الموضوع: هوندا سيفك 96 اوتوماتيك وعاوز رأيكم

معروض عليا هوندا سيفك موديل 96 كل ما تحتاجه فقط كبالين ,, كامله اوتوماتك ,, فبريكه دواخل ,, بصراحه العربيه واقفه وجميله جداً وانا عاوز اجيبها عشان اريح العربيه اللي معايا بعد إرتفاع أسعار العربيات المبالغ فيها دي ,, العربيه معروضه عليا بـ 56 الف ج ,, فكنت عاوز اعرف ايه رأيكوا من ناحية السعر وقطع الغيار والاعتماديه ,, وممكن تنصحوني بإيه وانا بجيبها ,, وشكراً مقدماً وإن شاء الله انضم للقسم قريب :)

المشاركة الأصلية كتبت بواسطة sameh_fouad

سعرها ممتاز , بس دية غالبا هتكون الفئة ال lxi الاقل اوبشن , واكشف على السيارة كويس جدا عشان هية سعرها اعلى من كدة فى السوق
كل شىء متوافر مافيش حاجة مش موجودة , والاعتمادية عالية

الف شكر يا سامح باشا ,, انا فعلا جبتها ,,وربنا يكفينا شرها :)