مشكلة فى فيليشا 95

**mostafaa7md** · 07-07-2016 03:12 PM

السلام عليكم
لو سمحت كنت عاوز اعرف حل لمشكلتى مع فيلشيا 95
العربية مش بتدور غير وانا دايس ع البنزين ولو شيلت رجلى بتفصل ولازم تدور تانى وبرضه لو جيت انقل غيار وافصل رجلى من ع البنزين بتفصل تانى ولازم تدور تانى
نضفت بك البنزين الى فى الكرباراتير وبرضه المشكلة بترجع تانى بعد يومين بالكتير
وكمان العربية مخنوقة اووووى....مثلا اجرى بيها على طريق متجبش اكتر من 60 او 70 كم فى حين انى بكون كابس بنزين ع الاخر ومديها الخامس وكانت بتجرى فى الاول لحد 130 مثلا
شكرا لحضراتكم

**مدحت سمير** · 07-07-2016 05:41 PM

حضرتك المشكله ده ليها أسباب كتير
راجع خراطيم بنزين ممكن يكون في خرطوم مقطوع ويجيب بنزين أو طرمبه بنزين أو كبايه الي قبل كاريكاتير

العربيه ممكن تكون محتاجه تعالي شويه عندك أى بي ام مفروض يكون اعلي من 6 او أقل حتبطل
رق السيرفر ممكن يكون منفس وبالتالي وبيهرب هوا من ماتور وده يخليها تبطل
موضوع سرعه ده البوجيهات أخبارها ايه وحاله ماتور
وفلتر هوا نظيف ولا مكتوم
اخر حاجه وهيا الي مطلعي عيني وملهاش حل بقالي سنه لو كربراتير محتاج يتظبط ويتنظف لو تنظيف بس محاوله ولو بايظ ملهاش حل
انا وديته عند ابراهيم من سنه واتصلح شهر وباز تاني ده ملهاش حل انا بدور عل كبراتير بقالي سنه ونص ومش لاقي حاجه استيراد او مستعمل نظيف
وشكرا

**ahmed.biso13** · 07-07-2016 08:47 PM

االله يكون فى عونك سنةونصف بدور على كربراتير

**mostafaa7md** · 08-07-2016 02:53 AM

استاذ مدحت
شكرا جدا على ردك بس كنت عاوز استفسر على شوية حجات اكتر منك
ايه هو ال اى بى ام الى المفروض يكون على 6 او اقل دة ؟
رق السيرفر دة فى الكارباتير....صح ولا غلط.....اما بشيل العمة بتاعة الكارباتير بلاقى هوا فعلا منفس...بس اما بركبها مش بسمع اى صوت خالص....انا قولت الصوت دة ممكن يكون طبيعى عشان العمة مش راكبة وكاتمة الصوت
انا اعتقد انها تكون رق السيرفر دة بس عاوز اعرف هو فعلا لو منفس هسمع صوت الهوا دة فى حالة وهيا العمة مش راكبة بس....ولا هيكون واضح على طول
شكرا واسف على الاطالة

**مدحت سمير** · 08-07-2016 09:40 PM

العفو يا باشا
الأر بي ام ده في لوحه عدادات
ممكن مكنش عندك ويكون عندك عداد قديم ابو ساعه
عقارب
رق السيرفر ده قدام بدال فرامل في حوض عربيه
صوت تنفيس وانت فاكك عمه ده طبيعي صوت الهوا الي داخل كاريكاتير
حضرتك لازم تشوف ميكانيكي كويس يشخص مشكله فين من
وشكرا

**mostafaa7md** · 09-07-2016 02:33 AM

الف شكر يا استاذ مدحت
انا فعلا معنديش ار بى ام....عندى العداد القديم ابو عقارب ساعة دة :)
هروح لميكانيكى واشوف كدة العيب دة من ايه
شكرا يا باشا

**ابراهيم خليل** · 12-07-2016 04:04 PM

اخى المشكلة دى كانت عندى ولفيت بسببهاعلى الميكانيكية وفى الاخر طلع السبب هو علبة البلاستيك الموجودة اسفل الكاربيراتيرفيها متوصل 3 خراطيم بنزين كان الميكانيكى موصلهم غلط خلى بتاع الكاربيراتيريراجع التوصيلات للخراطيم لان لو اتحط الخرطوم اللى تحت مكان اللى فوق العربية بتلخفن وبتبطل وخصوصا فى الغيار الرابع والخامس