الموضوع: اسفسارات مهمة فى الفليشيا؟

السلام عليكم و رحمة الله و بركاتة
معايا عربية سكودا فليشيا 95 فيها شوية حجات عاوز اسئل عنها
اولا الكاسيت كان شغال و فجاة بطل يشتغل
ثانيا مساحات العربية كانت بتتحرك لكن رشاشات المية مش شغالة و دلوقتى لا مساحات و لا رشاشات
ثالثا فى نفس وقت المساحات مبطلت تشتغل اشارات العربية مبقتش شغالة بردة
رابعا ولاعة العربية مش شغالة من اول مجبتها و طبعا كلنا عارفين المخرج بتعها مفيد
خامسا عداد البنزين مكنش شغال و وديتة لواحد صلحة و قالى عوامة البنزين كانت واقعة مقعدتش يومين و لقيت العداد رجع باظ تانى يا ترى لية؟او اية السبب؟
سادسا فرامل اليد مش شغالة و الميكانيكى قالى محتاج 2 طنابير ليها يا ترى تكلفتهم كام
سابعا فى نقطة بارومة صغيرة فى الشنطة يا ترى علاجها اية؟و ازاى و ازاى احافظ على العربية عشان متجلهاش بارومة؟

يريت اللى عندة اى افادة عن اى نقطة من ال 7 نقط دول يفدنى بالحل و تكلفة تصليحة كام للضرورة لو سمحتم
لانى اشتريت العربية من كام شهرو متحركتش بيها غير من ميكانيكى لميكانيكى و دول اخر حاجة فاضل تتصلح فى العربية عشان تبقى زى عربيات البشر و منة لله الميكانيكى اللى قالى عليها حلوة و لبسهالى
اسف طولت عليكم بس من حسرتى على فلوسى و على العربية

أولا الف مبروك علي عربيه وربنا يكفيك شرها
ثانيا حضرتك كل الي بتقول عليه حاجات بسيطه
والميكانيكا الي شافها معاك ممكن يكون ملبسهاش ليك زي مابتقول
اهم حاجه عربيه حالتها ايه شاسيه وماتور وعفشه كاوتش وصالون رشه حاجه جوه ده الأساسيات
جبتها بكام والحاجات الي قلت عليها حاجات بسيطه
من 1 الي 4 ده كهرباء راجع فيوز الي تحت دورج ممكن يكون فيوز محروق تراجعها لو كله شغال شوف كهربائي
موضوع سهل
بالنسبه لعوامه بنزين راجع عليها ثاني لوبايظه بتتباع في حدود من 90 الي 100 غيرها
فرامل اليد انت بتقول طنابير طيب فرامل رجل قويه ولا ضعيفه لو قويه يبقي مش عيب طنابير وممكن يكون رجلاش فرامل يد ولو فرامل رجل ضعيفه راجع علي نيل وممكن تملاه لو طنابير حالتها مش متاكله اوي بيزودو تيل علشان يعادل تآكل طوابير
ولو متاكله اوي هات طنابير استيراد من عزبه شلبي او حرفين انا مش عارف سعرهم بس معتقدش حيكونو غالين لو مساعدين خلفين وحشين ممكن تشتري دشمه كامله بالسوست
بخصوص بارومه هيا فيها حاجه رشه دواخل ولا عربيه
ده عند اي حد سمكري حيظبطها لو حته صغيره ممكن تصنفرها وتحط عليها شحم علشان متكبرش ومش لازم تعملها علشان متبقاش رشه
وشكرا