مقارنة بين الـ BYD f3 و الـ Brilliance frv

**aelmostafa76** · 30-11-2008 03:48 PM

رغم قلقي من الإثنين لكونهم صينيين و سمعة الصيني عندنا في مصر بالذات مش أد كده لكثير من العوامل أهمها أن مستوردينا شديدي الجشع فبيجيبولنا اقل المنتجات جودة من الصين و يبيعوها بأعلى سعر ممكن ليها في مصر في حين أن نفس المنتج تلاقيه في أمريكا أو اوروبا او حتى دول الخليج افضل كثيرا في جودته و تحمله رغم انه نفس المنتج !!!! :k17:
المهم رغم تحفظي هذا فأرجو من الجادين و الذين لديهم علم بالسيارتين من واقع تجبربتهم لهما او لأحداهما أن يتفضلوا بعمل مقارنة عادلة بين السيارتين من شتى الجوانب بالأدلة و البرهان و الصور ايضا إن امكن.
و ربنا يهدينا لما فيه الخير
و شكراً:k49:

**Hacker5** · 30-11-2008 08:47 PM

اللى انا اعرفه ان ممكن يكونوا الاتنين متشابهين فى الكماليات
و لكن شركة بريليانس تعتبر اشهر و افخم من البى واى دى و كمان وكيل محترم جدا و مشهور جدا عن توكيل الامل
لكن لو عايز رأى يبقى بريليانس FRV و اتكل على الله و كفاية الشكل الثورى للبريليانس عن البى واى دى المقلد
و لكن الحسنة الوحيدة فى البى واى دى ان موتورها ميتسوبيشى و صالون تويوتا كورولا يعنى ممكن تجيب اى قطع غيار هاتركب عليها
و حضرتك ممكت تروح تتفرج على دى و على دى و تشوف انتا مستريح لانهى واحدة
و القرار ليك فى الاخر

و استنى برضو رأى الاعضاء و مالكى السيارتين

**moustafamoussa** · 30-11-2008 10:08 PM

يا جماعة انا البافرية كانت عايزة تزود عليا 5000
واشتكيت لحماية المستهلك و اجبروهم انهم يدوني بالسعر القديم 70000 بس
بس للاسف انا برضة مش هاشتري العربة و هجيب فيرنا
انا عارف ان Frv احلي بس انا شايف ان الفيرنا عملية اكتر

**aelmostafa76** · 30-11-2008 11:50 PM

مافيش مقارنات ليه؟ أرجو كتابة الآراء

**ahmed1_com** · 02-12-2008 12:55 AM

بص يا مان البريليانس ال frv افضل فى كل الاحوال بص على وكيل العربيتين البافارية والامل انا حقلك حاجه حصلت معايا كنت هشترى عربيه بايد فلاير الصغيره فقلت قبل مشترى اتاكد من قطع الغيار كلمت التوكيل حولونى على مركز الصيانه قلتلهم انا عامل حادثه والعربيه عايزه كبوت وكبالن وفوانيس قدام ورفارف وكدهفى الاقول فضل يقولى هات العربيه نشوفها مكنش راضى يقولى رحت مثبته وقلتله انا جيلك من الاسماعليه مش حاجى اركن العريه عندكم راح شاف فى المخزن التوكيل كله مغهوش غير مرايات والفانوس الشمال الخلفى بس بجد بعد الموضوع ده صرفت نظر خالص لكن توكيل البافارية عمره محيخرب سمعته والدليل على كده حجات كتير العربيه الماهيندرا الهندى مع واحد عرفه بجد بيشكر فى البافاريه قوى فى الصيانه والحجات بيقول فعلا شركه محترمه وكمان البريليانس ماركه كويسه اعلى بكتير من البى واى دى اتكل على الله واختار البريليانس