لا تبخل بعلومة ايجابة او سلبية عن اللوجان

**omarhelmy** · 30-11-2008 08:50 PM

الوالد ناوي يشتري لوجان عشان عنده في الشركة عاملين عليها عرض جامد اوي بس انا الصراحة قلقان منها ياريت تفيدوني خاصة ان شكلها مش عاجبني اوي

**mostafabakry** · 30-11-2008 10:18 PM

العربية دي انا مقتنع جدا بيها و ان شاء الله هشتريها بس انا اليومين دول مستني و لاااابد في الدرة زي ما بيقولوا عندنا في الصعيد عشان قصة الأسعار الي ممكن تنزل و الكلام دا

بس انا عن نفسي و من وجهة نظري الشخصية شايف ان العربية دي ممتازة و تعتبر احين اختيار لأسرة كبيرة و بتسافر كتير
احسن اختيار عربية من جوا واسعة جدا جدا و كفاية ان العربية عليها لوجو لشركة من اكبر شركات السيارات "رينو"

انا شفت العربية في معرض لشركة عربيات بالمهندسين و عجبتني جدا و حكاية الشكل دي اذواق و بتختلف انا شكل العربية مقبول بالنسبة لي

طبعا عشان نبقي واقعيين العربية مش من العربيات اللي لما تشوفها تقول وااااااااااو ايه الحلاوة دي
لا العربية عملية جدا و شكلها غير نمطي بالنسبة لنا في مصر لأننا تعودنا علي ستايلات معينة

انا لما شفت العربية في الفيديوها حسيت ان شكلها مش حلو و شاذة بس بصراحة لما شفتها في المعرض بتاع شركة عربيات فوجئت انها مش كبيرة و لا ضخمة من الخارج زي ما انا كنت متصور
العربية حجمها عادي جدا و كل الحكاية ان العربية تم استغلال مساة الشنطة الخلفية و ضافوا ليها مقعدين زيادة مع تقليل حجم الشنطة و طبعا انت ممكن تستغل عوارض التحميل اللي علي السقف و تركب شبكة تحميل شيك و تحمل زي ما انت عاوز

اخيرا انا شايف انها عريبة اسرية جدا و انا مقتنع بيها و ان شاء الله لو اشتريتها قريب هحاول اكتب كل تفاصيلها للفائدة

**hesham_tawfiq** · 01-12-2008 10:16 AM

السلام عليكم جميعا
زى ما الاخ مصطفى شرح بالظبط
العربيه عمليه جد جدا ومريحه عالاخر لكل الركاب ورا وقدام ولا يعيبها الا شكلها من وجهة نظرى ودى مش فارقه معايا اوى لانى محتاج عربيه عمليه مش مجرد شكل جميل من برا
وكمان لازم تعرف ان العربيه مش بتاعة جرى وشد والحركات دى لانها اسريه جدا انما مش شبابيه

**amr123** · 01-12-2008 11:19 AM

ممكن كمان حضرتك تدور فى المنتدى هتلاقى كتير من الاعضاء اتكلم عليها ...اكيد هيفدك
و احنا تحت امرك فى اى سؤال

**mostafabakry** · 02-12-2008 02:06 PM

علي فكرة يا جماعة انا كنت بتكلم عن اللوجان Mcv مش العادية
بالنسبة للوجان ال5 راكب (السيدان) انا شايف انها عربية عادية و مش غريبة من ناحية الشكل لكن لو علي ال Mcv فطبعا دي نوعية عربيات احنا متعودناش علي وجودها في شوارع مصر علشان كدا معظم الناس مستغرباها شويه

بالنسبة للوجان السيدن بصراحة انا كنت سمعت من بعض الناس ان العربي موتورها قوي جدا مقارنة بيها و بحجمها لدرجة ان بيبقي عنيف علي العربية و كبير عليها