الموضوع: مهندس مدني و عاوز اهاجر

المشاركة الأصلية كتبت بواسطة fadod

بخصوص الهجره و بالنسبه للدول التي تم ذكرها فامريكا تعتبر الاولى من ناحيه مستوى المعيشه وسرعه الحصول على الجنسيه بعد 4.5 سنوات من حصولك على الاقامه الدائمه.
انا عايش في امريكا من 18 سنه وزرت معظم الدول الاوروبيه واعرف تماما الفرق بينها. ولكن السؤال هو كيفيه الحصول على الاقامه الدائمه فيها. حاليا الطريقه الوحيده هي عن طريق الهجره العشوائيه وقديما كان عن طريق السفر و الزواج من امريكيه. اما طريق العماله النادره ده يعتبر قليل جدا. نصيحتي ليك قدم على الهجره العشوائيه سنويا وممكن تحاول تقدم في استراليا. لو توفقت لازم تسافر لوحدك في الاول و ما تغلطشي و تسافروا كعيله مع بعض. اول سنه او سنتين متعبين جدا. انا بقابل مصريين كتير بيجو هنا عشان يولدوا و ينزلوا مصر. على فكره ما فيش دوله اوروبيه بتدي الجنسيه بمجرد الولاده ولا دوله اوروبيه بتدي الجنسيه بعد اربع سنين ونص من الاقامه. و ممكن لو انا غلطان في النقطه ده حد يصلحها.

استراليا بتدي الجنسية بعد 4 سنين اقامة بشرط
1- اقامة شرعية 4 سنين
2- بدون اي gaps في التاشيرات و لا مخالفات للاقامة في النص
3- عالاقل السنة الرابعة باقامة دائمة (ممكن 3 سنوات باي تاشيرات + سنة اقامة دائمة)
4- اقصى غياب اجمالي خلال الاربع سنوات هو سنة غياب
5- اقصى غياب اجمالي خلال السنة الرابعة هو 90 يوم (من اصل سنة الغياب مش اضافي)

بمعنى اصح مفيش جنسية بدون اقامة دائمة الاول .... لو واحد عاش 100 سنة باقامات مؤقتة او اقام بشكل غير شرعي مش هياخدها

الجنسية بالولادة في استراليا لازم اما
1- اجد الابوين معاه عالاقل اقامة دائمة
أو
2- الطفل اتولد و عاش 10 سنين من ميلاده لحد عيد ميلاده العاشر في استراليا

مفيش جنسية بمجرد الولادة زي امريكا في استراليا