الموضوع: أخشى أنني سوف أنسحب من المنتدى

سيادة العقيد خالد......أولاً ربنا ما يجيب مشاكل أن شاء الله

ثانياً حضرتك كنت المفروض تكتب الرد فى الشكاوى فى موضوع جديد حتى يتم الرد عليه أسرع.

ثالثأً.....الأدارة قد تكون بتتصرف بما يدعو للشك ( الذى ليس فى محله...من مشاهداتى فى العديد من المشاكل ) فى مساواتها بين الأعضاء بين الحين والأخر بس صدقنى أنا بعذرهم جداً لأن حضرتك ممكن متكونش متخيل هما بيتعبوا قد أيه ويهمهم بالدرجة الأولى الحفاظ على النظام فى المنتدى وعدم تحويل الموضوع الى نزاعات جانبية...خصوصاً أن الفترة اللى فاتت شهدت العديد من النزاعات بين أعضاء المنتدى و طبعاً ده مش فى مصلحة المنتدى وبالتالى مش من مصلحة الأعضاء اللى بيبقو داخلين عشان يستفيدوا..........وبعدين جضرتك رجل جيش وفاهم أهمية النظام.....أكيد مش أنا اللى هقولك على أهميته.
حضرتك أعذرهم.....هما كل الأدارة 10 أو 15 شخص تقريباً ومسؤلين عن مشاركات 26 ألف عضو.....منهم 7000 عضو نشيط ( يعنى بيدخل كل يوم وبيشارك ) كل ده هما بيعملوه تطوعياً.....فمعلش أعذرهم برضه.

على فكرة أنا والله العظيم عضو عادى مش من الأدارة ولا الأشراف عشان متفتكرش أنى بحاميلهم عشان أنا معاهم.....بس أنا بجد بعذرهم مهما صدر منهم من قرارات قد تكون للوهلة الأولى متسرعة أو ظالمة للبعض ( من وجهة نظر البعض دول نفسهم ).

ده بأه غير أنى بعتب على حضرتك عتاب الأخ الصغير لأخوه الكبير على تفكيرك أنك تسيبنا وتحرمنا من مشاركاتك المتميزة وأرائك السديدة.