفتيس مراضاش ينقل ان يكون الزيت كان ناقص بسبب طبه ماكانتش مربوطة كويس والميكانيكى زوده باى زيت وخلاص وربط الطبة كويس - وممكن لو كانت الدبرياج عندك زيت يكون الماستر بتاعه ضرب واتغير له طقم اصلاح - لكن عربية زى دى صعب قوى تجيب اسطوانة فجأة كده - بالنسبة للسيور اعتقد ان سيور الفابريكة بتاعة العربية بتعيش كتير لذلك استنى عليها شوية لغاية ماتكمل ٥٠ الف وعلشان تكون مطمن بص عليهم لو لقيت فيهم اى تشققات او بودرة سودا حواليهم يبقى تغيرهم

ربنا يباركلك ويحفظك أنت وأهلك وكل أحبابك من كل سوء ويرزقك من حيث لاتحتسب ويطمن قلبك
تمام كده هغير إن شاء الله زيت الموتور والفتيس وهستنى شوية على السيور
شكراً جزيلاً تعبتك معايا ، خالص تحياتى

المشاركة الأصلية كتبت بواسطة tasaka

حط هنا
.. صفحه المواصفات لجدول اللزوجات
.. و كمان صفحه المواصفات
.. و مواصفه تزويد الزيت عند البخر ( لانه احيانا بيسمح باشياء استثنائيه لتزويد الزيت الناقص )


اكتب هنا ايه لزوجه الزيت ال 5000 اللى حطه .. و كمان لزوجه ال 10 الاف .. و هل زيت ال 5000 كان مكتوب علي العلبه مواصفه رينو ؟؟

ده حيخلى رد المهندس بوريو ادق و اشمل و واضح ليك

والله مش عارف أصلاً هوة حط زيت أيه ، العربية قعدت عنه 3 أيام ومشفتش حاجة وقاللى غير طقم الدبرياج والزيت للموتور والفرامل وحتى الجركن مشفتوش بس قال أنه غير زيت شل الأصفر 10000 كم حط 4 لتر + 1 لتر 5000كم برضه شل لأنه مفيش عبوات صغيرة من الــ 10000 كم وخد منى 3000 جنيه !!! ربنا لايباركله فيهم ، والمواصفات بتاعت الزيت زى الكتالوج مكتوبة فى أول البوست لأنى مش عارف أنزل الصورة دايماً بيحصل فشل فى رفع الصورة ، بس هيا المناسب ليها زى مافهمت من الكتالوج أنها 10w40 وشكراً جزيلاً لحضرتك وربنا يباركلك